ماشاء الله محطات بترول ادنوك طلعت اذكى من باقي المحطات وعرفت تلعبها صح بعقلية تجارية بحته
عقب ما نزلوا كم فلس في سعر البترول الاحمر الجميع حول لادنوك …مع ان الفرق بسيط ما يتجاوز 10%
واصبحت جميع محطات ادنوك مزحومة وعلى مدار الساعة
وعشان تعبي لازم تنتظر طابور يوصل لغاية عشر دقايق – مجرب للاسف– عاد على شو على كم فلس
المهم الحركة الاذكى هي انهم رافعين اسعار السلع في واحة ادنوك بشكل ملحوظ عن باقي المحطات
ففي الغالب الواحد يوم يوقف يعبي سيارته في ادنوك يفولها والتفويل ياخذ وقت .. والانتظار لين ما ايي دورك ياخذ وقت …
وشي حلو تسير واحة ادنوك تاخذلك سندويش او عصاير او ايس كريم لين ما ايي دورك او تخلص عملية التعبئة..
وااللي صار ان واحات ادنوك ( السوبرماركت التابع لادنوك) صار متروس وحركة عليه بسبب طوابير السيارات
واللي غاب عن بال الكثيرين انهم يدفعون زيادة في اسعار سوبرماركت واحة ادنوك…
ولاحظت في بعض السلع السعر عندهم زيادة 35%
فلو حسبتها صح تطلع عليك البيعة اعلى من سعر السوق يا ذكي
بصراحة انا يوم لاحظت هالشي قررت اني ما اعبي في محطات ادنوك الا اذا كانت فاضية وهذا شي نااااادر خصوصا في الامارات الشمالية
عموما الحركة ذكية منهم !
واللي فكر فيها اذا كان متعمد هالشي انا اعتبره عبقري وصاحب عقلية تجارية
ومن المعروف ان تجارة بيع التجزئة او retail هي من التجارات الرابحة وذات الدخل العالي واللي يتجاوز ارباحه 100% سنويا
ومانقول غير هاردلك لباقي المحطات
تحياتي
انا اعتقد إن ادنوك افضل من باقي الشركات وإلي متأكد منه ان لولا ادنوك لشفنا اسعار البترول خياليه أكثر من جذيه لان جميع الشركات الثانيه تطالب بزيادة الاسعار لانهم يشترون البترول بسعر العالمي بس أدنوك الشركة الوحيدة المعارضه لين الحين لانها مدعومه من حكومة ابوظبي …..والله المسعان
حلال على ادنوووك…عالأقل الرواتب اللي يصرفونها تروح عند مواطنين يعيشون منها !!!
اما الشركات الثانية..حدث ولا حرج!
أصلاً الشيشه مضره بالصحه.
بصراحه ادنوك افضل من محطات البترول العامله في الدوله
اسعارهم افضل بكثير عن اسعار الامارات واينوك وهذا عن تجربه انا اشوف فرق شاسع في الاسعار عن الامارات واينوك
على الاقل ما فيه عاملات فلبنيات يعرضن عمارهن على الزبائن الموظفين كلهم رجال
العماله الموجوده اخواننا المصريين موجودين بكثره في محطات ادنوك ومعدومه فى الامارات واينوك شو القصد الله اعلم
يا حيهاادنوك
أخوي اذا هم أذكياء ليش ماأنته تصير أذكى منهم روح عب موترك فول وسو حق الواحه أكبر طاف ودورلك على أقرب بقاله وخذ الي تريده……