السلام عليكم
شحالكم يالربع عساكم بخير
يا أخوان عندي مشكله وحاله مستعصيه
أبا أنطق جمله بالانجليزي صح ومب عارف كيف
حد يعرف أو سامع عن مكان يعلمون فيه الأنلجيزي فالعين
فيدونا
فيدونا بارك الله فيكم
حد منهم يقولون معاهد مادريبهن إذا منهن فايده
قلت بتخبركم .. هل وعسى أني القى حل ؟
أنا أنصحك تشتري قصص على حسب المستوى اللي تحس انك تفهم له حتى لو كانت قصص أطفال لأن مصطلحات اللغة تكون فيها بسيطة وبعدين اقرا الأصعب فالأصعب لكن حاول تشتري القصص اللي تكون مشوقة أو دور على مواقع في الانترنت تعرض فيها قصص قصيرة واقراها والله يوفقك
أخويه..
أفتح اليوم جريدة الوسيط أو الأعلانية..
يا مكثرهن الدعايات عن المعاهد….
كلية التقنية تسوي دورات..سير قدم فيها أمتحان تحديد المستوى ….وبيحددون أي ليفل أنت عسب تدخل الدورة..والرسوم ب1000درهم..
والله ييسر لك…
عاده أتحمل..عقب ما تاخذ الدورة..
ما تشارك بالمواضيع المنتدى بالأنجليزي…!!!!
اخوي .. تقدر تستعين بناس بنفس مستوى لغتك .. يعني في المعهد بتلاقي ناس يبون يتعلمون وانت تعطيهم مصطلحات وهم يعطونك بنفس الوقت
اما بخصوص الافلام .. فانا عن نفسي افضل لو تلاقي فلم اجنبي وترجمته بعد انجليزي .. لان النطق يكون غير عن الكتابه .. فراح تستفيد وااااااايد ومدارس اللغه تسوي هالطريقه …
لو تسجل فكلية التقنية … 100% بتتعلم …
خذلك اجازة شهرين و سافر بريطانيا و درس في مدرسة لتعليم الانجليزي 100% بتستفيد
طبعا اسكن مع عائلة بريطانية.
و بالتوفيق ان شاء الله
التكاليف مب أكثر من 25 ألف درهم
لا تقول مستحيل لأنه واحد من ربعي في الدوام سوا هالحركة و سبحان الله هو بعد من العين