حلول المشاكل المكانيكية والكهربائية+فرق مواصفات الوارد والخليجي

332 thoughts on “حلول المشاكل المكانيكية والكهربائية+فرق مواصفات الوارد والخليجي”

1. السلام عليكم
   لو سمحتوا يا اهل الخبرة
   عندي استيشن لكزس موديل 2005 Lx470
   وعداد الايل اللي فوق الحرارة
   دايما يكون على حرف L
   او بالاحرى على خط حرف L
   فما ادري شو فيها السيارة؟
   هل هي عادية او فيها شي
   وهل هذا الشي على الضمان ولا لا ؟؟

   ارجو الافادة

   سلام عليكم
   عزيزي، عندك ثلاث حالات يمكن واحدة منهم عندك 1- حساس (سنسر) الآيل مايشتغل
   2- الظفيرة بين الحساس والعداد ما موصلة
   3-العداد موشغال

2. شو تأثير الانهيلنج بايب في البي ام ,, وشو مشاكله ,,

   وكيف تعرف ان البلاكات بدت تنتهي صلاحيتها ,, بالاستخدام لان قالولي كل 100 الف بدل بلاكات !
   ولا في طريجه ثانيه .

   والستيرنج بوكس يوم تلف يمين ولا يسار تحس مثل يشد ويرخي وياك ,, موب ع راحتك كامل ,, شو السبب ؟؟

   وشي بعد
   اذا اكسر يمين في السياره الاحظ لفتها اسرع واقوى عن لفتها لو كسرت يسار ؟

   صباح الخير اخوي .. ياريت لو قلت الموديل وحجم المكينة بس بحاول اجاوب بشكل عام

   أول شي الانهيلنق بايب هذا ما اعرفة!! ياريت لو تكتب اسمة بالانجليزي ..

   بالنسبة للستيرنج .. بدل الباور ستيرنق بمب وبتتخلص من كل المشاكل المتعلقة بالسكان ..

   بس لازم تتاكد من نوع الباور ستيرنق بمب اللي عندك لانة يجي نوعين فالعادة
   واحد Self-Leveling والنوع الثاني without Self-Leveling .. وممكن تستدل علية من رقم الشاصي

   والسموحة

3. مرحبا أخوي

   عندي لكزس 400 Gs موديل 99 وارد Usa

   المشكلة أنه مافيه هوائي ( أريل ) خاص بالراديو طبعا هذا نظامه .

   وأشتكي دايما من ضعف استقبال البث لجميع قنوات الإذاعة .

   فكيف أحل هذي المشكلة .

   وجزاك الله خير .

   مرحبا اخوي موج

   بالنسبة للسيارات الوارد تردد البث الاذاعي يكون فردي وليس زوجي
   يعني مثلا الامارات اف ام ترددها هو 95.8 لكن ف سيارة وارد اميركا التردد مابيكون بهالطريقة بيكون 95.7 او 95.9 اتمنى انه وضحت بالنسبة لك. لو تلاحظ انه الاذاعات اللي بثها فردي مثل راديو وون او سوى بثها واضح.

   والحل فيها انك تروح محلات الزينة وهم يركبون لك قطعه خلف المسجل يخلي الراديو عندك يستوي تردد زوجي.. او مرة سمعت انه عن طريق برمجه ف الكمبيوتر للسيارات الوارد. (محل عمر مشتاق لكمبيوتر السيارات) تقدر تطلبه من الاستعلامات وتتاكد منه .

   وان شاء الله قدرت افيدك

4. اقول اللي يقول الوادر مب شي غلطان انا خذت لكزس ال اس 400 موديل 99 مواصفات فول حتى هيدروليك فيها والله انها عالمية ولا اشتكيت منها واول ماخذتها سيرفس كامل حتى قطع الغيار نفس الخليجي ومافيه فرق كل اللي يقول فرق بعد غلطان عن تجربتي مع اللكزس واي قطعه ابدلها في اللكزس اخذ قطعه خليجيه ويقولي راعي قطع الغيار فيه فرق اقوله انت ماتفهم شي هات خليجي ولاتتكلم وكل شي يركب ومافيه اي اختلاف حتى الرديتر مابدلته بس سالت عنه اذا فيه فرق طلع رديتر الوارد والخليجي مثل الشي مافيه فرق اتحدى اي واحد اييب اي قطعه خليجيه ماتركب في الوارد على طول تركب والحين الحمد لله كملت عندي سنتين واكدها كد وظرب خطوط وماتشتكي وفي عز الحر وانا واقف ساع كامله ومرات اكثر والمكيف مثلج والحمد لله والحراره النص ولاتحترك واخر ريس امشي فيها ولاترتفع ونصيحه اللي يذم الوارد لاتحكم على كل كلام تسمعه التجربه خير برهان والسموحه

5. عندى كرولأ موديل 94 المكيف يوم واقف

   مايبرد ويوم اتحرك يبرد ماخليت مكان كل واحد يقول

   بدل الكمبريسر لأنه صغير بس يوم اتحرك الغاز فول

   الراديتر المكيف زين البيبات زينه ويوم واقف الكمبريسر

   يشتغل و ويبند يعني طبيعي بس صدق يوم

   الكمبريسر صغير مايبرد شوفلي حل بدون مابدل

   الكمبريسر علشان أحرق ويهوهم عشانهم مايعرفون

   بس يبون يسرقون المواطنين هاذيل لسنود

   سو معروف في ربيعي وأشكرك علي تعاونك مع

   الجميع عساء الله يوفقك و يطول بعمرك لخدمة

   الناس ان نشاالله بكل حرف ترد على الناس تبني

   بيت فلجنة دعوة صايم وشكراً

Comments are closed.