السلام عليكم
الغرض من هذا الموضوع .. انه يتم تبادل الخبرات وفي النهاية لمصلحة الاعضاء لهذا المنتدى العزيز
يعني اللي عنده اي مشكلة في سيارتة سواء ميكانيكية أو كهربائية ومب عارف الحل يعرض مشكلتة هنه.. وان شاء الله نفيدة بالحل .. والمجال مفتوح للاعضاء اللي عندهم خبرة أو واجهتهم نفس المشاكل من قبل انهم يساعدون اخوانهم بحيث انه يوفرون الجهد والوقت والمال ويتعلمون شي يديد فحياتهم.
اللي عنده مشكلة يذكر نوع السيارة والموديل ونوع المشكلة .. والاعراض 
لؤؤؤؤل
وحاضرين،،
عزيزي الاماراتي . اشكرك بشده .. سيارتي ماشية 300 الف وانا من راس الخيمة
وشكرا على تعاونك وياي .. بشوف شوه راح يصير معاي وابلغكم
ما عليك زود يا طويل العمر
مثل ما فادونا اخواننا فالمنتدى لازم نفيدهم باللي نعرفه
نعين ونعاون ياخوي..
عند أخوي مشكلة لاهنت..
مشكلته بسيارتة النيسان تيدا عنده مشكلة بالمكيف و شيكنا عليها عند أكثر من ميكانيكي وكلهم خبرونا بأن المشكلة في الواشر الي يكون على الكمبروسر من الأمام يسرب الغاز منه.
ولكن الكل قال لازم تغيرون الكمبروسر كامل لأن الواشر ما ينباع أو تلف الصناعية عرضا وطولا الى ان تجد نفس قياس الواشر.
ياريت تفيدوني بها المشكلة علما بأن السيارة موديل 2006 رقم 2 وجزاكم الله خيرا.
السلام عليكم و رحمة الله و بركاتة :
بغيت أسألكم شو اهم شي في السيارة . انا طالب في بريطانيا و الموتر الي ابا اشترية تقريبا موديل 99-2000 بس تعرفون الانجليز يجحتون الموتر .. ادقق في شو اول شي و الموتر قير عادي .
لا تقصرون بالنصيحة و نترياكم ان شاء الله
مشكورين
أخوكم بن غليطة
ماشالله عليك بن دبي ماقصرت
اشهد انك مخاوي شما ومافيك حيله
والشكر موصول لصاحب الموضوع ولكل من مر ورد عليه