اخواني واخواتي السلام عليكم حبيت اطرح لكم موضوع جامد جدا” وهو حقيقه عن السيارات الامريكيه واتحدا ان يكون هناك احد معارض على كلامي. اولا” دائما” نسمع ان السيارت الامريكيه مختلفه عن السيارات الخليجيه وانها ليست جيده للاستعمال في الخليج. وان هناك نقص في السيارات الوارده من امريكا مقارنه بالسيارات الخليجيه .انا اسف هذا الكلام غير صحيح وغير منطقي وخصوصا بعد ان جئت انا شخصيا في ولاية كاليفورنيا وولاية اريزونا وولاية تكساس واكتشفت هذا :
1: الجو والله نفس الجو نفس الحر ونفس البرد يعني السياره تمشي عندنا في الخليج
2: السياره فيها مواصفات اكثر من السياره الخليجيه من ناحيه القوه والمزايا يعني السيارة الامريكيه تسبق السياره الخليجيه وفيها اشياء اضافيه .وهذا له ثمن غير محسوب من قيمة السياره !
3: السياره سعرها ارخص من السياره الخليجيه والسبب ما عندهم احتكار نفس عندنا مثلا” ابا لكزس هنا في امريكا 20 الف وكالة لكزس مب الفطيم وبهوان وبس وسبب الرخص الاقتصاد الامريكي نازل في الوقت الحالي يعني فرصه الشراء الحين
4: السياره المستعمله تكون حالتها نظيفه جدا”من حالة السيارة المستعمله في الخليج لا ويوم تيي اتبيع ايقولك راعي المعرض هاذي مب خليجيه وانا شو ابا السيارة الخليجيه المكسره على السيارة الامريكيه النظيفه
والله يا جماعه موضوع شيق لان تكتشف فيه التلاعب من اهل المعارض وخصوصا” من ناس غير مثقفين وظيفتهم في الحياة التلاعب بعقول الناس وسلب اموالهم على العموم انا عارض الموضوع لان هناك سبب وجيه يجعلني اعرض هذا الموضوع وهو ان الاقتصاد الامريكي في الحطيط وانا اقووول لاي واحد يبغي يشتري سياره سواء مستعمله او جديده اشتر سيارتك من امريكا والله انك ما بتندم ابدا” نصيحه مني لاخواني واخواتي اعضاء المنتدى .كل شي حلو وممتاز في السعر والمواصفات وقوة تحمل السياره للطقس وتضاريس الخليج بس المشكله هل تستطيع ان تصبر شهر لين توصل سيارتك ؟ اذا نعم اذا” امريكا لانها فرصه الكل مديون ويبغي يبيع . انا طالب في امريكا ادرس تجارة وحبيت افيدكم في هالموضوع اخوكم الياسي
اليوم رجعت من لبنان
و جميع السيارات في المعارض عندهم وارد امريكا
واستفسرت عن بعض اسعار السيارات
مثلا:
الرنج سبورت بدون سوبر جارج واصل الميناء في لبنان 155,000 درهم موديل 2006
x5 موديل 2006 4.4 8 سلندر لون اسود و من الداخل اسود فل اوبشن سقف بانوراما بسعر 121,000 درهم و حاليا موجودة في الميناء في لبنان
و نعرض على انفنتي fx35 خليجي من وكيل الامارات و عددهم 3 سيارات و موجوات في الامارات حاليا بسعر 155,000 كلم زيرو
ممكن اللى حاب يشتري سيارة وارد امريكا ممكن يروح لبنان و يشوف السيارات في المعارض و يسأل عن السيارات اللى في الميناء عندهم اللى ماتم دفع جمارك.
انا حبيت أشارك في الموضوع لانة فعلا فيه نصب من قبل وكلاء السيارات بخصوص الاسعار
للرفع للرفع للرفع
خوش موضوع …
وعن نفسي شريت بودمعه من المانيا اول مانزلت الخليج … والله كنها طالعه من الوكاله مع انها مستعمله … وبموصفات جداااا حلوه …
خالي في امريكا في فلوريدا ارسل 3 سيارات همر H3 موديل 2007 المواصفات تختلف كل واحده عن الثانيه
وصلت السيارات ميناء جدة وكلفت بالشحن وكل شي مجموع كامل 178 الف ريال سعودي فقط لاغييييييييييييير
واول امس مكلمني يقولي الحين الاسعار طاحت اكثر وهو يشتري من الشركه مو من معارض وكلها سيارات الناس اللي متاخرين في دفع الاقساط وسحبو سياراتهم وباعينها بخسارة كبيرة لان مافي احد بيشتري لا مستعمل ولا جديد
وأبشرررركم ترا قلي خبر غريب صاير في أمريكا ان الشركات الكبرى المنتجه للسيارات بتجبر الوكلات الخاصه فيها في جميع دول العالم بخفض قيمة السيارات عشان راح تصدر كميات اكبر من السيارات اللي مانباعت في السوق الامريكي للاسواق العالميه
يارب يضغطو على وكالاء السيارات في الخليج خلاص كفايه نهب وسرقه من ظهور الناس
اسف للاطاله
شكرا” على المرور للجميع وعلى فكره في ناس ما عرف من وين تيب اسئلة عجيبه اوكي بالنسبة للضمان في بعض السيارت ايكون عليها ضمان دولي مثل السيارات الامانيه يعني لو نفرض انك اشتريت مرسيدس من امريكا ودخلته الامارات وكالة الامارات تتحمل اي عطل في السيارة لان السيارة عليها ضمان دولي هذا واحد اما السيارة الي ما عليها ضمان وهي موديلها جديد بنقول موديل اخر سنه تروح للوكالة وتشتري الها ضمان اما بالنسبة للسيارات الثانيه الي هي حتى لو كانت خليجيه تلقاها مخلص عنها الضمان يالله انته والضمان الحين
عن نفسي ما اهتم بالضمان لاني اعرف للسيارات وكيف اتعامل معاهن وعلى العموم من ناحيتي انا بخبرتي في السيارت يعني لو حد خلاني اشتري له سيارة من امريكا عليه انه يبشر بسعده ماله الا السياره الي حالتها وكاله والسياره تنعرف اذا نظيفه ولا ملعوب فيها الجواب ينقرا من عنوانه