حلول المشاكل المكانيكية والكهربائية+فرق مواصفات الوارد والخليجي

332 thoughts on “حلول المشاكل المكانيكية والكهربائية+فرق مواصفات الوارد والخليجي”

1. السلام عليكم..

   اخوي عندي نيسان موديل 97 كاربيتر…مشكلته شوي يقطع يوم اتدوس..وحتى يوم واقف يرجف وايد.
   بدلت الكويل والبكات وبعض الوايرات حتى ! لكن المشكله بعدها..نظفت الكاربيتر ب هذا اللي يرشونه spray..لكن المشكله بعدها… من شو تتوقع الخراب؟؟
   يا ريت تفيدونا.. ومشكورين

   تأكد بعد من الدينمو و الفحمات…………

2. السلام عليكم ورحمة الله وبركاته

   هذا السؤال وايد اسمعه اما في منتدانا واما من التجارب اليوميه مع الناس

   وهذي بعض الاجابات اللي ممكن تساعد في معرفة الفرق بين الوارد والخليجي

   1- الضمان، مثل ما هو معروف ان السيارات المستوردة عن طريق الوكيل المحلي عليها زيادة في سنوات الضمان مثال ذلك BMW و RANGE ROVER وMB عادة ما يكون ضمان المصنع سنتين فقط، والباقي من عند الوكيل

   2- الطبقة الواقية من أشعة الشمس القوية، فمثل ما هو معروف أن الطقس والمناخ يختلف كليا عن الطقس هناك في أوروبا وامريكا

   3- ضمان أن السيارة الخليجية غير مسروقة… مثل ما ظهر قبل سنتين او ثلاث من ضبط بعض السيارات المستوردة المطلوبة للأنتربول

   4- الفكرة القديمة السائدة بأن السيارات المستوردة تختلف عن الخليجية من ناحية التقنية، وبالأخص من ناحية الحرارة

   5- السبب الأهم وهو السعر لأنه الوارد دايما ما يكون أرخص من الخليجي

   ومثل ما نشوف في النهاية الفروق نوعا ما بسيطه بين الخليجي والوارد

   واللي عنده اي سبب غير هذي الاسباب ياريت يشاركها ويانا في الموضوع حتى تعم الفائده بين الجميع ان شاء الله

   دمتم برعاية الرحمن

   السلام عليكم
   اولا لانك المشرف ما اقدر اقول انك يالس تألف بس اخوي الي قلته معروف بس بدون اي دليل و مثل ما انت عارف مرات الوارد ينباع اغلى لانك اساسا انتة تيبة رخيص مناك و منو قالك عن الطبقة اخوووي في امريكا في مناطق اخس عنا في الحر مثل تاكسس كلها سيوح و بعدين شيل هاي الفكرة من راسك انة وارد يعني الي هنية نحن مصنعينة و في النهايه بقول اسمحلي و تراها وجه نظرية.

   __________________

3. السلام عليكم أنا عندي لكزس 470 >>>4وييل موديل1999السياره مافيها جومه موليييه وديتها اكثر من4كراجات كلهم جالو الكمبيوتر خربان وسويت له فورمات وحاولنا تغيير البرنامج بدون فايده آخرشي جالولي بدل الكمبيوتر>>>> أبغي حد إيفيدني لانه لو الكميبوتر مايشتغل جان ماتحركة السياره والله يجزيكم بكل خير…

   أخوي .. مايخصة الكمبيوتر … المشكلة بتكون شي من بين 3 اشياء

   1- فيول بمب 2 فلتر بترول 3 بلاكات والوايرات

   لا يقصون عليك يقولون كمبيوتر لانة لو كان كمبيوتر كان الموتر بيناقع و بيدخن ,, و Rpm ما بيكون ثابت بتلقاة يرتفع و ينزل

   والسموحة

4. اتريا ردددددددوددددد

5. السلام عليكم

   شباب خذيت التيما 2006 فول ابشن ووديتها يغسلونها غسيل كامل من داخل ..المهم يوم بطلو الكراسي ونظفوها وردو الكراسي ليت الارباج اشتغل وماطاع يبند ..وديتها فحص كمبيوتر قالي انه السنسر اخترب ..وواحد ثاني قالي انه واير انفصل ..وواحد قال وقفها يوم بنفحصها ..المهم كل واحد ظهر برمسة ..

   فاذا سمحتو والي له خبرة فهالشي يخبرني شو الحل

   ومشكورين مقدما

Comments are closed.