في احد يصدق ان صبغ المدقار ياخذ شهر و ثلاث اسابيع……………..
والله يا جماعة الخير اني مسوي حادث بسيط في الموتر و متعور عندي المدقار اليسار بس. وصار لي شهر و ثلاث اسابيع و انا اتريا ليومكم هذاو الموتر بعده ماخلص و كل ما امر عليهم يقولولي اتريه الدور لين اليوم طفرت و مريت عليهم و عقب ما جلب الدنيا عليهم قالولي ان ما في صبغ و الصبغ مخلص……..
شواسوي والله هلكت من مواتر الايجار. ياليتني مودي الموتر كراج عادي وفاك عمري بدل هاي الخساير ع مواتر الايجار والله ما يسوى عليه
تووووووووووووووووووووووووووووووووووبة و ألف توبة أفكر في شي من الفطيم مرة ثانية
44 thoughts on “حسبي الله ونعم الوكيل ع الفطيم”
Comments are closed.
المفروض نزور الموقع مالهم و نقدم جميع الملاحظات صدقوني راح نخسر و هم الكسبانين
بالله عليكم الفطيم ما يقدر يفتح ورشه ثالثه في دبي ؟؟؟
احسن سيارات عنده و أتعس خدمه عنده
صحيح انها وكاله خرطي ومعامله زباله
واحد يتريا الصبغ ووداحد الربل والله حالة
نزين شلو سيايركم ويوم يوصل الصبغ والسامان خلهم يدقولكم
والله انا ملاحظ ان الوكلات تبيع سيارت بدون لمت والسيرفس ما يتحمل السيارات المباعه!!!
انتو ليش امعورين راسكم ويا هالوكاله اللي قاصه على بعض الناس يا ناس يا عرب يافاهمين اا واحد خاطره بموتر صدق من وكاله الفطيم لا يخذ ويستعيل وباجر يندم ندم مايتعوض انا خذت ستشن 6 سلندر من الوكاله اونه عاد رقم 2 ولا فيه اي مواصفات اب 178 والقهر اربيعي وهو اخو من نفس حارتي راح السعوديه ويابله 8سلندر وعلى الزيروو ويقهرني والفرق 10الف بي وانا كنت حاسب اني بطلع اذكى منه قلت له انت ما عندك ظمان قالي واذا انت ما شيكتها عدهه كل مره بينلغي ظمانك وقرت الاوراق وطلع كلامه فعلا صحيح وف التشيك يبدلو لك ايل وفلتر 650 درهم وربيعي ابدل احسن ايل 100 درهم ماي والله حرام حرام مايخاف ربهم هالمهنده اللي ماسكين الوكالات
أيوا زين يوم إنك فتحت الموضوع هذا أنا أتريا. شوف حبيبي بخبرك السالفة من طأ طأ لطيو طو
نفس ما قلت الــكستمر سيرفر مال الفطيم ماشي أتعس منة.
مادري فأي موضوع أبدأ ببدأ فموضوع تعاملهم الرائق ولا قطع غيارهم والأسعار والمذلة
انا ضارب V- Kool من داخل أب 3000 درهم تقريبا بس بنسبة 10 % .. وعاد بعد مرور 5 شهور كان خاطري ألون أسود. قلت حرام أشلة وركب أسود بدالة بضرب من برع. المهم دارت ولفت الأيام وبعد فترة يت شيشة البترول ابا أنزل الجامة عسب أقولة يعبيلي بترول. بدال ما أنزل جامتي نزلت الجامة لي ورا بالغلط. رديت رفعتها وتميت أطالعها. يوم يت لين فوق ما سكرت سيدة خذت شوي يمين وشوي يسار وعقب سكرت. قلت بوديها ع الضمان. وديتها بس عشان الجامة هذي لا وتعال أحجز موعد عشان أدخل السيارة. المهم حجزنا موعد وتمت السيارة عندهم يومين بس عشان هذا الموضوع. وفالأخير يوم يت أستلم السيارة قالولي يالسين يغسلونها ( عاد انا مستانس قلت مبدليلي أياها ع الضمان ). يت أشوف السيارة وأول ما لفتني صوبها مخفي جامة السايق مطر طر بكبرة لأني ضارب مخفي من برع والحبيب مقرب بيب الماي من الجامة ويرش ويرش. طبيت السالفة قلت براية برد أضربة برع. سرت عند الفورمان قتلة ها بشر شو طلع فسالفة ؟ قالي والله إنتة ضارب مخفي من داخل ومن برع وهذا أثر ع المكينة وولد ضغط. قتلة يا ريال لو ابا ألعب عليكم كنت بطلت الأسود ويبت السيارة. قتلة سولي ترتيب ما طاع. ( وهو كلامة سليم 100 فالــ 100 ) وانا عاد أتضايقت قلت يومين يايب السيارة عسبت هالموضوع السخيف. قتلة يا تبطلي مخفي السيارة كامل لأنك مخرب جامة يا تعطيني فلوس المخفي الأسود. ما طاع وسير عن مدير السيرفس مانجر. ويب السالفة من أول قالي ياخي ما نقدر أنبدلك القطعة لأنة أي قطعة أنطرشها اليابان لازم نذكر سبب العطل. تميت أحاول وياة أحاول وياة آخر شي قالي ( أقولك انا ما عندي اليوم بكبرة أتناقش وياك انا مشغول تبا تشتكي روح أشتك وانا ما يهمني حد ) شو هالإسلووووووووووووووووب الحضااااااااااااااااااااااااري !!!!!!!! قتلة كثر الله خيرك وزاد الله من أمثالك. وأتصل الفطيم الرئيسي فدبي ووصلت عند المدير العام المسؤل عنهم كلهم وخبرة السالفة من طأ طأ لطيطو وقتلة يعني هذا تعاملكم ويا الزبون ؟ الزبون أهم من اليابان وأهم من كل شي ولو ماشي زباين ما مشى سوقكم وانا أفكر أبيع السيارة والسبة السيرفس مانجر. أي مدير فهدنيا يقولك والله ما عندي وقت تبا تشتكي روح أشتك قتلة انا لا سبيتة لا غلطت علية أكلمة بأدب وأتناقش وياة. وصح لو انا غلطان ومركب مخفي لكن ما يحقلة يرد علي بالرد هذا ويا ليت ولد البلاد يكلمني ( باكستاني )!. وأتصل فيني هو يتأسف . انا آسف وسمحلي وما كان قصدي قتلة وين أصرفها هذي آسف! قالي بعطيك دسكاونت ع القطعة ومادري كيف. قتلها والله ما أصلح السيارة عندكم بس المخفي يتبطل اللحين اللحين. وبطللولي مخفي السيارة كامل لأنة جامتي مخفيها خربان من غسيلهم الممتاز والجامات الباقية مخفي. وزيكم من الشعر بيت لم أكتفي فقط بمكالمة المدير جون. فتحت علية شكوى في موقع الفطيم وخذ حبيبي ما يصير خاطرك إلا طيب. هذي المواقع سواء سيارتك لكسز او تويوتا
Toyota UAE
Lexus UAE
انا ربيعي عندة كابرس وكان يبا يمدد الضمان وتوة مطلع السيارة ما صارلها 1000 كيلو. كل ما يسير يقولة المصري هاتها ع 10 آلاف. ييسر ع ال 10 يقولها هاتها ع الـ 20 لين ما عدت الـ 50 ألف. وآخر شي قالة المصري ليش ما تتكلم من قبل خلاص اللحين ماشي ضمان. ويرشة بتقرير على موقع الكابرس يقولي حرام من طرشت الإيميل ما صارلة سبوعين إلا وفنشوة.
شوف يا طويل العمر انا سيارتي فل بيمة شركة إكسا للتأمين. وأنا راد البيت ع شارع الإمارات دعمت شي مادري شو بالضبط بس بين عندي أنة ضغط التاير منخفض. وقفت ولا أنة التاير مبنجر والبمبر الي ورا ع الطرف مخبوق. جني دعمت حديدة محترمة. المهم ضربت جيك وروحت وعقب يومين طلعت تقرير ( إصتدام بجسم غير ثابت ). ونفس الوقت وانا طالع من المرور واحد جز بريك جدامي وهفيتة بس ع سرعة 40 الحساستين لي جدام تعورن شوي والرقم رد ع البمبر. يعني صار عندي تقريرين. وديت التقارير ع المسؤل عن الحوادث فالكستمر سيرفر طبعا هو بدورة صور مكان الضربة وطرش الصور حق البيمة. طاف يوم – يومين – شهر. ما ياني رد وانا مخلنهم ع راحتهم وفخاطري أقول ( خلهم برايهم ما بتصلبهم أكيد بيقولولي يالله هات السيارة عشان نصلحلك). سرت الوكالة عشان أشوف شو صار قالي للحين ما يانا الرد من البيمة. ( للحين !! ). المهم أتصلت فالبيمة وردت علية موظفة مصرية. عطيتها تفاصيل السيارة. وقالتلي سيارتك قيمتها 304 آلاف وفية شي إسمة تحمل يعني لازم تدفع 8000درهم. قلتلها ليش السيارة كم تصليجها ( 80 ألف درهم ) ؟؟ وانتي أدفعيني 10% ؟؟ قالتلي لا بس هذا نظام عندنا اونة إذا السيارة فوق الــ 300 ألف لازم تدفع تحمل 4000 درهم وبما أنة انا عندي حادثين يعني 4000 + 4000. قتلها إنزين هذا بمبر والبمبر الخلفي ما يوصل هالسعر ونفس الكلام للأمامي. قالتلي والله أحنا نشوف بدال ما تدفعلنا أدفع حق الوكالة أحسن. قتلها انا ما أحيد عمري متصل فبقالة ولا دكان انا متصل فالبيمة لي انا دافع عليها 13 ألف. المهم راسي صدع وطبيت السالفة أتصلت فقطع الغيار تخبرتهم كم قيمة البمبر الي ورا قالي أب 850 درهم والي جدام قالي أب 750 درهم والحساسة الوحدة على 745 وانا عندي الحساستين خربانات إنزين والصبغ بكم ؟ قالولي أب 1600 للخلفي و 1600 للأمامي.
يت عاد انا أحسب كل شي طلعن قطع الغيار ( بمبر خلفي + أمامي + حساستين ) = 3090 درهم
والصبغ 1600 + 1600 = 3200 درهم.
يعني الإجمالي 3090+3200 = 6290 درهم يعني أرخص ولا إني أدفع 8000 درهم.
إنزين شو سويت أتصلت فبهوان وسألتة عن قطع الغيار وكانت الأسعار كتالي:
بمبر خلفي = 610 درهم إماراتي
بمبر أمامي = 582 درهم إماراتي
الحساسة الوحدة = 400 درهم
صبغ البمبر الي ورا + البمبر لي جدام = 2000 درهم
الإجمالي = 3592 درهم نصف سعر وكالات الفطيم الحرامية. بس في شي مهم لازم أنتى تشتري قطع الغيار من بهوان وإنتة توصلها حق الWorkshop. لأنة لو هو طلبع قطع الغيار تطلع أغلى لأنة هو بيبهن من المخزن.
تخيلو سفايف + درامات للكسز 460 أب 5000 درهم !!! مع شغلهم يوم إلا جي السالفة بطلعلي بورش أخير. أتصلت فقطع الغيار قالي قبل الخصم 4 سفايف و 4 درامات أب 3800 وبعد الخصم 2800 درهم معقول شغل إيدهم أب 2200 درهم ؟
أتصلت فبهوان قالي 4 سفايف مع مخرطة درام ويل أب 1450 درهم
وإذا تبا تبدل الدرامات والسفايف يكلفك 3450 درهم بالإضافة إلى ( تبديل إيل بريك و ميزانية سستم بريك )
وهالمصطلحات أول مرة أسمعها وشكلي يوم أبدل عند الفطيم لا يبدلولي آيل غير ولا درامات.
الكل يتشكى من الفطيم وخدماته.