بسم الله الرحمن الرحيم
احم، احم،
إدارة المنتدى قامت مشكوره و تفضلت على روسنا من فوق و حطت بعض المزايا الجديده في الملف الشخصي لكل عضو. << مع إنها موجوده في باقي المنتديات من زمان، بس لازم نمدح الإداره و نسوّي بوليش شويه. 
المهم،
يا جماعة الخير أنا ملاحظ حركه أرعى هاليومين.
خلق الله تدش ملفي بدون علمي، و هذا شيء لا يقبله عقل ولا منطق.كما أنه يتنافى و مبدأ الشفافيه و الإفصاح عن الأرباح اللي تم الإتفاق عليه مؤخرا. << اللي يسمع بملفك يقول ملف الجزر الثلاث.
عيل جان ريتوا إنتوا،
عدد المشاهدات في الأميات و يوم تشوف الأعضاء الزوار تلقاهم ثنينه ثلاثه !!!
ما إختلفنا، الواحد منهم عن 100، بس مب لين هالحد.
و على هذا الأساس، أخوكم قام بجوله (يعني رحله، لأن الكلمه لها معنا ثاني و هو الغاز القديم )، في ملفات الأعضاء، لقيتها نفس الشي. البورصه وحليله واصلتنه 120 زياره، و الأعضاء 2 فقط.
اللي يضحكني إن مضارب مغامر كان حاطنه في قائمة الأصدقاء، بس إسمه مب مبيّن. الحبيب سوّا “خروج” و دش عالملف و عقب عرض عليه الصداقه.
لذلك، و للقبض على هؤلاء اللصوص المتلصوصيييين، أطالب الإداره إنها ما تخلي الإتطلاع على الملفات الشخصيه إلا من الأعضاء (مثل ما كان متّبع سابقا). 
و ويلك ياللي تعادينا يا ويلك ويل.
ملاحظه،
اللي عنده كلمه في خاطره خارج النص، يحطها. و إحنا بنرد عليه.
انا اقول شو السالفة محد ينزل مواضيع بالمنتدى العام
يالبى قلبك روزي
دامك عزمتيني والدعوه فيها على كيف كيفي .. أجل بررررب << بتجيب القهوة وبتسنتر هناك
صدق مشكله الفضوليين ..
مخيلاتهم مليئه بالأفكار الفضوليه النيره وماينخاف عليهم إذا توهقوا يصرفون أعمارهم
انا فكرت أدخل أكتب مسج دعاء كل فتره للأعضاء اللي ناويه أبلط بملفاتهم
ومنها أجر و بصبصه << وعلى نياتكم ترزقون
لكل داء دواء يستطب به … إلا الفضول أعيى من يداويه << محرف
حليله العميمي
!! ياخي صدقني أنا ريال طيب .. بس المشكلة الظروف خلتني نذل !! 
ههههههه متعني اتحسب صدق حرامي دخل ، أنا الحين بشوف ملفي وثانكس ع التنويه