في احد يصدق ان صبغ المدقار ياخذ شهر و ثلاث اسابيع……………..
والله يا جماعة الخير اني مسوي حادث بسيط في الموتر و متعور عندي المدقار اليسار بس. وصار لي شهر و ثلاث اسابيع و انا اتريا ليومكم هذاو الموتر بعده ماخلص و كل ما امر عليهم يقولولي اتريه الدور لين اليوم طفرت و مريت عليهم و عقب ما جلب الدنيا عليهم قالولي ان ما في صبغ و الصبغ مخلص……..
شواسوي والله هلكت من مواتر الايجار. ياليتني مودي الموتر كراج عادي وفاك عمري بدل هاي الخساير ع مواتر الايجار والله ما يسوى عليه
تووووووووووووووووووووووووووووووووووبة و ألف توبة أفكر في شي من الفطيم مرة ثانية
44 thoughts on “حسبي الله ونعم الوكيل ع الفطيم”
Comments are closed.
اذا نويت اخذ سيارة ان شاء الله باخذ من بهوان ولو وكالة الفطيم ورا بيتي
up pup up up
هلا يوسف ترا بهوان والله مش بعيد وايد أول ما توصل العين وتعبر حاجز التفتيش ب 5 كيلو تقريبا بتشوف الوكالة. صدقني إذا إنتة تروح بيفرق معاك السعر وايد.إلا جان عندك خوي ولا حد بيبلك أياها هذا شي ثاني
السلام عليكم شباب .. ممكن حد يفيدني كيف أشتري كروزر جي اكس ار ثمانية من بهوان بدون ما أروح .. يعني أقدر اشتريهها من دينا تريد ولا لا .. وكم سعرها الحين .. البارحه كنت في وكاله الفطيم وقالي ب 220000 ألف درهم
اخوي شي في دبي وبوظبي والعين والشارجه .
اللي في دبي رقمهم 042857020 واسألهم عن ارقام باقي المدن .
ال جي اكس آر ثمانيه من ديناتريد افضل بكثير من الفطيم من حيث المواصفات .
الشنب جدام نفس لون السياره .
التخطيط .
شاشه .
ومراصفات اخرى .
سعرهم 115000 واذا تكاسرهم عادي يوصل 112000 .
وبترتاح صدقني .