السلام عليكم

الغرض من هذا الموضوع .. انه يتم تبادل الخبرات وفي النهاية لمصلحة الاعضاء لهذا المنتدى العزيز

يعني اللي عنده اي مشكلة في سيارتة سواء ميكانيكية أو كهربائية ومب عارف الحل يعرض مشكلتة هنه.. وان شاء الله نفيدة بالحل .. والمجال مفتوح للاعضاء اللي عندهم خبرة أو واجهتهم نفس المشاكل من قبل انهم يساعدون اخوانهم بحيث انه يوفرون الجهد والوقت والمال ويتعلمون شي يديد فحياتهم.

اللي عنده مشكلة يذكر نوع السيارة والموديل ونوع المشكلة .. والاعراض لؤؤؤؤل

وحاضرين،،

332 thoughts on “حلول المشاكل المكانيكية والكهربائية+فرق مواصفات الوارد والخليجي”

  1. بسم الله الرحمن الرحيم
    السلام عليكم ورحمة الله وبركاته

    شكلي ثقلت عليك . سامحني لكنك كريم حتى لو كنت أنا ما أستاهل(إبتسامه)

    الأرمادا عندي يوم أدوس ريس من الزيرو كطلع صوت (تك) جدا القير و يوم أظرب بريك نفس الشي.

    و بعد يوم أدخل الموتر بر و أحط القير في الدبل يكتب (Slip) بالأصفر جدا العداد ويطلع صوت من عند جمبيل التاير اللي قدام يسار.

    رحت الوكاله قالو هذا (Normal) هذي شغلة ال(VDC , VCD) لازم أحطVCD off

    فيدني بارك الله فيييييييك والسموحة

    هالشي طبيعي..وموجود بعد فل باثفندر…على ما اعتقد نظام الدفع الرباعي عندهم مختلف شوي، خاصة انه الجير اتوماتيك، مب شرات الباترول او اللاند العادي… ودام انه الوكالة خبروك انه ال VCD لازم يكون مبند، عادي لا تحاتي…

  2. السلام عليكم

    عندي Bmw 525 I 2006

    ليت الايرباك والع دوم ما يطفي ويعطيني في الشاشة الكبيرة انه فيه مشكلة في الحزام او الايرباك وماراح يشتغل بطريقة صحيحة

    شو الحل مع العلم ان اللي خربان كمبيوتر الايرباج مب السينسر

    الوكالة قالوا لي تصليحه 4400 درهم

    في حد مرت عليه المشكلة هاي وكيف اتصرف معاها

  3. اخوي الحديق

    في قطعه تساعد على ضخ الهواء المكيف

    لما تضغط ريس يزيد ضغط الهواء هذه عندك خربانه

    والله أعلم

    اي قطعة تقصد

    وشو اسم القطعة بعد اذنك

  4. مكينة سيارتي الهونداي – نوع تراكان خربت – دورنا نبي مكينة حق سيارة مدعومة مالقيت – والمكينة حق الوكالة باتجي وايد غالية – السيارة 2004 وحالتها نظيفة – ابي مشورتكم ..والسموحة

  5. مرحبا اخوي : الغايب حجته معاه:

    بس بالنسبة لسؤالك : عشان نتاكد من السالفه يبالها تجربه وماينفع الوصف في هالحاله

    لانه يمكن يكون كرسي جير ويمكن اشياء ثانيه

    بس للتوضيح

    يوم توقف السيارة يوم تنقل الغيار من الباركنج الى الريوس او الى أن او دي … شوف حركة السيارة يعني شي ضربة او صوت يظهر او حركة واضحه في السيارة وقبل ما كانت موجودة

    اذا كان شي صوت مع ضربة او هزة مع النقل من جير الى اخر فبيكون كرسي جير.

    اما اذا ماشي يبالها حد يشوف السيارة.

    وبخصوص استخدامك للغيار العكسي يمكن كانت طريقة نقل الجير(التعشيق) غلط.
    والسموحه منك

    اخويه صاحب المحفظه تسلم على الرد

    و السيارة وديتا الوكاله و خبرتهم شو فيها

    و ان شاء الله يعدلونها ….

    و السموحه

Comments are closed.