في احد يصدق ان صبغ المدقار ياخذ شهر و ثلاث اسابيع……………..
والله يا جماعة الخير اني مسوي حادث بسيط في الموتر و متعور عندي المدقار اليسار بس. وصار لي شهر و ثلاث اسابيع و انا اتريا ليومكم هذاو الموتر بعده ماخلص و كل ما امر عليهم يقولولي اتريه الدور لين اليوم طفرت و مريت عليهم و عقب ما جلب الدنيا عليهم قالولي ان ما في صبغ و الصبغ مخلص……..
شواسوي والله هلكت من مواتر الايجار. ياليتني مودي الموتر كراج عادي وفاك عمري بدل هاي الخساير ع مواتر الايجار والله ما يسوى عليه
تووووووووووووووووووووووووووووووووووبة و ألف توبة أفكر في شي من الفطيم مرة ثانية
44 thoughts on “حسبي الله ونعم الوكيل ع الفطيم”
Comments are closed.
اخوي دق على (بحث موضوع) وشوف كم موضوع شكاوي عالفطيم وبتعرف . عيزنا ونحن نتكلم .
للأسف اقولك هيه نعم هذي الواسطه . في الفطيم المواطن عندهم حق نفسه لأنه هو المحتكر. اخوي خلني ساكت انا مقهور من هالوكاله قهر من صغيرهم لكبيرهم . اكثر من 10 مواقف صارتلي وياهم ووصلت للمحاكم و ولا مره كسبو القضيه لأنهم ما يعرفون شي .
السلام عليكم شباب .. ممكن حد يفيدني كيف أشتري كروزر جي اكس ار ثمانية من بهوان بدون ما أروح .. يعني أقدر اشتريهها من دينا تريد ولا لا .. وكم سعرها الحين .. البارحه كنت في وكاله الفطيم وقالي ب 220000 ألف درهم
والله يا خوي أحنا ما هذربنا وسرنا ناخذ من عندهم أحنا خذنا وعقب هذربنا عشان نفيد غيرنا. عشان أي حد يفكر ياخذ من عندهم مب يفكر مرة ولا مرتين يفكر مليون مرة. والدنيا تجارب وشخصيا بالنسبة لي هذا درس وتعلمتة. وأي واسطة لي تطريها يا ريال. مواطن واسطتة هندي ؟ عسبت سيارة ؟ يا رياااااااااااااااااااااااااااااااااااااااااااااااا ااااااااااااااااااااااال
ليكون سيارتي بورش ولا فراري عشان أقدر أخلص أموري بسرعة. ياباني ولكسز
إنتة بكندورتك وسفرتك واسطة وأكبر واسطة على كل هندي شغال أهناك. انا أحيد إنة أحنا ساكنين في دولة الإمارات العربية المتحدة ومواطنين يعني هذي بلادنا. وهم يو أهني عشان يشتغلون.
عني انا بصراحة قمت أتعامل ويا كراج أشتري السفايف من الوكالة وبدلها فكراج وانا واقف. وآيل المكينة فأدنوك شغل ربع ساعة ونتهت السالفة. وكل سنة بوديها بهوان فالبريمي عسبة أفحصها فحص كامل.
وايد تهذربون وآخر شي تاخذون من عندهم ؟؟!!!
شو بقول عنكم ؟
يعني بالعقل شي ديناتريد وقلنالكم شي ديناتريد .
صيانه افضل وكل شي افضل واسعارهم افضل في قطع الغيار وشي في دبي وبوظبي وكل مدينه تقريبا . والسيرفس مالهم بذمه مب شرات الفطيم يقولك تجييك في 10 دقايق ويسير يبدل فلاتر وآيل ويقلوك استلم السياره !!! يعني بالعقل متى لحق يبدل الآيل والفلاتر وتجييك الموتر بكبره في 10 دقايق ؟ اي كمبيوتر هذا ؟ جذب ونصب والله العظيم . والله كل ما اسير الوكاله اتضارب وياهم وتعاملهم الزفت . اييك واحد من قوم ( ابو تريكه ) ولا ( على دلعونه ) ولا ( باي ساب ) ويهزأك تهزيء . تقول هو ماخذلك الموتر مب انت ماخذنها .
والله في ديناتريد بس يشوفونك مواطن يسوولك الف احترام واذا مصخوها زعقه بس ويصطلبون .
الفطيم عندك واسطه انته تمام واذا ما عندك جبل الباب احسن لك .
واذا على سالفة الشكاوي والله لو تشتكي من اليوم لين ما تموت ماشي فايده . الراس العود عندهم معطنهم Green Light . والله انه الشكاوي اللي عندي وصلت اليابان وماشي فايده كل يقولولي بنشوف الموضوع وعقب اونهم يردون علي راجع الفرع واسير هناك وبعد ماشي فايده . عليكم بديناتريد وخذ حقك بأيدك احسن شي .
والسموووحه
والله على كثر ماسمع عن هالوكاله قمت ابغضها !!
الله يعينك ياخويه