السلام عليكم
الغرض من هذا الموضوع .. انه يتم تبادل الخبرات وفي النهاية لمصلحة الاعضاء لهذا المنتدى العزيز
يعني اللي عنده اي مشكلة في سيارتة سواء ميكانيكية أو كهربائية ومب عارف الحل يعرض مشكلتة هنه.. وان شاء الله نفيدة بالحل .. والمجال مفتوح للاعضاء اللي عندهم خبرة أو واجهتهم نفس المشاكل من قبل انهم يساعدون اخوانهم بحيث انه يوفرون الجهد والوقت والمال ويتعلمون شي يديد فحياتهم.
اللي عنده مشكلة يذكر نوع السيارة والموديل ونوع المشكلة .. والاعراض 
لؤؤؤؤل
وحاضرين،،
التقطيع حبله طويل واسبابه وايد
شيك على البلاكات
وعلى السويشات switshs أو الكويلات حق كل سلندر يركب سويتش واحد يمكن فيه واحد منهن يسوي تهريب كهربه
وسلندر واحد تحصله مايشتغل بسبب هذا
ورجع تأكد من ألي مركب الانجكترات
وأن شاءالله يفيدونك الشباب أكثر بس رد علينا خبر شوه يصير معاك
وينكم يا اخواني
افيدوني بسرعه
السلام عليكم ورحمة الله وبركاته
يزاكم الله الف خير هالمجهود الي قاعدين تسوونه و ان شاء الله في ميزان حسناتكم
اخواني انا عندي التيما 2003 وارد امريكي
من سنة تقريبا اخترب علي شي اسمه idol control motor فجأة السيارة كانت تتسكر فقالو لي من هذا و بدلته
و اشتغلت السيارة بس الريس كان عالي شوي
في الاول ما سبب لي مشكلة .. بس مع الوقت شفت اني لما ابدل الجير الموتر ينقز … و زادت المشكله الفترة الاخيرة .. يعني النقزة تكون قوية .. تحس الكينة تتحرك من مكانها .. وديتها قالولي لازم تبدل ال idol control motor
الحين انا قاعد ادور هالقطعة .. ابي اعرف وين اقدر احصلها
وهل الخليجي يركب عالوارد
يا ليت من الاخوة اللي عندهم فكرة ولا ملعومة يعطونا اياها
و يزاكم الله خير
أخوي ودة الوكاله و اصر عليهم و قولهم ابا القير يتبدل بشكل كامل .. و اعتقد انهم بيبدلونة لانة تم تصليحة مرتين…
واذا ماطاعو ..سو رساله شكوى للشركة الأم وقولوهم الموضوع.. وشوف شقايل بيتراكضون وراك عقب
السلام عليكم اعضاء المنتدى وكل عام وانتم بخير
اشتريت لي سياره لكزس 430موديل 2005والسياره مواصفاتها خليجيه يعني من اللي يجي دريكسونها يسار ومو مبدل …
طبعا كالعاده تختلف بعض المواصفات اللي تحتاج للتغيير مثل
1-تغيير درجة الحراره من الفهرنهايت الى السليسز( وهذي ممكن ورشة تقي او عثمان او الكهربائي شهزاد بورشة مكه يسويها )
2-تغيير الميل الى كيلو متر في العداد(وهذي بعد نفس الورش المذكوره تقدر تسويها)
3-برمجة الانوار الاماميه (الليتات اللي تشتغل طول الوقت )و(هذي بعد نفس الورش تسويها)
4-وهو المهم تغيير لغة الشاشه من الياباني الى الانجليزي(هذي ماعرف من يسويها)
5-الراديو يختلف فيها التردد(الفركونسي) للقنوات الخليجيه(وهذي بعد ماعرف من يسويها)
اخواني الاعضاء ممكن احد يساعدنا يعرف محل يغير لغة الشاشه وبعد يرتب الراديو نفس الخليجي وبعد اللي يعرف محل عمر مشتاق لبرمجة كمبيوتر السيارات لان مالقينا رقمه من الاستعلامات
تحياتي للجميع