حكمة اليوم: كامري ولا رنج؟

42 thoughts on “حكمة اليوم: كامري ولا رنج؟”

1. والله أني شفت السياره وشفت صاحبها كيف يسوق

   والله انه كان يديم على السيارات واحنه تونه طالعين من اشاره يعني الواحد ما يلحق يسوق عشرين والحبيبي يالس يديم على الناس وكان يلف على الاوادم اتقول حق قايله ترا الشارع باسمك وسوي اللي تباه , وكانو الأهل وياي وكنت يالس اراقب الريال ويوم قريت الكلام اللي كاتبنه ورا سيارته قلت في خاطري هذا عنده كامري ويسوق جذي عيل لو كان عنده رنج شو سوى

   ما أقول غير الله يهديه ويهدينا والله يحفظه من كل شر وسوء

2. بعض الناس عندهم رنج كاش

   بعض الناس عندهم رنج مديون

   بعض الناس عندم تيرسل وفلوسه تارسه البنك

   بعض الناس عنده كورولا مديونه

   بعض الناس عنده كورولا كااش

   بعض الناس عندهم رنج وما عندهم فلوس البترول

   بعض الناس عندهم كورولا وما عندهم فلوس البترول

   بعض الناس عايشة في خير ونعمه

   بعض الناس مب لاقيين فتات الخبزة

   وبعض وبعض وبعض ………إلخ

   اللهم استرنا واستر الأمه الاسلامية و أنعم علينا بنعمك

3. ههههه والله رواعي الكامري عليهم فناتك .. حريه تعبير عن الرأي والجمله :^17: ..
   بس أحلى جمله قريتها والكل قراها كانت أضن على سيارة كامري اليديده “الكاس ما يطلع من جسر المقطع”

4. مشكورييين ع الردوود

   لكن لو صاحب الكامري يدش المنتدى شو بيكون شعوره عقب لي كتبته هاي..

   الله ايهديج

5. في ناس سبحان الله الحقد متأصل فيهم وفوق الحقد هذا عقدة نقص رهيبة ودايما ينظرون للناس اللي عندهم خير بنظرة غريبة واقول للأخ صاحب الكامري ترا مب كل من عنده رنج مديون على قولتك في ناس عندهم خير وبدال الرنج عندهم رنجيييين ودافعين كاااااااااش ومستعدين يشترون 1000 كامري شرات اللي عندك ما عندهم مشكلة… والقناعة والرضا يا اخي الكريم ما تكون بالستيكرات التافهة والشعارات الرنانة والكلام من دون فعل وان شاء الله بس ما تكون تدينت عسب تدفع حق راعي محل الزينة اللي سويت هالستيكر عنده! وسامحني!

   اظن الريال ما فيه نقص بالعكس في قمه القناعه بالي عنده بس انته الي شاك في عمرك… و كل يرى الناس بعين طبعه

Comments are closed.