اخواني واخواتي السلام عليكم حبيت اطرح لكم موضوع جامد جدا” وهو حقيقه عن السيارات الامريكيه واتحدا ان يكون هناك احد معارض على كلامي. اولا” دائما” نسمع ان السيارت الامريكيه مختلفه عن السيارات الخليجيه وانها ليست جيده للاستعمال في الخليج. وان هناك نقص في السيارات الوارده من امريكا مقارنه بالسيارات الخليجيه .انا اسف هذا الكلام غير صحيح وغير منطقي وخصوصا بعد ان جئت انا شخصيا في ولاية كاليفورنيا وولاية اريزونا وولاية تكساس واكتشفت هذا :
1: الجو والله نفس الجو نفس الحر ونفس البرد يعني السياره تمشي عندنا في الخليج
2: السياره فيها مواصفات اكثر من السياره الخليجيه من ناحيه القوه والمزايا يعني السيارة الامريكيه تسبق السياره الخليجيه وفيها اشياء اضافيه .وهذا له ثمن غير محسوب من قيمة السياره !
3: السياره سعرها ارخص من السياره الخليجيه والسبب ما عندهم احتكار نفس عندنا مثلا” ابا لكزس هنا في امريكا 20 الف وكالة لكزس مب الفطيم وبهوان وبس وسبب الرخص الاقتصاد الامريكي نازل في الوقت الحالي يعني فرصه الشراء الحين
4: السياره المستعمله تكون حالتها نظيفه جدا”من حالة السيارة المستعمله في الخليج لا ويوم تيي اتبيع ايقولك راعي المعرض هاذي مب خليجيه وانا شو ابا السيارة الخليجيه المكسره على السيارة الامريكيه النظيفه
والله يا جماعه موضوع شيق لان تكتشف فيه التلاعب من اهل المعارض وخصوصا” من ناس غير مثقفين وظيفتهم في الحياة التلاعب بعقول الناس وسلب اموالهم على العموم انا عارض الموضوع لان هناك سبب وجيه يجعلني اعرض هذا الموضوع وهو ان الاقتصاد الامريكي في الحطيط وانا اقووول لاي واحد يبغي يشتري سياره سواء مستعمله او جديده اشتر سيارتك من امريكا والله انك ما بتندم ابدا” نصيحه مني لاخواني واخواتي اعضاء المنتدى .كل شي حلو وممتاز في السعر والمواصفات وقوة تحمل السياره للطقس وتضاريس الخليج بس المشكله هل تستطيع ان تصبر شهر لين توصل سيارتك ؟ اذا نعم اذا” امريكا لانها فرصه الكل مديون ويبغي يبيع . انا طالب في امريكا ادرس تجارة وحبيت افيدكم في هالموضوع اخوكم الياسي
بش هل توجد مشكلة في الضمان؟
وإدا وصلت السيارة وفيها عيوب,هل اقدر ارجعها؟
يبالنا واحد امين يوردلنا سياير من امريكا
اخواني عن تجربة شخصية السيارات الامريكي احسن من السيارات الخليجي بالف مرة من جميع النواحي
انا اخوني استخدمت اللكزس و استخدمت البورش و اخيرا الرنج روفر
و ما عندي اي مشاكل مع السيارت الامريكية بل بلعكس كما اشار الاخوان من قبل المواصفات في السيارات الامريكية اعلى من السيارت الخليجية و كذلك السيارت الامريكية اتحسها اقوى و مثل ما قالو الاخوان السيفتي فيها اعلى عن السيارات الخليجي
و فوق كل هذا سعرها ارخص من السيارت الخليجي و طبعا حسب النوع
يعني في انواع سيارت الفرق بالسعر يكون كبير نسبيا و في سيارات الفرق فيها يكون صغير
ولكن بشكل عام ارخص عن السيارات الخليجي
الصراحة الوكالات بالخليج اسعارها مبالغ فيها و مواصفاتها عادية جدا
الامريكي وبس والبقيه خس ماشاء الله عندي افلانش 2500
وكورفت
ولنكولن كلاسك مافي زي الامريكي
مشكورين اخواني على المرور الكريم في مثل ايقول اسئل مجرب ولا تسئل طبيب وعلى العموم في بعض الشباب يقولون المشكله قطع الغيار وانا اقول مب مشكله كل شي متوفر انا عندي واحد من الربع في امريكا طرش مكينه كامله من امريكا على البريد المتاز يوصلك خلال اسبوع تخيل لا واذا الناس غضت النضر عن الخليجي هذ بيدعم فتح محلات لقطع الغيار الامريكيه بسرعه