حقيقة الهنود ،،، وواقع خطط استعمارهم لنا

39 thoughts on “حقيقة الهنود ،،، وواقع خطط استعمارهم لنا”

1. ما سويت خير يوم حطيت الموضوع … خخخخ احينه بيقولون كتاب الله وسنة نبينا محمد صلى الله عليه وسلم … بيتحرونا يهود … وكفرنا ولا شي لا سمح الله … وناس ما تلقاها تشارك وفجأه يحتشرون خخخخخخخ

   الله يهديهم

   أنتي أختي وأنتي أخت كل الأعضاء
   ومستحيل حد يزعل أخته والأعضاء مستحيل يزعلونج بردودهم (إلا على سبيل المزح)
   وساعتها اتحملي الردود هههههههه

2. مشكورين على الموضوع الي يفتح الف باب وبااب !!

   ما اعرف ليش هالحقد على الهنوود وعلى الجاليات الاسيويه … طبعا بفضل من الله وثم من “الهنود” ابلادنا ما اطورت الا ابهم .. هم الي بنوو الشوارع .. و الابراج الي وراها ابراج والي حذاها ابراج … و المشاريع الكبيره … و و و و و و و و ووووو … واخر شي نتذمر ليش!!! شوفو الاسباب الي خلتهم يكثروون في البلاد وبعديين اتكلموو!! انا معاكم انه وجوودهم قنبله موقوته في اي وقت بتنفجررررر ((بوووووووووووووووووووووووووووووووم)) بس شرات ما قلت لازم نبحث عن الاسباب الي خلتهم يكثرون في البلاد .. طبعا السبب الرئيسي معروف “نحن”

   ونحن كمسلمين ما يحق النا استعباد الناس لانهم فقرا .. او لانهم في ابلاادناا … في وايد ناس يوم اتقولهم حرام ليش اتعامل الانسان بهل المعامله قالك (( الله يعزك هندي !! )) ليش انزين !! الاخوان الاعضاء ما قصرو اتكلمو عن الهنود كيف هم مطورين في الهندسه والطب و و و … حتى في الدول الاوروبيه تلقاهم ألهم بصمه .. من مترو الانفاق لييين سكك الحديد !!
   نحن شووووووه سوييييييييييييينا !!!!! ارقااد .. مغازل .. طبعا الا من رحم ربي !! انا اتكلم عن نفسي , ما اخص حد من الاعضاء ..

   نحن ليش ما ناخذ الشي الطيب منهم … والزين

   انته بالمعامله الطيبه المدروسه و الذكيه والدبلوماسيه تقدر تكسب اي انسان من اي دوله .. يعني ما تكون طيب واهبل لا .. لازم طيب وذكي وتعرف كيف تعامل الناس ..

   ان الله لا يغير ما بقوم حتى يغيرو ما بانفسهم ..

   ابا اقولكم شي… لا تنسون إناا نحن الي يبنا هالشي لأعمارنا …. يعني منوه منكم بيشتغل في شيشة بترول .. ولا في دوبي .. ولا عزكم الله في الشوارع يخم الزباله ((الي نحن متسببين فيها بسبب الاهمال والاستهتار))

   روحو عمان شوفو اخوانا العمانين … معتمدين على اعمارهم في كل شي …

   الحينه ((أم فلان )) اتزامط ((ام علان)) بدال دريول واحد لا بتحط اثنينه وثلاثه .. وبتحط ثلاث خدامات وبتحط وحده بس اتصب اقهوه والثانيه حق السويتاات وحده بس اتسويلها بديكير ومنيكير ..

   ويوم بتييب علاوي بتحطله بشاكره وحق شموه بشكاره وحق ابو العيال بشكار وحق الشواب بشكاره اتشوف طلباتهم … وطبعاا لا تنسون الزراع ولا تنسون بشاكير العزبه والمزرعه و و و و و و و … يعني كل مواطن اييبله اربعه او سبعه على كفالته يعني لو انحسبهاا بالنسبه والتناسب كل مواطن على الاقل يقابله 5 !! يعني كل الف مواطن يقابله 5000 هندي وسلانيه !!

   وبعدين ابا اعرف كيف الهندي يقدر اييب اخوه اذا مالقاله كفيل (( مواطن )) طبعا الي يقبض مبلغ وقدره …… بس عشان اييب هندي ويفج رااسه في الشوارع …..
   ((تجار الفيزه)) طبعا بفضل من الله ومن ثم قرار الكعبي ((الوزير سابقا)) الضاهره هاي قلت والناس (فئه قليله) انتبهت لأضراره المستقبليه على التركيبه السكانيه ..

   الحمد الله شيوخنا “الله يوطول ابعمارهم” و حكوماتناا الرشيده متنبه للموضوع هذا .. ونحن دايما نسمع بوعوود (ان شاء الله اتحقق) بمعالجة التركيبه السكانيه ..

   بس انا الي ابغيه من كل شخص يبدا بنفسه .. ولا تغره الدنيا … التجار واصحاب المشاريع الكبيره هالله هالله بدولتناا… هالله هالله فيييناا …

   قمنا نسمع سوالف يدييده علينا … الاول بيبانا مشرعه 24 ساعه الحينه من يعديييك المغرب قفلت البيبان اتخاااف على عمرك وعلى اعيالك ..

   الموضوع طووويل و فيه تناقض ..

   ما اقول غييير

   الله كرييييييييييييييييييييييييييم باباه !!

3. اسمحلي القلم الحر
   اجدادنا هم اللي ساروا الهند قديما للحاجه الماسه لهم وبعضهم تزوج منهم

   ولازم اتعرف شي انه في الحرب العالميه انقطع الغذا عنا و انتشرت الامراض بسبب الجوع واخواننا الباكستانيين والهنود مدونا بالغذاء وهذا الامر لاينكر لهم
   ولاتنسى ان الكثير من المرضى تعالجوا على ايدي هنديه في الهند
   ولاتنسى ان الكثير من تجار الامارات كونوا ثرواتهم من التجاره مع الهند
   الصراحه ماشفت عليهم شي مقارنه باللي شفته من الجنسيات الاخرى
   ولاتنسى منهم المسلمين ومنهم الاطباء والعلماء ففضلهم لاينكر
   اما صاحبك السنغافوري فما اعتقد انه رسول او نبي استغفر الله ويالس يحكم على البشر ويقول انه مسلم وقوله ياليت تتعلمون من الهنود كيف اتعاملون الناس في مطاراتكم وفنادقكم

   السلام عليكم أخوي ديار

   رأيك ووجهة نظرك وكل حرف من كلماتك على راسي من فوق

   وأشكر مشاركتك والمعلومات اللي كتبتها لنا

   ياخوي من خلال ردود الأعضاء بتعرف الجواب

   وياخوي ترى نحن مانتعالج ببلاش عن الهنود ،،، ترانا ندفع بيزات ولاتنسى فرق العملة
   ويكفي أن الهنود بيقولوا (( فيه إماراتي تعالج بمستشفياتنا )))
   وهذا أصلا بحد ذاته إعلان كبير لمستشفى الهند
   ويكفي أن الإماراتي وثق بخبرتهم

   هذا اللي عطيناه لهم ياخوي

   بارغم من وجود مستشفيات إيران وباكستان وأمريكا وألمانيا إلا أننا اخترنا الهند ،، وهذا شي لازم يفخروا به الهنود

   والسموحة

4. ابسط مثال

   مواطن واحد = 3 هنود

   في التركيبه السكانيه

   واشكرك على موضوعك

5. السلام عليكم ورحمة الله وبركاته

   قصة ورشتي العجيبه

   هندي يشتغل بالورشة عندي من ثلاث سنوات(كومار ) ، وصراحه عنده خبرة بالشغل ، قمت وقدمت له ليسن على حسابي ، وخلال ستة أشهر خذ الليسن ، وبعدين هاااااااااااااه قام دخل المحل عندي يقل ، يعني يت فترة قمت أعطي العمال رواتب من جيبي وكنت أشرف بنفس على الشغل ، وبعدها تم مدخول المحل يتزايد حيث أنه يغطي الرواتب والايجار وغيره وانا يصفا لي مبلغ زهيد والحمد لله ، المهم أخينا الهندي طفر عني ثلاث عمال ، واستغل ثقتي أللي أعطيته أياها ، وكان يسبب على العمال بالبدايه ويقول هذا حرامي وهذا ما يشتغل وغيرها من التهم المرميه جزافاً على العمال ، المهم سمعنا كلام الهندي وكنسلت عدد (2) عمال وكنت طبعا أمخسر عليهم بيزات ، ما علينا من الخسارة ترى الخسارة خسارت الروح، المهم قل عدد العمال وزاد الشغل لكن ويا الهندي (كومار) المذكور أعلاه ههههههههه ( كومار) وقال لي ارباب لازم تيب عمال ازياده ، قلت له ما فيه مشكله ، استغل الفرصة وقال لي أنا عندي نسيبي يبغي يشتغل وعنده خبره بنفس المجال ، قلت له حلو ( تعبت من الطباعه ) …….بريك . ………….. انكمل …. وين وصلنا … قلت له خلاص يا كومار نحن بنيب نسيبك وانا أوني ذكي ، قلت له خله يدفع النص وانا النص رسوم الفيزا … بدون تردد قال أوكيه …أذكرت كلا م ( القلم الحر ) يبغي اييب اهله … المهم ياب نسيبه واشتغل بالورشة …وردينا على طيريلي … قال نبا عمال ازياده ونفس السطور القبليه وطلع العامل أللي يبغي ايبه من جماعته … وانا استويت ذكي قلت له النص بالنص ….(القصة طويله صح ) ….بدون تردد قال لي اوكيه ويبنا نسيبه الثاني ما ادري ولد خالته …. المهم من أهله طلع يشبهه نفس الفيس (الويه) …. ما علينا أنكمل …والجماعه استمروا على بالشغل لكن الشغل مب هوه الأولي .. يعني الدخل قل وقمت أدفع من جيبي مره ثانيه …أفااا يا بوحمود (البوم) شو صار ..أكيد عين عاد نحن المواطنين يوم يضرنا ونسيء التصرف أنقول عين ما صلت على النبي …المهم قررت شوه اسوي حزر فزر ؟ …….اقول والا لا أخليها في الحلقة القادمة نفس مايسوون بعض الشباب …لا بقولكم …قلت ببيع المحل ما منه فايده …. زقرت كومار قلت له يا كومار خلاص أنا ببيع المحل …قال لا ارباب انته يبيع المحل انا فيه كنسل بيرووح بلاد …. قلت ليش قال ارباب انته فيه وايد زين والله يا شباب ما علي حلفان قال لي انته مثل الذهب …. خيبه استانست انا …قلت له انزين كومار الحين فيه خساره انا ش اسوي ….. قال ارباب هااااااااااااه شو قال حزر فزر ؟ ….قال الورشه النص بالنص ونحن بنتكفل بكل شي بس انته تي آخر الشهر وتاخذ المقسوم ….وقبل هذي السالفه قال بأجر عنك المحل بـ 3000 درهم شهريا لكن انا رفضت طبعا لأن المحل يدخل أكثر وقلت له النص بالنص وبنجرب ( ومع القوم يا شقرا) ( وأللي ف الجدر بيطلعه الملاس ) والله يا حبايبي يا اخواني المواطنين يا عيال البلاد أنه يدخل شهريا مبلغ محترم والحمد لله وعرفتوا الخطه الحين أللي سواها البطل كومار المحتال لكن أنا بعد استفدت الحين والحمدلله وليومكم خليل هوه ولد عمته ولد خالته وواحد رابع وياهم يشتغلون لي والحمد لله يكرفون كراف اليهد …يفتحون الساعه 8 الصبح والظهر بريك لين الساعه اربع العصر وبليل يبندون الساعه 11 بعد ما كانوا يشتغلون 8 ساعات فقط قرار وزارة العمل والعمال .. واللي ما يصدقني يمر على المحل للتأكيد الساعه 11 باليل ويشوف بعينه …ههههه …. على فكره الحين فيه بنغالي يبغي يطفره ….وييب ولده

   يا جماعه ترى سردي للسالفه لك عليه اشويه

Comments are closed.