شكرا لبوعمران ع الصورة.. و الله الشباب قاموا يفكرون!

42 thoughts on “حكمة اليوم: كامري ولا رنج؟”

  2. منقووووول

    قالو عنك يالرنج خوان
    وغلطان ساعة قلت بشريك

    واليوم أشوفني صرت ندمان
    لوّل قلت من يساويك

    وياما مدحتك بين العربان
    وألحين شوف إشلون بشنيك

    موتر جديد ودوم خربان
    اتعبتني من كثر ما أعطيك

    من كل راتب النص نقصان
    شي للغسيل وشي تشييك

    ومن فوق هذا دوم عطشان
    لو هو بحر ما ظني يسقيك

    كل يوم أعبي ترس خزان
    وأقول تستاهل وأغذيك

    واللي يشوفك قال فنان
    ياليت لو عندي شراويك

    عقيتني في وسط كثبان
    وين الجسارة اللي تحليك

    ما دمت عالشارع وخربان
    والونش دومه اللي يوديك

    لو إني شريت الونش كسبان
    أهون عليه من بلاويك

    بذكر لكم قصة يالأخوان
    يوم إخترب أمسات البريك

    إمن الوكالة خذت سامان
    ب7000 سفايف ويش أسميك

    لو بوصفك بالوصف نيران
    تحرق ولا تشبع ويرضيك

    الله يغشك ولد حمدان
    هو اللي قنعني وقلت بشريك

    وإلا ترى فالقلب نيسان
    فيه ابركه والخير ما فيك

    ولي ياخذه بالفعل كسبان
    في كل موقع ما با يخزيك

    ما هو شراتك دوم عثران
    كل العرب بالشين تطريك

    وعسى حريقة تشب بالألمان
    لي صنعوا كشرة وتغريك

    عساك يالرنج طوفان
    غلطان من يدفع ويشريك

    عليك يالشراي بنيسان
    لي من عذبته قال لبيك

  3. http://satfrequencies.com/invest/attachment.php?attachmentid=46351&stc=1&d=1169908023

    راعي الهوى للرنج شفقـان …………….. موتـر رهيـب وفـيـه تكتـيـك :^6:
    مـايـابـه امـريـكـي ويــابــان …………….. ولايابـتـه الالـمـان والشـيـك
    موتر عجيب وصدق بطران …………….. مايوصـلـه بالـقـول تشكـيـك
    بيـن المـواتـر كـنـه حـصـان …………….. يشجيك صوته عنـد تحريـك
    تفـتـح الاشـايـر كــل مـابـان …………….. والـعـزم عـزمـه والتمـاتـيـك
    ماينـقـبـض لـفــلان وفـــلان …………….. ان كـنــت بتـغـلـيـه يـغـلـيـك
    غيـره يهـون وهـوه مـاهـان …………….. يطوي المدى والغير يطويك
    وشكله عجيـب وجـد مزيـان …………….. يرتـاح لــه قلـبـك ويشجـيـك
    مايخـتـرب مـــادام يـنـصـان …………….. ولايوصلـه عطلـن ولا لـيـك
    موتر اميـري عبـر الازمـان …………….. يحميـك عـن غيـره ويلهـيـك
    غالي وترخص فيه الاثمـان …………….. عــن عـالـم الابــداع ينبـيـك
    ومقابـل البـتـرول لــه شــان …………….. لـي مـن طلبتـه قـام يوفـيـك
    ماخـذ عـن الباقـيـن نيـشـان …………….. شغلـن رهيـب وفيـه تكنـيـك
    مـن ذم فـيـه فـيـوم غلـطـان …………….. ومن يجهلك ياصقر يشويـك

    :075: :075:

    :rofl:

  4. السلام عليكم..هذا الكلام نحن في الامارات ونعرف ان للاسف بعض الشباب يربط عمره على البنك لمجرد الكشخه لكن في كثير من الشباب ماشاء الله عندهم والله يزيدهم …بس بصراحه مافي داعي لمثل هذي السوالف لان فيها تشويه لشباب الامارات ؟؟وفي الحقيقه انا بعث لي واحد من ربعي من الكويت يقولي شوف هذي الصورة وصدق الكلام ان شباب الامارات ياخذون ديون علشان السيارات الكشخه؟؟؟يعني بهذي الحركه اخونا وانقول بدون مايقصد ساهم بنشر هذي المعلومه عن شباب الامارات بس اقوووول مافي داعي مافي داعي خلوووا الامور اللي في الداخل داخل والصورة الخارجية مفروض اتكون من اروع مايكون ومافي داعي

Comments are closed.