السلام عليكم
الغرض من هذا الموضوع .. انه يتم تبادل الخبرات وفي النهاية لمصلحة الاعضاء لهذا المنتدى العزيز
يعني اللي عنده اي مشكلة في سيارتة سواء ميكانيكية أو كهربائية ومب عارف الحل يعرض مشكلتة هنه.. وان شاء الله نفيدة بالحل .. والمجال مفتوح للاعضاء اللي عندهم خبرة أو واجهتهم نفس المشاكل من قبل انهم يساعدون اخوانهم بحيث انه يوفرون الجهد والوقت والمال ويتعلمون شي يديد فحياتهم.
اللي عنده مشكلة يذكر نوع السيارة والموديل ونوع المشكلة .. والاعراض 
لؤؤؤؤل
وحاضرين،،
. .
الدرامات المخبقه تبرد بسرعه.. وبرودتها تساعد على زيادة عمر السفايف
وشي انواع كثيره متوفره في السوق لكل السيارات تقريبا…
واللي للستيشن سعرهم بحدود 800-1200
بس ما انصحك تخبق الدرامات بروحك.. لانه اذا الفتحات كانت عشوائيه بيكون شي مجال ان الدرام ينكسر اذا ارتفعت حرارته..
السلام عليكم
اذا تمشي في القرقره طبيعي بتسمع صوت مزعج.. ويزيد الصوت بزيادة ضغط الهواء في التواير
اذا بتمشي لمسافه طويله في القرقره نزل ضغط الهواء من التواير وبيقل الصوت
والتواير ما بيتضررن وايد وبتقل نسبة انفجارهم بعد.. الله يحفظنا ويحفظكم
عندي سؤال ..
مثلا انا عندي استيشن ..واريد اسويله خراطه للدرمات ..عسب ببدل السفايف ..
ولكن البعض يقول وينصح بانه احسن شئ يوم اتسوي خراطه للدرام ..( اتخبق الدرام ) ” يعني فتحات دائريه في الدرام ”
وبعض ماينصح ..باني ( اخبق الدرام )..ويقول بانه نفس الشئ ؟؟
فما رايك ؟؟ شوه الاحسن ؟ خراطه عاديه للدرام .. او خراطه مع وجود الفتحات ” اتخبق الدرام ”
وانا بنتظار ردك
الشيخ انا تصادفني مشكلة تقريبا في معظم المواتر الي كانت عندي
الموتر يوم يمشي على القرقرة اتحس انه فيه رقلة او صوت مب طبيعي
ياي من التواير ..
ماعرف المشكلة هل هي من الرود ولا الجامبينات ولا البوشات الي ماسكة في الرنج ؟؟؟
الله اعلم …
حتى اني كم مرة خبرت الوكالة بس بدون فايدة ..
والمشكلة مالها خص بنوع الموتر لأن المشكلة صادفتني في مرسيدس و بي ام
و جيب و هوندا أكورد