اخواني واخواتي السلام عليكم حبيت اطرح لكم موضوع جامد جدا” وهو حقيقه عن السيارات الامريكيه واتحدا ان يكون هناك احد معارض على كلامي. اولا” دائما” نسمع ان السيارت الامريكيه مختلفه عن السيارات الخليجيه وانها ليست جيده للاستعمال في الخليج. وان هناك نقص في السيارات الوارده من امريكا مقارنه بالسيارات الخليجيه .انا اسف هذا الكلام غير صحيح وغير منطقي وخصوصا بعد ان جئت انا شخصيا في ولاية كاليفورنيا وولاية اريزونا وولاية تكساس واكتشفت هذا :
1: الجو والله نفس الجو نفس الحر ونفس البرد يعني السياره تمشي عندنا في الخليج
2: السياره فيها مواصفات اكثر من السياره الخليجيه من ناحيه القوه والمزايا يعني السيارة الامريكيه تسبق السياره الخليجيه وفيها اشياء اضافيه .وهذا له ثمن غير محسوب من قيمة السياره !
3: السياره سعرها ارخص من السياره الخليجيه والسبب ما عندهم احتكار نفس عندنا مثلا” ابا لكزس هنا في امريكا 20 الف وكالة لكزس مب الفطيم وبهوان وبس وسبب الرخص الاقتصاد الامريكي نازل في الوقت الحالي يعني فرصه الشراء الحين
4: السياره المستعمله تكون حالتها نظيفه جدا”من حالة السيارة المستعمله في الخليج لا ويوم تيي اتبيع ايقولك راعي المعرض هاذي مب خليجيه وانا شو ابا السيارة الخليجيه المكسره على السيارة الامريكيه النظيفه
والله يا جماعه موضوع شيق لان تكتشف فيه التلاعب من اهل المعارض وخصوصا” من ناس غير مثقفين وظيفتهم في الحياة التلاعب بعقول الناس وسلب اموالهم على العموم انا عارض الموضوع لان هناك سبب وجيه يجعلني اعرض هذا الموضوع وهو ان الاقتصاد الامريكي في الحطيط وانا اقووول لاي واحد يبغي يشتري سياره سواء مستعمله او جديده اشتر سيارتك من امريكا والله انك ما بتندم ابدا” نصيحه مني لاخواني واخواتي اعضاء المنتدى .كل شي حلو وممتاز في السعر والمواصفات وقوة تحمل السياره للطقس وتضاريس الخليج بس المشكله هل تستطيع ان تصبر شهر لين توصل سيارتك ؟ اذا نعم اذا” امريكا لانها فرصه الكل مديون ويبغي يبيع . انا طالب في امريكا ادرس تجارة وحبيت افيدكم في هالموضوع اخوكم الياسي
أحلى تحيه لل الياسي وجميع الأعضاء المشاركين في الموضوع …
الصراحه موضووع ولا اروع ….
الياسي على كم اللكزس الفورويل واصل الإمارات ؟ وشكله شرات الخليجي ؟
وإذا بشتريه كيف طريقة الدفع ؟
والسموحه .
متابع للموضوع و آرائكم
يسلمو ابوظبي على المرور و الكلام الجميل انا في وجهة نظري ان مستوى دخل المواطن ومستوى المعيشه هو سبب الغلاء بس نحن لهم بالمرصاد والله ان خير الشعوب الشعوب المتعلمه لا لزلامات والوافدين بعد اليوم بس اعتمدو على عماركم كل واحد يحاول ايسوي شي والله اننا بنكون احسن شعب في العالم وخصوصا” ان بفضل من الله ومن ثم الشيخ خليفه الله يطول في عمره ويخليه يا رب ان المواطن الاماراتي اغنى مواطن في العالم على جميع الدول نبغي نحافظ على هالشي ونبداء نتاجر ونسوي نشاطات ايسونها الوافدين في بلادنا نحن الاولى بها يعني فلوسنا في بلادنا والله معاكم
أنا أشتريت أكثر من سيارة من أمريكا دايركت و الأسعار فرق السما و الأرض.. وكالاتنا شغالة على وتر ( نحن خسرانين) و يفرضون قوانين للحد من الأستيراد و كله بسبب طمعهم و ربحهم المبالغ فيه.. عندي نقطة و أتحدى أي وكيل عندنا في الدولة يجاوب عليها:
1- بما أن الدولار و الدرهم مرتبطين, ليش الإختلاف الكبير و الغير مبرر بين أسعارهم و أسعارنا؟
علماً بأننا ما نفرض ضرائب و في أمريكا في ضرائب؟
يعني المنطق يقول لازم سعرنا يكون أرخص عن أمريكا لعدم وجود ضرائب و الإختلاف بيكون بس في سعر الشحن ( المفروض يكون أرخص عندنا بسبب بعد المسافة في أمريكا)؟
و لكن تحصل الأس 500 في الوكالة ب 580000 درهم و من أمريكا ب 390000 درهم؟
الأكس 5 ب 400000 درهم عندنا و ب 275000 درهم في أمريكا؟
الإم 5 ب 535000 درهم عندنا و في أمريكا ب 290000 درهم؟
طبعاً مافي وكيل بيجاوب بصراحة.. و لسبب بسيط و هو أنه الطمع ماكل قلوبهم و القوانين هني تشجعهم على ذلك و تقف ضد مصلحة المستهلك.
يسلمو يا شباب على المرور الكريم والردود الايجابيه والجميله والله استانس يوم اشوف هل بلادي يتنورون على العموم ليش تحبون الزلامات ابا اعرف انا اقولكم السيارت في امريكا رخاص تردون وتقولون لبنان خلو هل بلادكم يفيدونكم ويستفيدون على العموم هذا شي راجع لكم ما حد مغصوب على شي في سياره لكزس 2009 فورويل زيرو اللون اسود ومن الداخل بيج حدا يباها وانا اظمنها له شخصيا لان اكيد حد يدخل في الموضوع عرض وبيقول الضمان والله السياره يديده زيرو حد يبا لكزس فورويل والله في مكسب للي بيشتريها ياليتني في البلاد او اني بخلص قريب والله اني اشتريها واستعملها وارد ابيعها بخساره مش اكثر من خمس الاف !!!