حلول المشاكل المكانيكية والكهربائية+فرق مواصفات الوارد والخليجي

332 thoughts on “حلول المشاكل المكانيكية والكهربائية+فرق مواصفات الوارد والخليجي”

1. السلام عليكم ورحمة الله وبركاته :

   شباب ممكن تساعدوني الى من لديه الخبرة في المرسيدس …. انا عندي مرسيدس موديل 2007 وجاء موعد السيرفس او الصيانة الدورية ال 10000 وبصراحة ما بخاطري اوديها الوكالة يبالهم يوم او يومين تقعد في الوكالة هل هناك من ينصحني وصاحب خبرة في كراج يسوي السيرفس بنفس جودة الوكالة واحسن ويكون في دبي او الشارقة او العين ولكم اجمل التحية اخوكم الرااقي ومع السلامة

2. السلام علييكم اخواني انا عندي جمس 2007 غييرت الرنجات والحين طلعلي هالشي ومب عارف كيف اشله؟؟؟؟؟

   

3. الخليجي أفضل يا إخوان لكن الفرق للأسف في السعر

   مثلا عندك الجيب اللكزس يجي بدون ثلاجة بينما في الخليجي بثلاجة

   عيل وين الأوبشن

4. واحد من الاخوان سألني عالخاص عن النقعه اللي في الستيشن 8 سلندر والستيشن لكزس
   وهذي المشكله في معضم الستيشنات… فحبيت احطها عالعام عسى انها تفيد الباقين

   هالصوت يطلع بسبة الحركه في الدفريشن.. والكل يقدر يشيك على هالشي بانه يضرب بريك
   ويحط القير في الـ D ويحطه فالـr بدون ما يهد البريك.. والقير العادي بعد يمسك البريك ويحطه قير واحد ويشل عن الكلج شوي ويحطه فالريوس ونفس الشي…. فاذا سمع الصوت بوظوح فالدفريشن مب ثابت

   وفي هذي الحاله يبدل كراسي الدفريشن وبيختفي الصوت ان شاء الله
   يمكن الاسباب تكون ثانيه…. بس هذي المشكله هي اللي تسبب الصوت في اغلب الحالات

   طبعا الدفريشن الخلفي لان الستيشن بدون دفريشن قدام

   والسموحه منكم

5. شو انسب ضغط الهوا في التاير بالنسبه للفورويل

   للمدينه و الخظ والرمل

   والشكر موصول لصاحب الموضوع

   هلا أخوي بالنسبة للمدينة يكون كالتالي:

   في الامام يكون 32 والخلف 30
   واذا بغيت الموتر يكون مريح اكثر فالقرقرة تكون المعادلة كالتالي 30 فالامام و 28 فالخلف

   الخط: يفضل انه يكون الهواء اكثر شوي يعني 35 فلامام و33 فالخلف ( الا اذا كنت شال اغراض او في حد راكب وياك فالخلف وفي هذي الحاله اتخلي الضغط نفس الشي)

   البر.. مافي احسن من ال15 للامام والخلف

   ملاحظة أخيرة:

   الارقام هذي ثابتة مع جميع التواير والرنجات .. لاني انا اتكلم عن ضغط الهواء اللي هو الـ psi وليس كمية الهواء

   وتقبلو تحياتي

Comments are closed.