فعلا خاطري يهديني هدية وتكون قلادة بهذي الشكل
أحط ضورته وآنا معاه ,,

تعرفون منهو بوسنيدة ؟!

ولدي الوحيد وما وراه ولا جدامه لا بنت ولا ولد وعمره 15 سنة ,,
أتمنى يهديني هدية بسيطة ,,, ورخيصة ولو كانت بعشر دراهم ,,,ومن غير ما أقوله ,, يعني من شيمته

وألبسها على طول وما أشيلها ,,,
ياشباب ويا بنات عرفتوا شعور الام ؟
عرفتوا ان كل شي من العيال حلو ولو كان بسيط

وتسوى كل الهدايا الي ولو كانت غالية

وآنا عن نفسي أكره شي عندي ان احد يهديني لكن من ولدي غييييير
هذي دعوة لكل ولد وبنت وشاب وشابة تذكروا امهاتكم ولو بشي بسيط يحبونه واذا الوالدة مب موجودة ممكن تجبر خاطر اختك أو اي حد تحس امك بتفرح لو كانت عايشة
واذا بوسنيدة تذكرني بهدية بقولكم وبنزل صورتها *_^

36 thoughts on “خاطري بهدية من بوسنيدة !”

  1. .

    .

    .

    اسيرة الهم

    تسمحيلي بهذي المداخلة !!!

    الأم الذكية هي اللي تفرض حضورها و شخصيتها و تخلي اولادها يهتموا فيها

    و اضرب مثال في والدتي العزيزة

    طبعاً أمي اصغر اخوانها واخواتها من الأب والأم، ولكن عندها اخت اصغر عنها من الأب

    خالاتي يقولون

    ولا عمرنا شفنا أبونا ( اللي هو يدّي ) يبكي في حياته يوم

    إلا اليوم اللي تزوجت فيه أمي و اطلعت من البيت

    كانت هي أم أبوها

    تقول امي وهي تحكي لنا عن علاقتها بأبوها

    طبعا أمها توفت و هي صغيرة، عمرها يمكن اقل من سنتين

    تقول

    انها كانت تفرك ريوله بالزيت لين ينام

    وكانت مرات من التعب تنام عند ريوله واذا حس انها نامت يتحمحم عسب تكمل التدليك

    وكانت اتسوي هالشي من خاطرها

    تقول ان ابوها كان عصبي وايد

    و يوم كان يضربها كانت تبوس ايده و تقوله تكفى سامحني يابوي وماينام عنها إلا و هو راضي

    هالجبل القوي انهار يوم بنته تزوجت

    والحين

    هنيالها برضى أبوها عنها

    كل عيالها يموتون فيها و يحبون التراب اللي تمشي عليه

    وانا منهم

    لو تروح روحي فداها و كل دمي يقطر لجلها قطرة قطرة، مابوفيها ولو نظرة حب من نظراتها اللي تشوفنا فيها

    الله يحفظها ويردها لنا بالسلامة

  3. .

    .

    .

    الله يحفظج له وانتي روحج هدية بالنسباله، والواحد يحتار كيف ياخذ هدية لهدية

    توني اشعر بهذي الجملة ( كلمات تمس القلب او لامست شغاف القلب )
    وكلماتك كلها طيبة وصدق وذوق ومب غريبة هالكلمات من انسان مميز
    مثلك وشرواك

  4. اختي أسيره الهم

    ذكرتيني بالوالده ودوم اقولها لأخواني بالمنتدى لعلها تنبش بعض الشعور المتلد في اجساد بعض الأبناء والبنات الذين

    تناسوا أجر الأم والأب ولو بأتصال ,,,,

    اقول البعض ,,,,

    اختي لعل ابنك وصغر عمره يشفع له ذلك , اللهم ارجعه وحنن قلبه واشرح قلبه لك لدنياك دنيا الرحمه والحب والبسمه,,,,

    الوالدين مايبون إلآ سلامة ابنائهم ولكن ا‘عتقد ان الأبناء لايشعرون ,,,,,

    الله يجعله من الذريه الصالحه الناجحه الذي لاهم له إلآ ارضئك والبحث عن سعادتك ,,,,,,,,,

    المهم ارجع إلى الهديه كانت تقول الله يرحمها ,واموات المسلمين الله آمين ,,,

    انا غنيه وأحب الهديه ,,,,

    نعم والله ماهي محتاجه ولكن أثر الهديه خاصه للأم سعاده لايعلمها إلآ الله ,,,,,,,,,,

    والآن في هذا اليوم المبارك من شعبان الرابع عشر من الأيام البيض كل واحد عنده ام أو اب او كلاهما ,,,

    يشتري هديه ويدخل على ست الحبايب والأب الرحيم ويقدم هديه وحتى ان كانوا مسافرين الله يردهم بالسلامه يتصل بهم

    ولاينتظر هديتهم ! اشتر هديه لوقت وصولهم ,,,,,

    شكرا على هذه اللفته من قلب الأم الحنون

    أخوي حمد كفيت ووفيت وتناولت الموضوع من عدة جوانب والله يرحم الوالدة ويجمعكم معاها جنات الفردوس
    ومثل ما ذكرت الام ما تبي الا سلامة عيالها واحنا عشانهم نتمنى الهداية من رب العالمين ونطلب الصلاح حتى نكون قدوة صالحة لهم ويقتدون فينا
    لكن الهدية منهم تسوى الدنيا وما فيها لانهم تذكرونا وكنا في بالهم
    وانا صحيح لين اسافر لازم اول وحدة اتذكرها هي امي ويضيق صدري لو مالقيت لها شي لكن لما اهديها شي من غير ما اكون مسافرة تفرحها وااايد

Comments are closed.