حلول المشاكل المكانيكية والكهربائية+فرق مواصفات الوارد والخليجي

332 thoughts on “حلول المشاكل المكانيكية والكهربائية+فرق مواصفات الوارد والخليجي”

1. مرحبا اخوني
   عندي ضربه بسيطه في البدي(همزه) ممكن ادلوني ع كراج يصلحها بدون صبغ
   ومشكورين

2. عندي مشكلة الحرارة
   طبعا عندي جراند شروكي م 96 مشكلته اذا وقف زادت الحرارة فوق النصف واذا السيارة ماشيه مايوصل النصف كشفت على المروحه وقالوا زينه والرديتر ونظفناه ولكن المشكله باقيه

   والله يعطيك العافيه على هذا الموضوع المفيد

   أخوي ممكن اعرف المكينة 8 ولا 6 سلندر .. وهل السيارة خليجية ولا امريكية ؟؟
   وهل ادخلت على المكينة اي تعديلات؟؟ بلاكات ريس او فلتر ريس او او او..

   بس بشكل عام أذا السيارة خليجية .. اتاكد من المروحة اللي ع السيارة اصلية ولا تجارية .. لانة التجارية فيها سرعة وحده وماتنفع حق الصيف والزحمة .. وركب بدالها اصلية لانه فيها سرعتين

   اما اذا كانت السيارة وارد ,, وانا شبة متاكد من هذا الشي لانك اتقول انه يوم تمشي السيارة ترجع الحرارة تحت النصف ومعناتة انك شال البوية .. انصحك اتبدل الراديتر واتركبة راديتر اكبر ومب شرط شرط يكون اصلي .. وفي نفس الوقت اتاكد من المروحة اذا كانت تجارية اواصلية ..

   بس اذا كان كل شي اوكي الراديتر + مروحة …بيكون في احتمال يكون السبب من القازقيت مال الهيد

   على فكرة .. ممكن جدا انه السبب يكون تافة جدا .. مثل انه الماي ناقص من الراديتر او انه في كيس متعلق على واجهة الراديتر شيك بالمرة على هذي الاشياء

3. السلام عليكم و رحمة الله و بركاته

   شحالكم و اخباركم
   
   يا خوانيه انا عنديه استيشن VX-R موديل 2006 قير تماتيك بعدها على الضمان
   
   المشكله هيه ف القير
   
   كنت ياي من خط تقريبا مسافة 120 كيلومتر (( العصر )) و بعدين يوم وصلت قريب البيت شي مطبه قلت بخف على الموتر عن طريق الغيارات العكسيه
   
   كنت تقريبا على سرعة 80 … حطيتا على الرابع … و بعدين على الثالث … و يوم حطيتا على الثاني سمعت صوت نقعه شوي قويه ما ادري من القير ولا من الشفت ولا من الدفريشن ما رمت احدد بضبط .. و بعدين حطيتا على الواحد … و كل الغيرات العكسيه ما يسون صوت ما عدا يوم انقله من الثالث لين الثاني.
   
   و ما سقت السيارة لين ثاني يوم … يوم ركبت السيارة و حرة … على نفس المطبه قلت بجرب بيظهر الصوت ولا لا … ابد ما طلع الصوت … انا استغربت قلت يمكن كان ايل القير حار …
   
   بس ليش ما ظهر الصوت الا على القير الثاني ؟؟؟ و ليش ما ظهر على كل القيرات؟؟
   
   و بعد انا ملاحظ انه القير يوم يبدل بدت تبديلاته تكون شوي مش طبيعيه يعني يخشع شوي … يعني يوم اكون على المطبه ولا على دوار اخف ولا على اشاره و ارد اعطي ريس يخشع القير شوي … من الاول لين الثاني يخشع شوي ؟؟؟؟
   
   و عندي انا بعد استفسار من المعروف انه قير الاستيشن يحر … تنصحونيه انيه اركب اويل كولر قير … و اذا تشوفنها فكره زينه … ممكن تعطونيه قراج اوكيه يعرف ف هاي الشغلات ؟؟؟؟
   
   ان شاء الله اني نقلت لكم المشكله بالصوره الكامله
   
   و شو الي تنصحونيه به

   و السموحه على الاطاله

   وينك اخويه مساهم درجه رابعه … ^_^

   ان شاء الله تدخل ه اليومين عشان اعرف شو العله ف سيارتيه … و يوم ادخلها الوكاله اعرف شو اقولهم

4. عندي مشكلة الحرارة
   طبعا عندي جراند شروكي م 96 مشكلته اذا وقف زادت الحرارة فوق النصف واذا السيارة ماشيه مايوصل النصف كشفت على المروحه وقالوا زينه والرديتر ونظفناه ولكن المشكله باقيه

   والله يعطيك العافيه على هذا الموضوع المفيد

5. السلام عليكم ورحمة الله وبركاته

   شحالكمـ عساكمـ بخير

   مشكورين عالجهد الواضح و يعطيكمـ العافيه

   عندي لكزس Es300 موديل 2002

   السياره الحمد الله مافيها شي و كل شي تمام
   بس قبل اسبوع وانا ساير المنطقه الغربيه حسيت ان السياره تقطع و التقطيعه هب من البلكات او من السير و التقطيعه شرات الضربه بالمكينه

   سرت الوكاله و قال ان شي قطعه مكسوره من القطعه اللي تتحكم بدخول الهواء للبساتن و القطعه هاي دخلت عالبستن و قوة السليندر خفت و من هالشي ياها العطل

   المهم الوكاله نظفوا و سلموني السياره وقالوا لازم انزل المكينه عسب يعدلون السليندر التعبان

   سؤالي :: هل توجد طريقه ثانيه غير تنزيل المكينه عسب اصلحها ….؟؟؟؟

Comments are closed.