خاص جدا : وقائع و تفاصيل مقابلتي مع مدير كلية ….. للطالبات
——————————————————————————–
السلام عليكم ورحمة الله و بركاتة ارسل لكم ملخص مقابلتي مع مدير كلية ………. للطالبات حتى تصل الى الكثير ممن قد تخفى عليهم الامور ..وجميع الطلبة اولياء امور الطلبة …
والله يشهد اني لم ازد فيه ولا حرف وانما نقصت فيها اشياء استحي من ذكرها
ملخص مقابلتي مع مدير كلية التقنية ….
الموعد الاول :
تحدد موعدي الاول بعد عناء ونا راجع من دوامي سويت حادث والله يحفظك .. من كل شر … تخيل اتصلت في واحد من الادارة و شرحت له السبب قالي خلاص راح عليك الموعد ومستحيل نقدر نعمل موعد مره ثانية. عنبوة شو هالناس ما تقدر تقول مقابل ماعرف منوة … عنبوة محد يقدر ولا شي .. ولا حتى حمد الله على السلامة …
الموعد الثاني :
بعد عناء تحدد موعدي الثاني بفضل جهود إدارية مواطنة كثر الله خيرها … المهم باقي عن الموعد يوم ونا خايف ماعرف ليش لانه في الموعد الاول سويت حادث ما عذروني ..ويعني لو تاخرت اكيد اعدام المهم سرت ومن الخوف اتصبب من العرق ماعرف ليش … دخلت من مكتب لمكتب و نا خايف ونا شال لابتوبي ..مجهز البروبوزل اللي سهران علية من من كم يوم .. المهم اول ما دخلت جلست في نص خمسة إداريين ومعلمين .. و سالني المدير الانجليزي طبعا بالانجليزي و نا بترجم لكم J
المدير : شو عندك ..
انا : عرفت باسمي و باسم شركتي واني من مشاريع الشباب و تميت اشرح حليلي و اراوية الصور و اقول عن المشاريع الخيرية و الاشياء اللي سويناها وهو بو لابس ,,, ماعرف وين يطالع ..
المدير : تدري انه قبل ياني واحد يبا يقدم و سويت له كيك ( يعني رفسته ) و سالته ليش ضحك وقال باستهزاء ماعرف ؟
انا : انا اسعاري مناسبة و مستعد اقدم اسعار مناسبة و عروض ترويجية و هدايا مجانية للطلبة .
المدير : هل تعلم انه الاكل لازم يكون صحي .
انا : نعم اعرف .
المدير : وكيف اكلك وكيف تثبت انا الاكل صحي
انا : الاكل يحضر إمام أعين الطلبة ونحنا نستخدم أجود أنواع الزيوت و المواد الخام و نغيرها يوميا و ايضا نستخدم الملاعق و الاكواب ذات الاستعمال الصحي لمرة واحدة .
المدير : تغير وجهه وقال لي انك تلوث البيئة وان المواد البلاستيكية تلوث البيئة و حسسني باني من ثقب الاوزون
بعدها هل تتوقعون كم طلب ايجار … اقسم بالله والله ما اقول شهيد … طلب ايجار مثل ايجار امارات مول و قالها بالحرف الواحد كم تدفع ايجار في مول الامارات ادفع لي نفس المبلغ .. و رديت علية بس امارات مول يفتح طول الاسبوع و من 10 لين 10 و الكلية تغلق جمعه و سبت و دوامها اقل من المول .و امارات مول تجاري بحت والمشروع فيها للربح عكس الكلية المطعم فيها كخدمة اولا و أخيرا
وفي النهاية ارسلني الى غرفة صغيرة بعيدة و قال سوف نعطيك فترة شهر للتجربة و تدفع ايجار و بعدها لو لم نتفق تترك المعدات هنا و تطلع ( يعني كل الثلاجات والمعدات اللي يبتهم يبا ياخذهم )
. واهم شي لم يسالني عن الاسعار و الخدمة نهائيا وهذا دليل على انه موضوع الاسعار ما يهمة .. غالي او رخيص … ما تفرق معاه ..
و في الاخير ….راجعت بعد شهر و قيل لي انه طلبي مرفوض
الريال لو قلت له للأدارة الاكل مجاناً بينقبل طلبك ويا عزيزي المتابعة في الدوائر الرسمية غير السوق
ارباب
حط لك مدير عام بالانابه عنك ويكوووووووووون اجنبي والا هندي وانته والخير ارباعه
ما يثقون بالمواطن نهائيا وهم اوصخ شعب
حسبي الله عليه !!
دام هاييل ورانا وين بنشوف الخير ؟! مسوي عمره رئيس جمهورية و المواعيد عنده بطلوع الروح !! يا عمي روووووووووووووووووح >_< !!!
و رايي من راي أخوية متعني و متصرف ، ترا المدير “المحترم” أكيد كان لكلامه مغزى ثاني غير اللي انته فهمته .. و كان له هدف ثاني من الرمسة اللي قالها و الاسلوب الغبي اللي كان يرمس به .. كل اللي صار في المقابلة يبين انه ما يبا يتعامل وياك و يبا يطفشك .. و الله العالم شو الهدف من هالتفكير الـ ……… !!!
أسميني مقهورة !!!!!!!!!!!!!!!!! ……
إسمحلي أخوي، إنته ما تعرف من أين تأُكل الكتف مثل ما يقولون.
المفروض توضف مدير تسويق (أو حتى تستأجره). مهمة الشخص هذا إنه يتقرب من الزباين (اللي هم الؤجرين في هالحاله). لأن الشخص اللي قابلته واضح من إسلوبه إن غرضه شي ثاني (إنته ما فهمته).
يعني بالمختصر المفيد يبغي يطفشك .. اكيد ما بيوافق حتى لو كانت عندك شهادة iso9001 للجودة وحتى لو كنت تستعمل اعلى معايير النظافة العالمية … وحتى لو دفعت ايجار شهري غالي مثل المراكز التجارية الكبيرة .. في النهاية المغزى واحد والرساله وحدة … لا تفتح عندنا ولا ترانا بنصادر كل شي عندك …انا اقووولك اغسل ايدك منهم وسوى حملة تثقيفية تنبة الطلاب لعدم الشراء من مقصف الكلية لان يعتبر استغلال لجيوبهم …