السلام عليكم
الغرض من هذا الموضوع .. انه يتم تبادل الخبرات وفي النهاية لمصلحة الاعضاء لهذا المنتدى العزيز
يعني اللي عنده اي مشكلة في سيارتة سواء ميكانيكية أو كهربائية ومب عارف الحل يعرض مشكلتة هنه.. وان شاء الله نفيدة بالحل .. والمجال مفتوح للاعضاء اللي عندهم خبرة أو واجهتهم نفس المشاكل من قبل انهم يساعدون اخوانهم بحيث انه يوفرون الجهد والوقت والمال ويتعلمون شي يديد فحياتهم.
اللي عنده مشكلة يذكر نوع السيارة والموديل ونوع المشكلة .. والاعراض 
لؤؤؤؤل
وحاضرين،،
اخوي انا ما بدلت شي بعدها برنجات الوكاله
وين بالضبط هالابره الي لازم اشدها وين مكانها بالضبط؟
يا حبيبي اكيد عندك الديلكو مال الكهرباء….شيك عليه …والاحسن تسير عند محل الكهرباء الحديث الي بجنب ميزان سوريا تراه خطير في اللكزس…والسنسر الي في الكزوز ترا بس يشيك على نسبة الاوكسجين ودرجة الاحتراق للبنزين …علشان يقرر كم تكون نسبة البترول الي يدخل المكينه…ولكن نادرا ما يخترب…بس شيك على توصيلته
تسلم يا خوي وجزاك الله خير
هلا اخوي مساهم
مب احسن ,, لو تشغل الاوفر درايف ,, ولا شو رايك؟
اخوي شي اكثر عن سبب لارتفاع الحرارة فالموتر
اولا: الرديتر يكون منسد من كثر الاوساخ ,, والصدأ ويحتاج لتنظيف ,, او يكون فيه تسريب للماي فأما تبديله او اصلاحه باللحام
ثانيا: الثرموستات : منظم دخول الماء للمكينة ,, اذا اختررب يسبب رفع للحرارة.. ويحتاج للتبديل
ثالثا: هيد المكينة : يباله حف وجاسكيت,, عشان تتاكد انه الحرارة من الهيد
اتبع هالخطوات
قبل لاتشغل السيارة.. افتح غطاء الراديتر,, شغل السيارة
خلي حد فالسيارة وقوله يعطي ريس عالي شوي
وشوف الرديتر اذا انجب ماي للخارج من فتحه الرديتر ,, فهذا يعني انه الهيد رايح عندك
وان ماظهر ماي يعني الهيد سليم
رابعا : المراوح يكون الكلتش الخاص للمروحه ضعيف .. ويحتاج للتبديل
وان شاء الله قدرت افيدك بخبرتي المتواضعه
وهذي الاسباب المتوقعه