حيــــاتك غير !

258 thoughts on “حيــــاتك غير !”

1. 

   حبيت أصبح عليكم وأعزمكم على كابتشيــنو ،،

   وطبعا اكتب أخر تعليق على التمرين الثاني ،، ومن بعدها ان شاء الله ندخل في التمرين الثالث والأخير للتعرف على الذات ،،

   طبعا من خلال النتائج ” ما ادري اذا مر عليكم هالتمرين من قبل أو لا ” لكن تبين لنا نسبة استخدامنا لحواسنا سواء كان البصر او السمع او الاحســاس ” انا احب اسميه الفؤاد مثل ماذكر في الاية الكريمة “

   لاحظت ايضا من خلال نتائجكم ونتائج الناس اللي سويت عليهم هالاختبــار ان الرجال بشكل عام يعتبرون بصريين من الدرجة الأولى ، أمــا النســاء فيميلون إلى الحسيين اكثر و يمكن هذا هو سبب تغليب العاطفة عند النســاء بشكل كبير ،،

   ما ســألتوا نفسكم شو أضاف هالتمرين لمدى معرفتي بذاتي ؟

   أو بلغة عامية اكثر ،، شووو فااايدة هالتمرييين !!؟

   أولا أعرف اذا بحمس نفسي لعمل مــا أو عندي هدف مــا فأنا اكتبه لاني أنا بصرية ! عندي اكثر من 7 دفاتر بخصوص هالموضوع كلللهم فيهم خطط وامور وانجازات من يوم ما كنت في الجامعة إلى يومكم هذا ،،

   وعشــان انا بصرية علقت وايد اشياء على جدران مكتبي !! وسويت لي كورنر خاص فيني سميته ” كولاج الانجازات ” احط فيه اي شي ممكن يحفزني بشكل فني ” لان عيني اتحب اتشوف الاشياء اللي فيها لمسات فنية ”

   ولأني انا حسية ايضـــا ابتعدت عن اي امر ممكن يحزني ! وقررت قرااار كبير في حيــاتي اني اكون سعيدة لين ألقى الله عزوجل ! نعم السعادة تنبع من داخلنــا نحن وهالشي قررته اني أكون انــا مصدر سعادة نفسي ولغيري مب غيري او اي امر مــادي ! وحطيت خطط حق السعادة الذاتية الحمدلله ،،،

   طبعا انا انســانة ما احب وايد استمع للناس ! او ممكن اول 10 دقايق اكون بيرفكت ! وبعدين يسرح فكري وهذا امر احاول اطور فيه نفسي في هالجــانب ،، المعاناة القوية اللي اعانيها هي يوم اكون في اجتمــاع وان اللي يتكلم دمه ثجيييل ومافي تجديد في اسلوبه ! ساعتها اكون راقدة بعيون مفتوحة

   الانســان الحسي من صفاته ايضـا حب الحركة والأنشطة والملل السريع ،، عشان هالشي اذا بنجز اي شي بنجزه بأسلوب جديد وابتكاري عشــان ما أمل وانا اعمل ! ما تتخيلون شقد ساعدني فهمي لذاتي اني اوصل لأهدافي بسرعة كبيرة ،،

   وهالشي اللي اتمنـــاه لكل شخص دش هالصفحات ،،

   الواجب هو : كل واحد يقعد مع نفسه ويكتب أهدافه اولية لنفسه ولو انه يكون ليوم واحد بس على اسـاس معرفته لذاته ،،

   جربــوا الطريقة وبتشكروني وايد

   اتمنى لكم يــوم سعيد مليء بالطاعات ولا تنسون تقرون سورة الكهف

   اختكم ســارية

2. سجلي اسمي أنا بعد

3. انا اسمي موجود ؟

   سجلي اسمي ولا عليج أمر

4. دام انها مجانيه فسجلي اسمي معاكم اختي .. بس المهم البوفيه والا مافي بوفيه؟

   بالتوفيق اختي .. ومقدرين المجهود مقدما .. وان شاء الله الكل يستفيد … والله يعطيج الصحه والعافيه …

   متفيق مضارب و الله ناس عقلهم فبطنهم ههههههههههههه
   صّــه و خلك شنطور و مؤدب و لا بخبر عليك أبلة ساريـه

   

5. دام انها مجانيه فسجلي اسمي معاكم اختي .. بس المهم البوفيه والا مافي بوفيه؟

   بالتوفيق اختي .. ومقدرين المجهود مقدما .. وان شاء الله الكل يستفيد … والله يعطيج الصحه والعافيه …

Comments are closed.