السلام عليكم ورحمة الله وبركاته
اخواني واخواتي
احترت وين احط موضوعي فقلت في قسم البيع والشراء يمكن احد يقدر يحصل لي اللي اباه
تذركون من زماااااااااان في تلفزيون بوظبي في رمضان كانوا يحطون مسابقات اسمها ” حروف ” وكان يقدمها الاعلامي القطري فوزي الخميس الله يرحمه
اتصلت على تلفزيون بوظبي لكن ما قدرت اعرف كيف احصل عليها قالوا لي طرش لنا فاكس وطرشت للهم ومافي تجاوب
ممكن احد يدلني كيف اقدر احصلها او من وين اشتريها؟
وبارك الله فيكم ..
صدق قهررر هاللي قلته اخوي ..يعني كانت برامج حلوه ..
انا كنت ادور حروف اللي يقدمها فوزي الخميس ..
في اليوتيوب مالقيت غير مشهد بسيط دقيقتين من برنامج حروف …
صدق كانت فيه معلومات حلوه ومسليه مب برامج هالايام …
مشكور اخوي على الرد .. ولو لقيت رد خبرني …
بس جربت تراسل تلفزيون الامارات؟ يمكن الارضيف تحول لهم؟
اخوي مضارب مغامر
موضوعك حلو صراحة
انا طلبت نفس طلبك اخوي
طلبت عدة برامج قديمه من تلفزيون ابوظبي
منها 1- برنامج حروف
2- برنامج جريدة المساء
3- شعراء القبائل
4- الشرطة معك
5- برنامج اليكم مع التحية
6- الامارات بلدنا الجميلة
لكن للاسف ما قالولي طلباتك غير موجوده
وجميع ارشيف التلفزيون ممسوح وغير موجود
موب معقولة تلفزيون ابوظبي ما عنده ارشيف للبرامج
صراحة شيء يعور القلب
شوف اليوتوب تلفزيون الكويت والسعوديه جميع برامجه القديمة موجودة حتي نشرات الاخبار من ايام الستينات والسيبعنات
دروت في النيت ولقيت له لقاء سنه 1978
اسمه برنامج شباب الامس مع واحد من قطر
اتمني ساعدك في الحصول علي ما تبحث عنه
يقولون ان فوزي الخميس توفي سبب مرض السكري
هذا موقع راح تشوف فيديو عنه
الملف الوحيد في النيت صراحة
برنامج شباب الامس سنة 1978م
الشكر لكل الاخوان اللي ردوا على الموضوع ..
مرحبا اخوي بوسيف … ما غريبه الا الشيطان يا خويا
اتريا ردك اخوي .. ويزاك الله خير وبارك الله فيك ..
بصراحه انته طلبك عجيب …. لكن بسألك ريال يداوم في مؤسسة الأمارات للأعلام وبرد عليك.
بالتوفيق ان شاء الله
بالتوفيق أخوي