في احد يصدق ان صبغ المدقار ياخذ شهر و ثلاث اسابيع……………..
والله يا جماعة الخير اني مسوي حادث بسيط في الموتر و متعور عندي المدقار اليسار بس. وصار لي شهر و ثلاث اسابيع و انا اتريا ليومكم هذاو الموتر بعده ماخلص و كل ما امر عليهم يقولولي اتريه الدور لين اليوم طفرت و مريت عليهم و عقب ما جلب الدنيا عليهم قالولي ان ما في صبغ و الصبغ مخلص……..
شواسوي والله هلكت من مواتر الايجار. ياليتني مودي الموتر كراج عادي وفاك عمري بدل هاي الخساير ع مواتر الايجار والله ما يسوى عليه
تووووووووووووووووووووووووووووووووووبة و ألف توبة أفكر في شي من الفطيم مرة ثانية
44 thoughts on “حسبي الله ونعم الوكيل ع الفطيم”
Comments are closed.
صدقني مب ويا الكل. وأصابع إيدك مب سوى وأكبر دليل المنجر أعرفة من سنة تقريبا ودوم يسولف معاي كل ما يشوفني ويقولي وينك ( انا قلت أهني الدنيا – منو قددي روووووح. ع سالفة تافههة أتفاهم وياة وتناقش وياة أنة مكينة الجامة لي ورا تتبدل ع الضمان رد علي وقالي.
Listen man you are mechanical engineer you should know this
قتلة مالة علاقة وحاولت أدهنة وسايسة ما فاد وياة. رد يقولي تبا تشتكي روح أشتك. مع إنة قاعدين نتناقش. والإسلوب لي رد علية فية مش حضاري يا خوي.
وغير عن هذا إنتة عارف أنة الناس أجناس فية العصبي واللوتي والمسولفجي والطيب ما تقدر تجبر الكل يتبع شي معين. ونفس الوقت يمكن تتوقع أنة بيمشي علية دهان السير آخر شي تتفاجئ إنة قام يغلط ويطول لسانة عليك و و و و و …..
إنتة الكستمر يعني هم لي لازم يدهنون سيرك مب إنتة تنذل عند راجو وبابو لكن نفس ما قلت يبالهم دهان سير بس شكثر بتدهن قسم بالله تعاف عمرك. لو مب الكستمر ما نفتحت الوكالة ومحد شترى. وهم يخسرون سمعتهم يوم عن يوم. اليوم انا تكلمت و 20 واحد خذو فكرة عنهم. باجر غيري بيكون قاعد فالميلس ولا فالقهوة ويسولف عن المواتر ويطري حق ربعة موضوع تعامل الفطيم وجذية بيشوة الصورة وبيعطيهم فكرة غلط عن الوكالة.
جرب تدخل السيرفر مال الــ BMW وشوف كيف التعامل. أيعاملونك جنك مدير. ترتاح ياخي تحس إنك في بلادك.
وشوف الأغلبية كلهم يعانون من مشاكل ويا الفطيم أحنا ما نصطنع بس هذي حقيقة.
فالأخير هذي ملاحظات ونفس ما قال أحد الأخوان هم الربحانين من أقتراحاتنا وردودنا. وانا أفضل أي حد يشتكي فموقع تيوتا يحط رابط هالموضوع للشركة عشان يشوفون إنة الكل يشتكي ومب بس هو.
وألف مبروك إنة سيارتك نصبغت وفتكيت منهم
هل من مزيد؟ …. تغير بلاكات ب 800 درهم شو مصنوع من ذهب وتغير زيت 850 درهم ليش يافطيم (قل Lexus )
شوووف يا طويل العمر..
اول شي الاغلبيه اللي في الفطيم مهنده..
والهندي اذا تتمصلح وياه قسم بالله امووورك طيبه ع الاخر..
المنجر اللي في الورشه ظااارب وياه سوالف ونكت
وضحك لين ما لاعت جبده .. واكبر دليل اللي صار وياي..
موتري شحفوه انزين وسرت اوديلهم اياه قالي الهندي ع الكاونتر
بيخلص بعد 3 اسابيع الى شهر !!! قلتله والله شحفه هب تبديل
مكينه !! وبعدين ضحكت قلتله انا اداويك ، وسرت عند الغالي المنجر
وقلتله جيه جيه جيه السالفه قالي دششها الحين وتعال ورا باجر
استلمها اتخيلووو
واليوم والله مستلمها
في الاخر السالفه سالفه مصلحه ودهان سير لا اكثر
شباب صدقوني كل ما تزيد الشكاوي كل ما يتفاقم الموضوع كل ما بيطلع صوتنا أكثر وأكثر. ما ابا حد يسكت عن حقة. ولا يقول راسي عورني وبرايهم.
هو برايهم برايهم بس حطو ملاحظة فالموقع عن سوؤ التعامل أو الموقف لي صادفكم وأذكرو أسماء الأشخاص المعنين.
غلطان لي يبيع المرسدس ويركب لكسز. هذا لي يسمع كلام الناس ( شو تبا فالألماني سامانة غالي خذلك لكسز بيكد وبيكد ). والله السيارة صارلها سنة معاي وانا من داخلي بصراحة بصراحة مب مقتنع فيها. وكل ما يخطف عدالي مرسدس أتظاهر أنة مب شي ومن داخلي متحرقص أتمنى.ص والله ندمان.
اللكسز السيارة جميلة ممتازة بس بصراحة خل نكون شوي شبابين المرسدس كتاتها ضابطة. يعني أطلعلك مرسدس من الوكالة وتحط علية غزوزات شوف كيف شكلة. اللكسز والله إنة مادري كيف أحس هو وبكتة تقول واحد متعلق فاليدار يبا يوصل فوق بس مب قادر.شوي طلعت برع الموضوع..
الي يكرهك فالسيارة تعاملهم والله تعاف عمرك. عنبو آيل 10 آلاف أب 850 وفأدنوك على 325 درهم لا وأحجز موعد حق السيارة وهاتها الصبح وستلمها العصر بس عشان يتبدلك آيل شو هالتسيب والإهمال. لازم يكون فية رقابة ولا تلومون الفطيم من كثر فلوسة (الله يزيدة) مب عارف شو الي يسونة هالفلبينين والباكستانية. وصدقوني هالفلوس كلها تسير حق هالحرامية. والسيارة والله فيها عيوب وايد كل ما أعبي بترول يعلق علي يمكن سيارتي من بين هسيارات فيها هالعيب ولكن ما قدرو يصلحونة ردهم كالعادة ( السيارة ما فيها شي وأوكي ) قوتها وهبتها مش شرات أول ما خذتها. ويوم أقولهم من البلكات ولا آيل غير. قالك ( لا ) السيارة يتبدلن بلكاتها ع الــ 200 ألف وآيل غير مدى الحياة ( يا رياااااااااااااااااااااااال دخييييييييلك بسنا خريييط )
توووووووووبة أشتري تويوتا لو الموت ( تكمل معاي فترة وببيعها ) يوم أنة سفايفها ودراماتها تكلفك 5000 درهم ! وهذي المفروض تكون سيارة أستهلاكية أكثر من ما تكون سيارة تعق عليها مبلغ محترم. وبما أنة اليوم ماشي أسعار الصيانة للكسز والمرسد والبي أم والبورش كلها متقاربة. ليش حارم عمري ومطلع لكسز أونة أقتصادية وما تخسرك. 5000 درهم بعقها ع بورش عشان أحس إني صدق مخسر. لكن ع لكسز قلبك يعورك.
والله مافي غير المسعود
وانا مجرب بالفتك مالي فعصه البمبر الامامي
بعد مارحت التأمين وخذت ورقت تصليح للوكاله
قالوا خذ سيارتك ونحن بنيب القطعه وبنصبغها
واول ماتخلص نحن بنتصلك ويبب السياره
وبعد اسبوع اتصلوا وعطيتهم السياره وخلال يومين خلصوا السياره