ماشاء الله محطات بترول ادنوك طلعت اذكى من باقي المحطات وعرفت تلعبها صح بعقلية تجارية بحته
عقب ما نزلوا كم فلس في سعر البترول الاحمر الجميع حول لادنوك …مع ان الفرق بسيط ما يتجاوز 10%
واصبحت جميع محطات ادنوك مزحومة وعلى مدار الساعة
وعشان تعبي لازم تنتظر طابور يوصل لغاية عشر دقايق – مجرب للاسف– عاد على شو على كم فلس
المهم الحركة الاذكى هي انهم رافعين اسعار السلع في واحة ادنوك بشكل ملحوظ عن باقي المحطات
ففي الغالب الواحد يوم يوقف يعبي سيارته في ادنوك يفولها والتفويل ياخذ وقت .. والانتظار لين ما ايي دورك ياخذ وقت …
وشي حلو تسير واحة ادنوك تاخذلك سندويش او عصاير او ايس كريم لين ما ايي دورك او تخلص عملية التعبئة..
وااللي صار ان واحات ادنوك ( السوبرماركت التابع لادنوك) صار متروس وحركة عليه بسبب طوابير السيارات
واللي غاب عن بال الكثيرين انهم يدفعون زيادة في اسعار سوبرماركت واحة ادنوك…
ولاحظت في بعض السلع السعر عندهم زيادة 35%
فلو حسبتها صح تطلع عليك البيعة اعلى من سعر السوق يا ذكي
بصراحة انا يوم لاحظت هالشي قررت اني ما اعبي في محطات ادنوك الا اذا كانت فاضية وهذا شي نااااادر خصوصا في الامارات الشمالية
عموما الحركة ذكية منهم !
واللي فكر فيها اذا كان متعمد هالشي انا اعتبره عبقري وصاحب عقلية تجارية
ومن المعروف ان تجارة بيع التجزئة او retail هي من التجارات الرابحة وذات الدخل العالي واللي يتجاوز ارباحه 100% سنويا
ومانقول غير هاردلك لباقي المحطات
تحياتي
صح ،، انا لاحظت من فترة انهم مغلين بعض السلع عندهم
بس شونسوي ،، غصبا عنا ناخذ
واذا ماوقفنا نشتري الصغارية يحتشرون علينا
نعم لي أدنوك اللي موظفه عيال البلاد واللي ماتريد ترفع سعر البترول واللي اتدور على الرخيص عسب جي يابتلكم اي بلس
من صوبي انا افضل أدنوك اللي رافعه راسنا بخدماتها الطيبه واذا عللا الغلا ترى سببه الشركات الثانيه
في الاخير هذي وجهة نظر شخصيه
وما أعتقد أن إيبكو وإينوك والإمارات أرخص من الواحة
لاطبعا مب احسن … لكن ادنوك سوت للسوبرماركت مالها زباين بطريقة ذكية+اسعارهم ازود عنهم
شفط ما في جيوب الناس