السلام عليكم

الغرض من هذا الموضوع .. انه يتم تبادل الخبرات وفي النهاية لمصلحة الاعضاء لهذا المنتدى العزيز

يعني اللي عنده اي مشكلة في سيارتة سواء ميكانيكية أو كهربائية ومب عارف الحل يعرض مشكلتة هنه.. وان شاء الله نفيدة بالحل .. والمجال مفتوح للاعضاء اللي عندهم خبرة أو واجهتهم نفس المشاكل من قبل انهم يساعدون اخوانهم بحيث انه يوفرون الجهد والوقت والمال ويتعلمون شي يديد فحياتهم.

اللي عنده مشكلة يذكر نوع السيارة والموديل ونوع المشكلة .. والاعراض لؤؤؤؤل

وحاضرين،،

332 thoughts on “حلول المشاكل المكانيكية والكهربائية+فرق مواصفات الوارد والخليجي”

  1. واحد من الاخوان سألني عالخاص عن النقعه اللي في الستيشن 8 سلندر والستيشن لكزس
    وهذي المشكله في معضم الستيشنات… فحبيت احطها عالعام عسى انها تفيد الباقين

    هالصوت يطلع بسبة الحركه في الدفريشن.. والكل يقدر يشيك على هالشي بانه يضرب بريك
    ويحط القير في الـ D ويحطه فالـr بدون ما يهد البريك.. والقير العادي بعد يمسك البريك ويحطه قير واحد ويشل عن الكلج شوي ويحطه فالريوس ونفس الشي…. فاذا سمع الصوت بوظوح فالدفريشن مب ثابت

    وفي هذي الحاله يبدل كراسي الدفريشن وبيختفي الصوت ان شاء الله
    يمكن الاسباب تكون ثانيه…. بس هذي المشكله هي اللي تسبب الصوت في اغلب الحالات

    طبعا الدفريشن الخلفي لان الستيشن بدون دفريشن قدام

    والسموحه منكم

    =============================================

    السلام عليكم و يعطيكم العافيه
    أنا عندي استيشن GXR V8 موديل 2008
    وفيه نفس المشكلة ويا الجير
    يوم يبدل من الأول للثاني تحس بالنقعه مع أن السيارة جديدة 3000 km

    والمشكلة الثانية
    هي صوت الهواء العالي يوم أسرع بالسيارة فوق 80km/hr
    Wind Noise Problem
    شو حل هاي المشكلة؟ هل في مان يسوي اربات بطرقة يمنع فيها لإزعاج؟

  2. مرحبااا

    حد يعرف محلات تختص باللكزس فقط من ناحية البرمجه او فصل الليتات اللي يتمن شغاله 24 ساعه او برمجة الراديو يكون مثل الخليجي والحراره تحويلها من الفهرنهايت الى السيليزي وشكرا

    هلا اخوي ..

    روح عند كراج التقي فالشارجة.. بيرتبلك موضوع الليتات و وبرمجة الحرارة

    اما بخصوص الراديو .. ماعندي فكرة

  3. هلا بو عايشة … يمكن يبالها وزنية رصاص(ترصيص) سير عند البنشرجي خله يجيك الترصيص…. واذا كان كل شي تمام

    فيبالك ميزانية رود .. مابيكلفك اكثر عن 70 درهم

    وان شاء الله ماشي شر

    يزاك الله خير يالغالي

    وشاكر لك جهودك الي تبذلها في سبيل مساعدة اخوانك

  4. كيف يمكن اطفاء الانوار في السيارات الوارد
    حيث ان الانوار تشتغل على طول اول ما تنزل الهاند بريك

    شوووه نووع السيارع ؟ ووين مكانك ؟

  5. السلام عليكم

    عند اخوي سوزوكي سويفت موديل 2007 قير عادي

    من كم يوم كان طالع الصبح الدوام ومستعيل شوي

    المهم كان يمشي 180 فـ قير 4 والريس واصل 6 وشوي يعني شوي وبتف

    وفجأه طلعت له شاحنه جدامه وضرب بريك وردها غيار عكسي 3

    وطبعا الريس بيوصل ع الاخير لان السياره فـ ثلاثه تيب 140 بس

    وهو كان يمشي 180

    المهم انه مشى عادي يوم وصل الدوام وقف السياره

    وهي واقفه يحسها تقطع وايد من بعد الي صار

    و صار عزمها مب شرات قبل

    وديناها عند 50 الف ميكانيكي وكهربائي هههه وماعرفولها

    شو الحل ؟

    واحد من ثلاثة .. لا رابع لهما..

    1- البلكات … احتمال احترقن
    2- الكويلات او الوايرات
    3- الانجكترات يبالهن تنظيف..

    خل اخوك يتبع الترتيب اللي حطيتلة اياه .. وان شاء الله السيارة بتكون 10/10

Comments are closed.