السلام عليكم

الغرض من هذا الموضوع .. انه يتم تبادل الخبرات وفي النهاية لمصلحة الاعضاء لهذا المنتدى العزيز

يعني اللي عنده اي مشكلة في سيارتة سواء ميكانيكية أو كهربائية ومب عارف الحل يعرض مشكلتة هنه.. وان شاء الله نفيدة بالحل .. والمجال مفتوح للاعضاء اللي عندهم خبرة أو واجهتهم نفس المشاكل من قبل انهم يساعدون اخوانهم بحيث انه يوفرون الجهد والوقت والمال ويتعلمون شي يديد فحياتهم.

اللي عنده مشكلة يذكر نوع السيارة والموديل ونوع المشكلة .. والاعراض لؤؤؤؤل

وحاضرين،،

332 thoughts on “حلول المشاكل المكانيكية والكهربائية+فرق مواصفات الوارد والخليجي”

  1. الموتر سته سلندر ياخوي والار بي ام يتحرك بس السياره ماتنش وتتحرك

    وهالشي لاحظته من فتره , مره كنت حاطنه في الريوس واعطيته ريس على طول قبل مايركب الجيير فسمعت صووت ومن بعدها تكررت المشكله المذكوره

  2. السلام عليكم ورحمه الله

    هلا اخوي ذيب العين

    اذا تسمح لي ارد على سؤالك

    ظهور علامة الجيك انجين تدل على حدوث شي في الموتر او خلل ما

    وسبب ظهورها انك فصلت الواير

    وهي مالها اثر على صرفيه البترول

    انت حاول تفصل البتري لمدة يوم

    ورد ركبه وان شاء الله تخوز.

    والسموحه اني رديت على سؤالك بدلا من الاخ العزيز مساهم درجه رابعه,,,,,,,

    اشكرك حبيب قلبي صاحب محفضة….

    كلام حبيبي صاحب محفظة 100% بخصوص انه ليت الجك انجن ما يخصة فالصرفية….. اما بخصوص ليت الجك انجن فياخوي مادام انك فاصل العداد لازم بيتم الليت والع الا اذا ركبتة ..وعلى فكرة ممكن يختفي في بعض الاحيان! بس لا اتخاف بيرد يطلع مرة ثانية .. وماله اي تاثير سوى انه في بعض الاحيان تقطع السيارة وهذا يصير بشكل نادر …. انا اعرف واحد عندة استيشن فاصل العداد من ثلاث اسنين!!!

    واللعبة هاي الصراحة مفيدة عشان الواحد يستفيد من القرنتي 100% والطريقة للي ما يعرف هي كالتالي :

    (60 الف كيلو)/(3 سنوات)= 20 الف كل سنة..

    يعني السيارة لازم تمشي فالسنة 20 الف كيلو .. وطبعا الشباب يخلصون ال60 الف في سنه لؤؤؤؤؤؤؤؤؤؤل…… عشان جي بعد التشييك الاول يمشي السيارة لين 19الف ويفصل العداد لين ما تمر سنه تقريبا.. واذا اخترب شي لا قدر الله يركب العداد ويصلح السيارة ع القرنتي وبالمرة يشييكها.. و عقب التشييك يمشي السيارة لين 39500 ويفصل العداد .. ونفس العملية .. الين ما يطلع القرنتي من عيونهم!!! ثاني شي الصراحة السيارة تحلى فعينك لانها تكون مب ماشية شي .. وبتصلح الاعطال ببلاش!! عيل يقصون علينا مال الوكاله ههههههههه

  3. يا حبيبي اكيد عندك الديلكو مال الكهرباء….شيك عليه …والاحسن تسير عند محل الكهرباء الحديث الي بجنب ميزان سوريا تراه خطير في اللكزس…والسنسر الي في الكزوز ترا بس يشيك على نسبة الاوكسجين ودرجة الاحتراق للبنزين …علشان يقرر كم تكون نسبة البترول الي يدخل المكينه…ولكن نادرا ما يخترب…بس شيك على توصيلته

    هاي المشكلة كنت اعاني منها فاللي عندي وهي موديل 96…عل عموم انا بعته احينه وناوي اخذ 430 والله يستر..وانصح بما ياتي:

    – اهم شي انك قبل ما تبدل انجكتر تروح على محل نجوم الصناعية فل العين قريب من سوبرماركت مبارك اللي خلف مسجد التقوى…في هناك شاب بنغالي يعجبك في سوالف الكمبيوتر والقومة، خل عنده الموتر واطلب منه فحص الانجكتر ومستوى عزم الماكينة، وكمبيوتر اللكزس..بعد الفحص اهم شي ما يكون الكمبيوتر فيه عطل لأنه الكمبيوتر هو اللي يتحكم فل traction control و ال overdirve للجير، اذا كانت نتيجة الفحص ايجابية من ناحية الكمبيوتر، فالحل الوحيد بدون عوار راس انك اجور على خبير في ميكانيك الجير..

    اخوي قومة السيارة من الزيرو تعتمد 99% على صلاحية الجير،الانجكتر هو جهاز حاقن للوقود وهو تكنولوجيا لتوفير صرفية البترول وماله خص بقوة السيارة، كذلك البلكات دام انه الموتر يدق سلف طبيعي بدون تقطيع ..معناته الكهربا اوكي والديلكو سليم، لأن وظيفة الديلكو هو اعادة الشحن وتوزيع وظايف الكهربا عل ماكينة بس…احيانا تسمع حد يقولك في بلكات خاصة تزيد قوة السيارة، هذا الكلام ينطبق عل جي تي ول سوبرا اللي فيهم تيربو..بس لكزس 430 ما ينطبق عليه..

    والله يوفقك، واذا تبغي نصيحة ناس فاهمة للجير، عليك بالحوراني للجير الأتوتوماتك، صحيح سعرهم غالي شوية، بس هم شغلهم فقط فالجير، وبعدين ماشالله موترك قيمته حلوة مرغوب فالسوق، وحرام ما تشوف حل لهاي المشكلة…

    الله يوفقك

  5. اهلا بكم

    بالنسبة للسيارات الامريكية الداخلة للسعودية نجد هناك تدقيق صارم حيث يمنع دخول المصدوم و الذي تعرض للغرق

    و أعرف أشخاص يملكون سيارات امريكية مستوردة و ماشاء الله ممتازة جداً ولها الان 3سنوات

    طبعاً المواصفات تكون افضل من الخليجي….

    شكرا لكم

Comments are closed.