السلام علييكم
اليووم من الملل يلست ادور عن حيااة الشعرا ا
فدورت عن ربيع بن ياقوت
فمالقيت شي كامل
ما حصلت غير مقتطفاات
فقلت بشل من هني وهناك
وبسويلكم موضوع
نبذه عنه
ربيع بن ياقوت
الشاعر ربيع بن ياقوت جوهر ولد في عجمان حوالي 1920م ، قال الشعر ولم يبلغ العشرين من عمره ، اشتهر الشاعر بالقصائد الاجتماعية التي تعرّض فيها لمشاكل المجتمع وقضاياه باسلوب تمتزج لذاعة النقد فيه بحلاوة الظرافة ، الأمر الذي جعله مقبولا من المجتمع رغم وضوح مقصاده وبيان مراميه
من قصايده
علموها الرقص و الغنــــــــا _ خرجـــوها البنت فنانــــــــــه
دربوها كيف تتجنـــــــــــى _ تلعب الجمباز شيــطانـــــــــه
وفرو لها العود والفنــــــــا _ وهي مثل الأرض عطشانــــــه
يوم هذا العلم هونــــــــــــا _ اكرها الله العلم واعوانـــــــــه
الولد قاصر من الحنـــــــــا _ ايعين ويخضب ابنانــــــــــــــه
ان بدا بالمشي يتثنـــــــى _ الشعر طايح على امتانــــــــه
هايمٍ بالخمر مدمنـــــــــــا _ نايمٍ والبطل في احضانـــــــه
هوب هذا ريبٍ وظنـــــــــا _ شيٍ يشاهد بالأعيانـــــــــــه
هوب منكم الخطا منـــــــا _ من ولاة الأمر تعبانـــــــــــــه
لي على الزلات نتبنـــــــا _ لا حيا فينا ولا ديانـــــــــــــه
قيس ما للحج نتعنـــــــى _ نطلب المعبود غفرانــــــــــــه
هوب هاجه يا عرب كنــا _ انظروا شيقول قرآنـــــــــــــه
يتمثل لي يبغي الجنـــــا _ يعتبر من اجل رضوانــــــــــــه
يا كبير الفضل و المنّــــا _ يا إله العرش سبحانــــــــــــــه
كم باتعفي نحن عنـــــا _ السفن سمّر وطبعانـــــــــــــــه
إش بلاك تدمع عيونك وتهنف كنك ابنيــــــة
روح خل أهلك يحفظونك إنت وش لك في الهوى وغيه
دوم تبغيهم ايد لعونـك لا تبدل حسنتك سيـــــه
المحبة غيرت لونــك وين تقدر تصبر إشويــــه
يا ولد بعدك يربونــك في الهوى ما تقضي الحيــه
وفوق هذا بعد يبغونـك وإلا أنا كد فرطت ايديــــه
انته يا مدلل يحبونــك لان لك بين الحشا فيـــــه
عينهم تنشاف في عيونك والتدحر والرفس فيـــــه
يالقهر : انته يراشونـك وانت تزعل لو من امغيـــه
ييت تشكي لي يصيحونك والعشق ما ينجهر كيـــه
انت لو مثلي يصفعونك كان باتزبن في لويــــه
أو شراتي مشلع اسنونك كان حاشك طرد موليــــه
طبعا القصايد من موقع والنبذة من موقع
يعني شبه منقوول بس بجهد وتنسيق شخصي
اتمنى الي يدخل يترك كلمه حلوة
والسمووحة
السلام عليكم …اشكرك اخوي ..و خ لنا نحافظ عالحوار انه يكون راقي
الشعراء لي انته ذكرتهم نعم معروفين و لهم بصمة شعرية على الشعر الاماراتي … و لكن هم فقط على المستوى المحلي و اشعارهم جميلة و لكن لا تنافس شعراء الخليج الاقوياء من البحرين و السعودية و قطر.
طبعا هذا ليس انتقاص من بلادنا لانه هذا في النهاية شعر لا اكثر و لا اقل ….بس نحن خلنا ناخذ على مستوى الخليج مثلا من لا يعرف الشاعر البحريني عبدالرحمن رفيع او الشاعر الكويتي فهد العسكر او شعراء السعودية طبعا على راسهم دايم السيف.
.
..مافي داعي ناخذ الموضوع بحساسية ..في النهاية هذا راي و لي حرية التعبير عن رايي .
و لي يعارضني ..حياه الله …يعطيني قصيدة انتشرت في الخليج او شاعر اماراتي انتشرت قصائده و رددها الناس خارج الامارات …اكرر و اقول انا اتكلم عن انتشار اشعار اماراتية خارج الامارات.
رولكس
اهداء ل فاضي
روح وراحت روحى
روّح وراحت روحـي
تتبـع موطـا ثــراه
تسال عنـه وتنوحـي
محـد جاب اخـبره
ريم الغيد السروحـي
مـقّـره و مـصـدره
فوق الوج الصبوحي
يـا ربــي مخـيـره
له مبسـم منصوحـي
درّ صافـي احـجـره
من شاهـده مربـوحـي
واصحي يـوم انظـره
والخد يـوم ايلوحـي
اتـجـدي ع اسـفـره
كل العطر له ايفوحـي
مـن تربـة منـحـره
وين الخـل المزوحـي
ابجـي يـوم اذكــره
راعي العشق مفضوحي
والمخفـي يظـهـره
روّح او راحت روحـي
تتبـع موطـا ثــراه
مشكووور على المرروور
__________________
ياخوي شي وايد شعرا
وين سار راشد الخضر وعلي بن رحمة الشامسي والمايدي بن ظاهر واحمد بن سلطان ووايدين غيرهم
طبعا انا اتكلم عن الجيل الذهبي
بس بعد فجيلنا هذا اتحصل شعرا ممتازين
موفق بإذن الله … لك مني أجمل تحية .
__________________
مشكووور على الطله
__________________