مراحب ، ومساكم ورد ..
مؤخرا كانت في حملة ضد المراهقين والشباب أصحاب التقليعات الفاضحة
يعني على سبيل المثال لا الحصر ؛
المتشبهين بالبنات
وقوم طيحني low waist
وأصحاب السكيني
الخ …
من وجهة نظري هالحملة آتت ثمارها
من ناحية تقليل هالظاهرة السلبية
واللي تحفظ ماء وجوه القلة القليلة المحافظة على الزي والمظهر الوطني
ولكن بالمقابل …
لا توجد حملات لبعض الظواهر الأخرى
أو محاربة لـ … 
الملابس الفاضحة في المولات من قبل السيدات
ولا الحركات الخادشة والمثيرة التي نراها ..
بدون ما أذكر جنسية معينة ..
في جنسية محتكرة ومختصة في لبس العباءة المخصرة
تخصيره مميزة تميزها عن جميع نساء العالم 
وياريت كانت على اللبس وبس ..
لكن أيضا بعض الحركات المقززة واللافته
اللي ما تلفت بس الشباب وانما حتى البنات 
طبعا المولات > شعاراتها كاذبة
عن الحلال والحرام تحط اعلان وتقول سوينا اللي علينا
فليش ما تكون في حملات ضد هالفئة من النساء يا ترى ؟
وسلامتكم ..
ما شا الله عليك عيني عليك باردة
قام الواحد خاطره يشوف الزي الوطني
اختلط الحابل بالنابل ..
المواطن ودر كندورته والمصري والباكستاني قام يلبسها
اللبس السبورتي مافيه شي لكن يوم يطلع عن المألوف
ويكون لبس شاذ اهني المشكلة …
__________________
الشباب خبروني بهالشي وهالقانون الجديد
الله يبارك باللي حط هالقرار
كلما رحنا المولات لقينا عرب لابسين آخر مصخرة ورافعين شعرهم كأنهم عنزة مرعوبة
والسلاسل بالرقبة وآخر قذارة
وبعض المواطنين (للأسف) يقلدون (بعض العرب) اللي هم قلدوا (بعض الأجانب)
عسى يمسكونهم كلهم ويمسكون البويات وينظفون هالدولة من هالأشكال ،،
وأفضل أنهم يعطوهم قرصة أذن عسب مايعيدوا لبس هالملابس وهالتسريحات اللي مثل وجوههم ..
كلامي يشمل عيال البلاد أيضا ،،،، كلما أروح أتسوق ألاقي هالأشكال والتسريحات وأتفاجأ أن بعضهم عيال بلادي (للأسف) من رمستهم
ومثلما قالت أختي صاحبة الموضوع
ياليت القرار يوصل لبنات العرب اللي يلبسون العباية كأنها بدلت فورملا من كثر ماهي ضيقة
فعلا تركت طلعة المول وصرت آخذ الأهل للسوبرماركتات الكبيرة …. عالأقل نتسوق بدون مانشوف موضة طيحني
الله يهدي الجميع
يالله يارب تهدي عيال بلادي اللي يقلدون الغرب
(ردودي جميعها هي رأيي الشخصي ونظرتي في القضايا والمواضيع)
القلم الحر
شـكــ وبارك الله فيك ـــرا لك … لك مني أجمل تحية .
المثل يقول : ان لم تستح فافعل ما شئت ..
وهذي من قلة التربية وعدم مراقبة الاولاد من حيث التصرفات والسلوك
واصدقاء السوء … وما ادراك من هم وما يفعلون
السلام عليكم
شو نوع البنطلون السكيني على قولتكم
انا عندي جنزين مشترنهم من ثمان شهور كانهم مال البتان من عرضهم والبسهم كل يوم
هني الاجانب في امريكا ما يلاحظون شو لابس وشو تسوي
اذا في الامارات لالالالالا رحت فيهاااا بيقطعوني تقطيع
والله صح كلامج ياختي
بصراحه احتقر كل الشباب اللي يلبسون سكيني .. حسبي الله عليهم و عـ اللي يابلهم هالموضه
والله بـ جد شي مقققققققققققققققققققققققرف
انا في حياتي ما ظهرت عند حد والا سرت المولات بـ ملابس سبورت .. دايما اظهر بالكندوره والغتره ( الزي الإماراتي اللي نفتخر فيه )
و احيانا البس الكاب لو كنت عند الشباب
و ملابس السبورت هذه اخليها للبداير احيانا والا الشواطي و الحدايق و الا لما نظهر نشوي و نقنص ..
زايد الله يرحمه ما شفناه الا لابس كندوره .. إن كان في الإمارات والا لـ زياره خارج الإمارات
الله يرحمك يا زايد .. علمتنا كيف نعشق الإمارات و نضحّي عشانها .. و علمتنا كيف نعتز بعاداتنا و تقاليدنا ..