السلام عليكم
الغرض من هذا الموضوع .. انه يتم تبادل الخبرات وفي النهاية لمصلحة الاعضاء لهذا المنتدى العزيز
يعني اللي عنده اي مشكلة في سيارتة سواء ميكانيكية أو كهربائية ومب عارف الحل يعرض مشكلتة هنه.. وان شاء الله نفيدة بالحل .. والمجال مفتوح للاعضاء اللي عندهم خبرة أو واجهتهم نفس المشاكل من قبل انهم يساعدون اخوانهم بحيث انه يوفرون الجهد والوقت والمال ويتعلمون شي يديد فحياتهم.
اللي عنده مشكلة يذكر نوع السيارة والموديل ونوع المشكلة .. والاعراض 
لؤؤؤؤل
وحاضرين،،
يعطيك العافيةاخوي الحديق
في قطعه تساعد على ضخ الهواء المكيف
لما تضغط ريس يزيد ضغط الهواء هذه عندك خربانه
والله أعلم
اخوى و الله يبارك فيك بجرب و بخبرك ومشكور
السلام عليكم ورحمة الله وبركاته،
اخواني و اصدقائي انا افكر اشتري سيارة وواقع في حيرة كبيرة بين موترين
الأول : لكزس ال اس 430 وارد امريكي من 2001 الى 2003 …يكون فيه شاشة، وانا وجدت انه العسر يتراوح بين 85 الف الى 110 الف حسب النظافة والمواصفات، لكن في ناس خوفوني..وقالولي اذا تعطل بتدفع عليه وايد فلوس للتصليح و على هالأساس نصحوني ادورلي موتر وكالة خليجي.
الثاني: كابرس ال اس (8 سلندر) وسعره 90 الف وكالة وقوي ويصلح للخطوط.
بس انا فيني مرض اسمه لكزس، كان عندي 96 وسويت حادث وبعته ..وكان وارد وماشالله عليه مريح للخطوط..
انا ساكن فالعين، واداوم في ابوظبي، واحيانا دبي بشكل يومي..
اذا في حد منكم اخواني مجرب اللكزس الوارد ال اس 430 يا ريت ما يبخل علينا بالنصيحة عن الامور الفنية وشو لازم الواحد يسوي عشان يفحص الموتر قبل الشراء.
ولو كنتو مكاني شو بيكون القرار الانسب..؟؟؟
بارك الله فيكم…
طويل العمر عندي مرسيدس 320 s L موديل 2002 تقدر توفر لي هذه القطعة وانا جاهز للدفع فوراً علماً بأنني لم اجدها في قرقاش 0502555470 بوسلطان
CH 2201651A254135 رقم الشاصي
REAR SHOCK ABSORBER
مرحبا اخوي عاشق العين
الموتر سته ولاثمانيه؟
ويوم تعطيه ريس الار بي ام يتحرك ولا ثابت وفي تقطيعه او شي؟