اخواني واخواتي السلام عليكم حبيت اطرح لكم موضوع جامد جدا” وهو حقيقه عن السيارات الامريكيه واتحدا ان يكون هناك احد معارض على كلامي. اولا” دائما” نسمع ان السيارت الامريكيه مختلفه عن السيارات الخليجيه وانها ليست جيده للاستعمال في الخليج. وان هناك نقص في السيارات الوارده من امريكا مقارنه بالسيارات الخليجيه .انا اسف هذا الكلام غير صحيح وغير منطقي وخصوصا بعد ان جئت انا شخصيا في ولاية كاليفورنيا وولاية اريزونا وولاية تكساس واكتشفت هذا :
1: الجو والله نفس الجو نفس الحر ونفس البرد يعني السياره تمشي عندنا في الخليج
2: السياره فيها مواصفات اكثر من السياره الخليجيه من ناحيه القوه والمزايا يعني السيارة الامريكيه تسبق السياره الخليجيه وفيها اشياء اضافيه .وهذا له ثمن غير محسوب من قيمة السياره !
3: السياره سعرها ارخص من السياره الخليجيه والسبب ما عندهم احتكار نفس عندنا مثلا” ابا لكزس هنا في امريكا 20 الف وكالة لكزس مب الفطيم وبهوان وبس وسبب الرخص الاقتصاد الامريكي نازل في الوقت الحالي يعني فرصه الشراء الحين
4: السياره المستعمله تكون حالتها نظيفه جدا”من حالة السيارة المستعمله في الخليج لا ويوم تيي اتبيع ايقولك راعي المعرض هاذي مب خليجيه وانا شو ابا السيارة الخليجيه المكسره على السيارة الامريكيه النظيفه
والله يا جماعه موضوع شيق لان تكتشف فيه التلاعب من اهل المعارض وخصوصا” من ناس غير مثقفين وظيفتهم في الحياة التلاعب بعقول الناس وسلب اموالهم على العموم انا عارض الموضوع لان هناك سبب وجيه يجعلني اعرض هذا الموضوع وهو ان الاقتصاد الامريكي في الحطيط وانا اقووول لاي واحد يبغي يشتري سياره سواء مستعمله او جديده اشتر سيارتك من امريكا والله انك ما بتندم ابدا” نصيحه مني لاخواني واخواتي اعضاء المنتدى .كل شي حلو وممتاز في السعر والمواصفات وقوة تحمل السياره للطقس وتضاريس الخليج بس المشكله هل تستطيع ان تصبر شهر لين توصل سيارتك ؟ اذا نعم اذا” امريكا لانها فرصه الكل مديون ويبغي يبيع . انا طالب في امريكا ادرس تجارة وحبيت افيدكم في هالموضوع اخوكم الياسي
السؤال الي يطرح نفسه
ليش حطو قانون السيارات الوارده؟
طبعا لانه التجار شافو الخساير اتهل عليهم, محد يشتري السيارات الخليجيه …الكل اتجه للوارد..الناس اتفتحت عقولها,عرفت الزين من الشين.
ظغطو التجار عالحكومه……..نزل القرار(والي هو مب من صالح المستهلك الاماراتي)
كلامك ذهب ياراك اس ال وياجماعة الخير انا عندي لكسز 430 امريكي وعندي لكسز استيشن امريكي والله مافي احسن منهم واللكسز الاستيشن مواصفاته اكثر عن الخليجي بوااااااااااااااايد والله لانه اربيعي عنده وحدة وقارنا بالمواصفات طلع الخليجي ولا شي ……..
السلام عليكم
استعملت السيارات الخليجيه اليديده والمستعمله ..
واستعملت السيارات الوارد طبعا المستعمله
تصدقون ان السيارات الوارد انظف واحسن من السيارات الخليجيه المستخدمه او السيارات الوارد المستخدمه في الخليج ..
كفايه اقول السبب الرئيسي في ارتفاع اسعار السيارات هو الاحتكار ..
شو الفرق السياره في امريكا تنباع بسعر رخيص وشرط زيرو وكالة ..
وعندنا في الامارات مواصفات اقل وسعرها اعلا بوايد ..
لا حول ولا قوة الا بالله …
كلامك ذهب
اللي يبغي يشتري سياره قيمتها فوق 100 الف يروح لبنان على البور في المينا تكون جماركها هب مدفوعه ..
بتحصلها بسعر التراب لان الناس هناك ما يفكرون بالربح الكثير كثر ما يفكرون في الربح السريع ..
موضوعك حلو ياخوي
شكرا