فعلا خاطري يهديني هدية وتكون قلادة بهذي الشكل
أحط ضورته وآنا معاه ,,
تعرفون منهو بوسنيدة ؟!
ولدي الوحيد وما وراه ولا جدامه لا بنت ولا ولد وعمره 15 سنة ,,
أتمنى يهديني هدية بسيطة ,,, ورخيصة ولو كانت بعشر دراهم ,,,ومن غير ما أقوله ,, يعني من شيمته
وألبسها على طول وما أشيلها ,,,
ياشباب ويا بنات عرفتوا شعور الام ؟
عرفتوا ان كل شي من العيال حلو ولو كان بسيط
عرفتوا ان كل شي من العيال حلو ولو كان بسيط
وتسوى كل الهدايا الي ولو كانت غالية
وآنا عن نفسي أكره شي عندي ان احد يهديني لكن من ولدي غييييير
هذي دعوة لكل ولد وبنت وشاب وشابة تذكروا امهاتكم ولو بشي بسيط يحبونه واذا الوالدة مب موجودة ممكن تجبر خاطر اختك أو اي حد تحس امك بتفرح لو كانت عايشة
واذا بوسنيدة تذكرني بهدية بقولكم وبنزل صورتها *_^
.
.
.
الله يحفظج له وانتي روحج هدية بالنسباله، والواحد يحتار كيف ياخذ هدية لهدية
الله يكثر من امثالك أخوي راعي fj ويبرونك عيالك
اختي أسيره الهم
ذكرتيني بالوالده ودوم اقولها لأخواني بالمنتدى لعلها تنبش بعض الشعور المتلد في اجساد بعض الأبناء والبنات الذين
تناسوا أجر الأم والأب ولو بأتصال ,,,,
اقول البعض ,,,,
اختي لعل ابنك وصغر عمره يشفع له ذلك , اللهم ارجعه وحنن قلبه واشرح قلبه لك لدنياك دنيا الرحمه والحب والبسمه,,,,
الوالدين مايبون إلآ سلامة ابنائهم ولكن ا‘عتقد ان الأبناء لايشعرون ,,,,,
الله يجعله من الذريه الصالحه الناجحه الذي لاهم له إلآ ارضئك والبحث عن سعادتك ,,,,,,,,,
المهم ارجع إلى الهديه كانت تقول الله يرحمها ,واموات المسلمين الله آمين ,,,
انا غنيه وأحب الهديه ,,,,
نعم والله ماهي محتاجه ولكن أثر الهديه خاصه للأم سعاده لايعلمها إلآ الله ,,,,,,,,,,
والآن في هذا اليوم المبارك من شعبان الرابع عشر من الأيام البيض كل واحد عنده ام أو اب او كلاهما ,,,
يشتري هديه ويدخل على ست الحبايب والأب الرحيم ويقدم هديه وحتى ان كانوا مسافرين الله يردهم بالسلامه يتصل بهم
ولاينتظر هديتهم ! اشتر هديه لوقت وصولهم ,,,,,
شكرا على هذه اللفته من قلب الأم الحنون
الحمدلله
انا اذا عيبني شي لازم اييب
ملبوس العافية ع الوالدة ,, ويخليها لج ,,, وتعيشين ويهدونج عيالج ,,,
أسعدني مرورج العطر