السلام عليكم

الغرض من هذا الموضوع .. انه يتم تبادل الخبرات وفي النهاية لمصلحة الاعضاء لهذا المنتدى العزيز

يعني اللي عنده اي مشكلة في سيارتة سواء ميكانيكية أو كهربائية ومب عارف الحل يعرض مشكلتة هنه.. وان شاء الله نفيدة بالحل .. والمجال مفتوح للاعضاء اللي عندهم خبرة أو واجهتهم نفس المشاكل من قبل انهم يساعدون اخوانهم بحيث انه يوفرون الجهد والوقت والمال ويتعلمون شي يديد فحياتهم.

اللي عنده مشكلة يذكر نوع السيارة والموديل ونوع المشكلة .. والاعراض لؤؤؤؤل

وحاضرين،،

332 thoughts on “حلول المشاكل المكانيكية والكهربائية+فرق مواصفات الوارد والخليجي”

  1. الله يخليك تساعدني في المرسيدس ولك الأجر

    نوع السيارة:
    مرسيدس 300se 1988

    المشكلة:
    المكيف

    ياخوي انا تعبت وانا اصلح في المكيف وما خليت قطعة مستعملة ويا المكيف

    يعني بدلت الكمبريسر والبيبات والوال أو الغرشة واشتريت لها ثلاجة يديدة تجارية

    الشغل روحه كلفني 1200درهم والسامان خلها على الله

    ومشكلة ثانية:
    التقطيع يوم اشغل المكيف وحتى يوم ابنده يتم يقطع
    يتم الريس نازل وتعبان وشوي وبيبند عني

    ومشكله ثالثة:
    الجير اخترب بسبب آيل الجير
    كنت ازيده “آيل جير” بدون ما أغير الفلتر والجاسجيت

    لو ما عليك أماره وين القا شغل عدل للمكيف

    اخوي روح ورشة الغيوم… بعد وكاله الاسوزو بالضبط.. تخصصهم مرسدس..

    اما بخصوص التقطيعة اتوقع انه يبالك اتبدل الريلاي..

  2. السلام عليكم …….

    اخوي عندي مرسدس سقف بانوراما ومخترب ، تقدر تدلني وين اقدر اعدله في أبوظبي
    السيارة مرسدس Ml فورويل 320 موديل 2001 …

    بالتوفيق اخوي ……

  5. السلام عليكم ورحمة الله وبركاته
    أنا عندي نيسان فتك 2002
    وهي من احسن السيارات في العالم
    في الفترة الاخيرة طلعتلي مشكلة
    بس للأسف ماعرفت حلها
    والمشكلة ان الحرارة ترتفع لي قريب النص
    مع اني بدلت قطع تخص الحرارة ولكن لم تحل المشكلة
    والقطع هي :
    – الراديتر
    – بيبات الراديتر
    – الترموستات (البويه)
    – الووتر بمب
    – كلج المروحة
    – جازجيت الهد مع عمل بولش للهد
    وللأسف لم تحل المشكلة ولا اعتقد ان حد منكم بيعرف شو المشكلة ولكن عل وعسى
    وشكرا

    انته فحصت السياره قبل عند الوكاله ؟

Comments are closed.