حنه بالستيشن (gx) باليت حد يعرف الحل؟

7 thoughts on “حنه بالستيشن (gx) باليت حد يعرف الحل؟”

1. السلام عليك

   اسباب وايد طرحوها الاخوااان

   بس انا عندي نفس المشكله الي طرحتها

   ولي هي صوت الصفاره وهزت المكينه

   واخر شي طلع من البكره مال المكينه الي يركب عليها السير هي الخربانه

   وبدلتها وراحت كل الاصوات وماتم بها نفظه ولا شي

   واذا عند الدفريشن بنصحك نصيحه ياخوي

   روح الشارجه بتحصل استيشنات هف كت وااارد

   شل الي تباااه منه انا عندي استيشن الشايب

   كان في ونه في الدفريشن كثر مايقلص به

   خذت دفريشن كامل وارد ويركب صح نفس الخليجي ورخيص ونظيف

   وربي يوفقك يارب

2. السلام عليك اخوي ..

   اذا اتضح ان الصوت من الدفريشن ( الكارونه ) .. انصحك لا تبدل الكارونه بس . بدل التيوب كامل ( الدفريشن كله ) .. لانك لو بدلت الكارونه و حتى لو كانت يديده من الوكاله .. الصوت راح تسمعه مره ثانيه ..

   روح الشارقه و خذلك دفريشن ما انفتحت براغيه من قبل و توكل على الله ..

   الفرقيه لو تحسبها مب وايد و يمكن توفر ..

3. واما بخصوص الهزة اذا كنت تعني هزة الموتر وهو واقف

   قبل كل شي اتأكد من ربلات كراسي المكينة انها سليمة وكراسي الجير اذا تأكدت ولقيتها سليمة

   فهنا في اسباب وايد تسبب اهتزاز المكينة

   منها اذا كان عندك وال من الوالات واقف

   من اسباب اهتزاز المكينة اذا كانت المروحة الرئيسية فيها شرخ

   ومنها اذا كان الانجكتر فيه وساخة او كهربة الانجكتر تكون السبب

   ومنها تكون الوايرات اللي تركب في البلكات ساعات يكون واير خربان او مايوصل الكهربة للبلات فتسبب اهتزاز للمكينة

   اخوي ابوهاجر تسلم لي بالنسبه لهالاسباب اللي كتبتها , انا مبدل كراسي القير مع المكينا ومبدل البلاكات مع وايرااتهم ومنظف الانجكترات ومبدل فلتر البترووول
   لكن يبالي اشيك المروحه لان في بدايه تشغيل السياره يطلع صوت بيرنقاات وعقب يخف الصوت يمكن منها .

   وباخذ بنصيحتك وبروح لقراج وبظهر الشفت الخلفي عشان التأكد اذا كانت الحنه من القير ولا الدفريشن .

   Ali-Gاخوي
   
   الموتر عليه 900 ومنزل بس من جدام شويه , ياليت تخبرني كيف التنزيل مع 900 يأثر على الدفريشن ويخربه؟؟

   ما شاء الله عليك عيني عليك باااارده شكلك خبير

   …………………………………..

   زين يا اخواني

   اذا طلعت المشكله من الدفريشن هل اذا بدلت الكارونه بيروح الليك ولا هذا موضوع ثاني؟؟

   ………………………………………….. ………………………………………….. …….

   مشكووورين ما قصرتوا وان شاء الله باجر بسير مصفح , اذا تنصحون بورشه ممتازه الواحد يسيرها بكون لكم من الشاكرين

4. ياخوي الدفريشن لو مخترب ما بيسوي هزه في السيارة و هي واقفه

   شكله عندك مشكلتين مختلفات,, اذا الحنه مثل ما و صفتها و تحس انها ظاهره من ورا ف هو دفريشن و تبديل الكارونه بروحها اكيد انه يكفي ز هو الاستشن بشكل عام اكثر شي يخترب فيه الدفريشن و السبب ال 900 و تنزيله ( هذا سبب من الاسباب )

   اما الهزه و انته واقف احتمال انها تكون من كراسي المكينه

5. 
   وعليكم السلام ورحمة الله وبركاته

   طبعن الحنه اللي نفس صوت الصفير لها عدة اسباب

   انا ياخوي بعطيك حل من الحلول المبدئية اول شي اباك اتسير الكراج وتقولهم ظهرو الشفت الخلفي واباك اتسوق الموتر بالدقمة

   وتسمع شي صوت والا ؟

   اذا الصوت بعده اتأكد ان العلة في الجير

   واذا الصوت راح اتأكد ان العلة في الدفريشن وبهذي الطريقة ان شاءالله تجد الحل

   واما بخصوص الهزة اذا كنت تعني هزة الموتر وهو واقف

   قبل كل شي اتأكد من ربلات كراسي المكينة انها سليمة وكراسي الجير اذا تأكدت ولقيتها سليمة

   فهنا في اسباب وايد تسبب اهتزاز المكينة

   منها اذا كان عندك وال من الوالات واقف

   من اسباب اهتزاز المكينة اذا كانت المروحة الرئيسية فيها شرخ

   ومنها اذا كان الانجكتر فيه وساخة او كهربة الانجكتر تكون السبب

   ومنها تكون الوايرات اللي تركب في البلكات ساعات يكون واير خربان او مايوصل الكهربة للبلات فتسبب اهتزاز للمكينة

   والسموحة

Comments are closed.