السلام عليكم
الغرض من هذا الموضوع .. انه يتم تبادل الخبرات وفي النهاية لمصلحة الاعضاء لهذا المنتدى العزيز
يعني اللي عنده اي مشكلة في سيارتة سواء ميكانيكية أو كهربائية ومب عارف الحل يعرض مشكلتة هنه.. وان شاء الله نفيدة بالحل .. والمجال مفتوح للاعضاء اللي عندهم خبرة أو واجهتهم نفس المشاكل من قبل انهم يساعدون اخوانهم بحيث انه يوفرون الجهد والوقت والمال ويتعلمون شي يديد فحياتهم.
اللي عنده مشكلة يذكر نوع السيارة والموديل ونوع المشكلة .. والاعراض 
لؤؤؤؤل
وحاضرين،،
اخي الكريم مساهم درجة رابعة
السلام عليكم ورحمة الله وبركاته
لو عندك فكرة أو عند أي احد من الاخوان قبل لاتنفتح الايرباك بوجهي ونقول باي باي
ومشكلة المكيف بعد.
ومع جزيل الشكر
أخوي شركة الدينسو من الشركات الرائدة في مجال الكهرباء .. أما بخصوص الانجترات ممكن تتاكد عن طريق موقع الشركة وتشوف الانجكتر المناسب لنوع سيارتك .. وماعليك من الحجم هم عارفين شغلهم عدل!!
السلام عليكم ، الشكر للاخوان القائمين على هذا الموضوع المفيد و جزاكم الله خير على جهودكم الطيبة …
عندي سيارة كرولا 2002 ، 1.8 ، عدادها واصل 175الف كيلومتر
مشكلتها في الصرفيه اعتقد انها مب طبيعية بالمرة طبعا البلاكات غيرتها من فترة بسيطة و ماكملت 8000كم من يوم غيرتها ..
عادة اعبيها لما يولع الليت مباشرة وبمبلغ 55 درهم تكون فل ، جربت أحسب المسافة الي تمشيها و كانت تقريبا بين 225 – 260 كم ، استخدام السيارة دائما داخل المدينة و في الزحمه يعني ماشي خطوط و المكيف يكون شغال عادة ..
قلت يمكن المكيف هو سبب زيادة الصرفية و قبل اسبوعين بس قلت اجرب بدون المكيف و عبيتها فل بنفس المبلغ تصدقون ماكملت 280 كم على الرغم اني ما شغلت المكيف تقريبا إلا يمكن مره !!!؟؟؟؟؟؟؟؟…
شو راي الاخوان الصرفية جي عادية ؟؟! و اذا مب عادية شو الحل ؟؟ أنا ساكن في مدينة ابوظبي فيه ميكانيكي شاطر و أمين يقدر يحل المشكلة؟؟
الشباب قالوا لي تنظيف الانجكترات عند ميكانيكي أو استعمال السايل الخاص بتنظيف الانجكترات الي ينخلط مع البترول بيحل المشكلة بس قلت استشيركم أول …
سامحونا على الاطالة و مشكورين مقدما
أريد منكم خدمة ياشباب أنا اشتريت كامري مديل 2005 قبل اسبوع , وبغيت أركّب عليها رنجات , دورت على رنجات نفس الشكل مال الوكالة وماحصلت.
فياليت أذا حد عندة ويبى يبيعهن يخبرني .
أو وين ممكن أحصل الرنجات في بوظبي؟
والسموحة منكم ياشباب.
اشكرك حبيبي صاحب محفظة وكذلك الاخ العزيز مساهم درجة رابعة الف شكر لكم وطبعا اليت مال الانجين شغال في حالة الواير مفصول ومجرد ما اركبة يخوز اليت بس خفت ان لة تأثير او من هذا القبيل طمنتوني الله يطمنكم يوم القيامة ومشكورين .