السلام علييكم
اليووم من الملل يلست ادور عن حيااة الشعرا ا
فدورت عن ربيع بن ياقوت
فمالقيت شي كامل
ما حصلت غير مقتطفاات
فقلت بشل من هني وهناك
وبسويلكم موضوع
نبذه عنه
ربيع بن ياقوت
الشاعر ربيع بن ياقوت جوهر ولد في عجمان حوالي 1920م ، قال الشعر ولم يبلغ العشرين من عمره ، اشتهر الشاعر بالقصائد الاجتماعية التي تعرّض فيها لمشاكل المجتمع وقضاياه باسلوب تمتزج لذاعة النقد فيه بحلاوة الظرافة ، الأمر الذي جعله مقبولا من المجتمع رغم وضوح مقصاده وبيان مراميه
من قصايده
علموها الرقص و الغنــــــــا _ خرجـــوها البنت فنانــــــــــه
دربوها كيف تتجنـــــــــــى _ تلعب الجمباز شيــطانـــــــــه
وفرو لها العود والفنــــــــا _ وهي مثل الأرض عطشانــــــه
يوم هذا العلم هونــــــــــــا _ اكرها الله العلم واعوانـــــــــه
الولد قاصر من الحنـــــــــا _ ايعين ويخضب ابنانــــــــــــــه
ان بدا بالمشي يتثنـــــــى _ الشعر طايح على امتانــــــــه
هايمٍ بالخمر مدمنـــــــــــا _ نايمٍ والبطل في احضانـــــــه
هوب هذا ريبٍ وظنـــــــــا _ شيٍ يشاهد بالأعيانـــــــــــه
هوب منكم الخطا منـــــــا _ من ولاة الأمر تعبانـــــــــــــه
لي على الزلات نتبنـــــــا _ لا حيا فينا ولا ديانـــــــــــــه
قيس ما للحج نتعنـــــــى _ نطلب المعبود غفرانــــــــــــه
هوب هاجه يا عرب كنــا _ انظروا شيقول قرآنـــــــــــــه
يتمثل لي يبغي الجنـــــا _ يعتبر من اجل رضوانــــــــــــه
يا كبير الفضل و المنّــــا _ يا إله العرش سبحانــــــــــــــه
كم باتعفي نحن عنـــــا _ السفن سمّر وطبعانـــــــــــــــه
إش بلاك تدمع عيونك وتهنف كنك ابنيــــــة
روح خل أهلك يحفظونك إنت وش لك في الهوى وغيه
دوم تبغيهم ايد لعونـك لا تبدل حسنتك سيـــــه
المحبة غيرت لونــك وين تقدر تصبر إشويــــه
يا ولد بعدك يربونــك في الهوى ما تقضي الحيــه
وفوق هذا بعد يبغونـك وإلا أنا كد فرطت ايديــــه
انته يا مدلل يحبونــك لان لك بين الحشا فيـــــه
عينهم تنشاف في عيونك والتدحر والرفس فيـــــه
يالقهر : انته يراشونـك وانت تزعل لو من امغيـــه
ييت تشكي لي يصيحونك والعشق ما ينجهر كيـــه
انت لو مثلي يصفعونك كان باتزبن في لويــــه
أو شراتي مشلع اسنونك كان حاشك طرد موليــــه
طبعا القصايد من موقع والنبذة من موقع
يعني شبه منقوول بس بجهد وتنسيق شخصي
اتمنى الي يدخل يترك كلمه حلوة
والسمووحة
خخخخخخخخخخخخخخخخخخخ
والله هلكت من الضحك
وعن ولد ربيع تراه يغني واسمه عبدالله
السموحة خذت راحتي
روحي خذت صفحة كاملة ههههه
تدرون فاضي
اشكرك اشكرك ع الاهداء
حبيتك تصدق ههههه
كملت 22 سنة محد اهداني قصيدة غير الحب خالد و حبي خالد لان فيها اسمي بس هههههه عقب 3 اسابيع بكمل 23 الحمدلله اني حصلت اهداء غير الحب خالد عن فادي قبل ما اكمل 23 هههههههه
من حوالي سنتين و ما يهدوني غير الحب خالد و حبي خالد ههههههه يعني لو ما فيها اسمي جان انا لين اليوم يحليلي بدون اهداء ههههه يزاه الله خير راشد الماجد ف ميزان حسناته ان شاء الله ههههه رفع معنوياتي شوي هههههه
شي قصيدة لربيّع بن ياقوت غناها ولده
اظن ولده ما ادري صدق عنده ولد يغني ولا ولد خالي يقص علي ههههه قمت ما اثق فيه مره سمعني حربي اول ما طلع كان يغني اغاني جديمة قالي هذا ولد راشد الخضر انا ف البداية ما يا ع بالي ان يقص علي يحليلي ع نياتي ههههه شوي جان اقوله لحظة لحظة راشد الخضر الله يرحمه ما عرّس تقص علي ههههه قالي سمعت انك مصطل و تنسى وايد قلت بتأكد ههههه
المهم بداية القصيدة
اذكروهم و ادمعت عيني
قالوا وش بك قلت طرواهم
شـ لكم بطروا مضانيني
من فيكم حد يسواهم
هاي من قصايده اليديدة اظن
اسمعها زوينة القصيدة
اخوية رولكس
اكثر الشعار السعوديين تحس بغياب القافية في قصيدهم كأنهم يقتربون من الخاطرة اكثر
طبعا ما ننكر وجود الشعار الكبار و بصراحة بالنسبة لي الامير خالد الفيصل الافضل و كذلك شهد له محمد عبده و له ردود كثيرة ويا بوراشد الله يحفظه
اخوي انت ما عليك القصيدة تنتشر ف الخليج ولا لأ
انت عليك من ذوقك
اسأل وايدين من محبين الشعر الشعبي و من مجنونين الشعر و يمكن من الشعّار الخليجيين او حتى نقّاد الشعر النبطي نفسهم عن شعّار الفصحى بتشوف انهم ما يعرفونهم و هل فينا من يقدر ينكر تفوق شعر الفصحى على النبط بقدر لا يقدّر
بتحصل وايدين منهم ما يعرفون ابو فراس الحمداني و بعض من الشعّار اللي سمعتهم مثل ابوفراس ولا اقل و غيره
اذا بيعرفون تلقاهم يعرفون المتنبي و اصحاب المعلقات و كم شاعر من الشعّار المعروفين و كم قصيدة من قصايدهم بس
هل هذا معناه ان الشعر النبطي احسن من الفصحى ؟!!
و اذا بنتكلم عن البحرين منو عندنا ف البحرين غير عبدالرحمن رفيع ؟!!
حبوب اللهجة وايد اتأثر و اللهجة السعودية و القطرية قريبة للبدوية المنتشرة ف الخليج و الاردن عشان جذي تشوفها دارجة وايد ف الخليج اكثر من الاماراتية
انا شخصيا ً اعرف ناس من اهل قطر و من اهل السعودية من محبين شعّار الجيل الذهبي الاماراتي و لكن تصعب عليهم اللهجة شوي خاصة اخوانا من السعودية
شعّار الجيل الذهبي اشتهروا بالسهل الممتنع و هذا احب الاشعار لي و لكثير من متذوقين الشعر و النقّاد
يكفيني فخر ان ماشي شعّار ف الخليج شعّار بر و بحر الا شعّار الامارات و هاي ذكرها بدر صفوق في برنامج شاعر المليون
اذا انت من محبين شعر اهل البحر بتعرف ان مالك الا الشعر الاماراتي
كل انسان و حسب ميوله و انا احب شعر اهل البحر صح ان ما يخصني ف البحر هههه بس خلاص هالشي ف دمي و احب اسمع الشعر و التشبيهات القريبة لحياة اهل البحر لان اجدادي اهل بحر
عندك الشيخ عبدالرحمن آل مبارك الله يرحمه اللي قال
كم عنيت و ييت متوله مقصدي يا شيخ روياكم
من شيوخ بني تميم انولد ف السعودية و يا الامارات و عمره حوالي 20 سنة يعني صعب يقصد بغير لهجته و لكنه اتقن اللهجة و قصد بلهجتنا و كان بيته ف ام سقيم
يوم تسمع الدكتور مانع يقول
امشي على الاسياف طوّاش
لجلك و انافس للطواويش
نوعك تميّز نقوة قماش
حصباه ما يتها المناقيش
يا سلام شو هالابداع شو هالتشبيه
ولا يوم يقولك
ف الغبيب اسان و ازلّي
خاطف بالجيب سمّاري
جود ياتي الحظ و اتهلّي
دانة لها يغدي طاري
حزّت الضربات ما ظلّي
بين يوش و دامن اياري
لين يلزم محملي يلّي
نوّه البندار سنياري
ولا عبدالله بن ذيبان يقول
دنيا انصفت لي ساعة من دهرها
ولّم شراعي في علو القبايب
في ميلس الكسير يمخر بحرها
ماهو بمد الجاه ولا العوايب
لي حزت الضربة و شدّت خطرها
و تطلاطمت الامواج وقت المصايب
سردال سنيار تولى امرها
امير القوم ما رد خايب
يمشي لها بتعلاه ينوي كسرها
يامر عليها حاضرة بالوجايب > يمكن اكون كسرت ولا غيّرت مكان العجز لاني ما اذكر القصيدة بالظبط
ولا الخضر يوم يقول
فلك قلبي شاحن اغرامي
سيه برده في بحر حبكم
ارمي صبري عنكم الرامي
ما رمى شي من غرامي بكم
ولا قصيدة بو راشد الله يحفظه يا نوخذة كلها ابداع والله اي بيت اذكر و اخلي اي بيت
و اذا تبا ف البر شوف الصورة الحلوة اللي رسمها لنا علي بن رحمه الشامسي الله يرحمه
احب البر و آشد الرحايل
و ادور قلب ضايع ف البوادي
و اشيّد خيمتي و الدمع سايل
و انوح بصوت و ازقر بالحوادي
و احمس البن ما بين المقايل
غريم الشوق و الورقا تنادي
و اسلي خاطري بأحلى المثايل
من الليعات و اصفق بالايادي
زرعت الحب في ارض المحايل
و قمت اسقيه من لولب فؤادي
لقيت الارض ما فيها صمايل
هشيم و زرعها مثل الرمادي
يا خوي اذا ما اقتنعت بكل هالكلمات تبقى مسألة ذوق
و يمكن انا اشوف هالكلمات كبيرة لانها لهجتي
انا قريت لشعّار سعوديين و قطريين و عمانيين و شفت ان لهجتنا بعيدة عنهم و يمكن هذا من اسباب بعد قصيدنا عنهم
لاحظ حتى ان شعّارهم ما جرّبوا يقرون لنا ما يعرفون التغرودة ولا اللي شرات قصيدة بن عتيج الله يرحمه نسيت نوع هالقصيد اللي فيه ثلاث قوافي للبيت الواحد
صاح بزقر المنادي بخطوفه يوم السفن بتشل
و السموحة حبوب تبقى مسألة ذوق و النقاد الكبار يعرفون قدر الشعر الاماراتي ف الساحة امثال الدكتور غسان و بدر صفوق
للاسف ماعندي رد على كلامك
^_____^