السلام عليكم

الغرض من هذا الموضوع .. انه يتم تبادل الخبرات وفي النهاية لمصلحة الاعضاء لهذا المنتدى العزيز

يعني اللي عنده اي مشكلة في سيارتة سواء ميكانيكية أو كهربائية ومب عارف الحل يعرض مشكلتة هنه.. وان شاء الله نفيدة بالحل .. والمجال مفتوح للاعضاء اللي عندهم خبرة أو واجهتهم نفس المشاكل من قبل انهم يساعدون اخوانهم بحيث انه يوفرون الجهد والوقت والمال ويتعلمون شي يديد فحياتهم.

اللي عنده مشكلة يذكر نوع السيارة والموديل ونوع المشكلة .. والاعراض لؤؤؤؤل

وحاضرين،،

332 thoughts on “حلول المشاكل المكانيكية والكهربائية+فرق مواصفات الوارد والخليجي”

  1. هلا اخوي

    التنظيف افضل من السائل

    بالنسبة للورشة شي عندك في المصفح محل العدوي مقابل شيشة البترول اللي ف مصفح بتجاه ابوظبي وعندك بعد محل التاج الذهبي

    ويممكن ياخذون عنك 250 درهم

    مع ضمان سته اشهر على قله الصرفيه واشياء ثانيه. مثل الكربون وهالسوالف

    وبالنسبة للسائل والله ماذكر شو اسمه بالضبط بس شي انواع وايده وبتلقى بعد من شركة Stp اظن اسمه انجتكر كلينر

    والله يوفقك

  2. صراحة هالموضوع بما فيه من اهمية عظيمة لمعرفة مشاكل السيارات
    يجب أن يثبت في منتدى العـــــــــــــــــــــام وليس البيع والشــــــــراء
    هذا من وجهة نظري

    وسؤالي هـــو :

    عندي الــ Bmw لما امشي بالسيارة احس في دقة بمعنى آخر لما يبدل القير يسبب لي نقزة بحيث اني احس بها

    فما ادري السبب من شو ؟؟؟؟؟؟؟؟

    على ما أعتقد الجير خربان نفس اللي عند واحد من الشباب سار وطلع عنده الجير منتهي

    اخوي في عندي سؤال

    انا عندي كرولا مخليها حق الدوام يعني ما تمشي وايد

    بس مشكلتها لمن أوقف على إشارة وأخلي الجير على D يطلع صوت رجه

    رررررررررررررررررررررررررررررررررر

    فكرت يمكن كراسي المحرك (( بتفكيري )) بس ما شيء

    مرة رحت أبدل الغاز مال المكيف زاد شوية من الريس راحت الرجة

    بس بعدين رجعت

    أخاف أزيد في معايير الريس يخرب صرفية البترول

    وصرفيتها مب لين هناك 1.3 وبعد تصرف وايد

    شو الحل ؟؟

  3. السلام عليكم

    انا عندي نيسان 1999 ابا اخلي شكله حلو

    شو تنصحوني اسوي (محد يقولي بيعه )

    واذا حد يعرف كراج فالصناعية يرتب زين يخبرني وين مكانه

    وبخصوص المدعميه يصلح راكب عليه مدعمية نيسان 2003

    والسموحه

  4. الوارد ورفع يدك سياره حلوه وشبه جديده
    ولايوجد فيها مشاكل
    والسياره اذا ماعملتلها صيانه بالوجه المطلوب اكيد راح تخرب عليك
    الوارد الوارد افضل من الخليجي في جميع المواصفات

  5. السلام عليكم

    عندي مرسيدس s500 موديل 2006 وماشي 38 الف خذته من يومين وفجأه بند علي وانا امشي فيه ووقفت على صوب و رديت شغلته واشتغل بس تم يقطع و يحكر الجير .. مع اني فحصت السياره قبل ماشتريها وماكان فيها شي .. يتأخر لين ما يبدل الجير واحيانا تستوي فيه نفس الدقه يوم امسك بريك ..اتمنى منكم المساعده وشكرا

Comments are closed.