السلام عليكم
الغرض من هذا الموضوع .. انه يتم تبادل الخبرات وفي النهاية لمصلحة الاعضاء لهذا المنتدى العزيز
يعني اللي عنده اي مشكلة في سيارتة سواء ميكانيكية أو كهربائية ومب عارف الحل يعرض مشكلتة هنه.. وان شاء الله نفيدة بالحل .. والمجال مفتوح للاعضاء اللي عندهم خبرة أو واجهتهم نفس المشاكل من قبل انهم يساعدون اخوانهم بحيث انه يوفرون الجهد والوقت والمال ويتعلمون شي يديد فحياتهم.
اللي عنده مشكلة يذكر نوع السيارة والموديل ونوع المشكلة .. والاعراض 
لؤؤؤؤل
وحاضرين،،
السلام عليكم ورحمة الله وبركاته
أنا عندي نيسان فتك 2002
وهي من احسن السيارات في العالم
في الفترة الاخيرة طلعتلي مشكلة
بس للأسف ماعرفت حلها
والمشكلة ان الحرارة ترتفع لي قريب النص
مع اني بدلت قطع تخص الحرارة ولكن لم تحل المشكلة
والقطع هي :
– الراديتر
– بيبات الراديتر
– الترموستات (البويه)
– الووتر بمب
– كلج المروحة
– جازجيت الهد مع عمل بولش للهد
وللأسف لم تحل المشكلة ولا اعتقد ان حد منكم بيعرف شو المشكلة ولكن عل وعسى
وشكرا
الخليجي أفضل يا جماعة و خاصة ما يتعلق بالتالي:
1- نظام التكييف — رديتر أكبر و ثيرموستات حرارة أعلى
2- القطع البلاستيكية عامة المحيطة بالموتور خاصة لها مقاومة اكبر للحرارة
3- صبغ السيارة معد للمناطق الحارة.. و هذا ما يفسر تلف صبغ غطاء
الماكينة للوارد ..
5- مقاومة الزجاج للحراة العالية ..
و تفاصيل اخرى .. الخلاصة هي ان الخليجي مصمم ليتحمل الحرارة العالية ..
و دمتم…
الغالي ماقلت شو نوع سيارتك..
لكن ع العموم ألية عمل عداد السرعة غير عن الآربي أم …
بالنسبة للعداد شوف عند القير تحت بتلقى فيشة اتاكد انها راكبة و اذا كانت راكبة اتاكد انه الوايرات مب متآكلة او متقطعة..
أما بالنسبة لقيج الحرارة اتاكد من انه السنسر راكب ومن وايراتة والكليب.. بتلقاة قريب البوية واذا كان كل شي اوكي بدل السنسر .. لانة عمرة الافتراضي انتهى
والسموحة
السلام عليكم أنا عندي لكزس 470 >>>4وييل موديل1999السياره مافيها جومه موليييه وديتها اكثر من4كراجات كلهم جالو الكمبيوتر خربان وسويت له فورمات وحاولنا تغيير البرنامج بدون فايده آخرشي جالولي بدل الكمبيوتر>>>> أبغي حد إيفيدني لانه لو الكميبوتر مايشتغل جان ماتحركة السياره والله يجزيكم بكل خير…
تسلم اخوي مساهم درجه رابعه
بقوله وبخليه يجيك .. واذا ما فاد وياه لا حول ولا قوه بنوقفها فالوكاله كم يوم