فعلا خاطري يهديني هدية وتكون قلادة بهذي الشكل
أحط ضورته وآنا معاه ,,
تعرفون منهو بوسنيدة ؟!
ولدي الوحيد وما وراه ولا جدامه لا بنت ولا ولد وعمره 15 سنة ,,
أتمنى يهديني هدية بسيطة ,,, ورخيصة ولو كانت بعشر دراهم ,,,ومن غير ما أقوله ,, يعني من شيمته
وألبسها على طول وما أشيلها ,,,
ياشباب ويا بنات عرفتوا شعور الام ؟
عرفتوا ان كل شي من العيال حلو ولو كان بسيط
عرفتوا ان كل شي من العيال حلو ولو كان بسيط
وتسوى كل الهدايا الي ولو كانت غالية
وآنا عن نفسي أكره شي عندي ان احد يهديني لكن من ولدي غييييير
هذي دعوة لكل ولد وبنت وشاب وشابة تذكروا امهاتكم ولو بشي بسيط يحبونه واذا الوالدة مب موجودة ممكن تجبر خاطر اختك أو اي حد تحس امك بتفرح لو كانت عايشة
واذا بوسنيدة تذكرني بهدية بقولكم وبنزل صورتها *_^
ام مهرة اشفيكم علي والله قلبي ما يتحمل هالسوالف ,, والله لا يحوج الوالدة لطبيب ويشفيها ويبعد عنها كل شر
وما شاء الله ع الوالدة عندها افكااار حلوة ومفاجآت وعجبني موقفها مع عيد الام واسلوبها حلو وجذاب
والله يثبتها ويحفظها مثل ما حفظت كتابه
.
.
.
الله يرحم يدي و أموات المسلمين كذلك
مات قبل 25 سنة تقريباً، الوالدة كان عمرها 29 سنة وانا كان عمري 7 سنوات تقريبا
صابه العمى في آخر حياته و كانت امي تداريه
اذكر يوم كنا صغار، ماكان يحب احد يلمس اغراضه وكان يحس فينا بالرغم من انه مايشوف
والوالدة كانت تعصب علينا و تضربنا لو ضايقنا ابوها
كانت تنتقم منا شر انتقام ههههههها
و يوم مات يدي !!!
الوالدة وايد اتعبت و للحين يوم تتذكره تدمع عيونها
تقول انه كان بالنسبالها الأب والأم
لأنها ماشافت أمها
وكان يحبها كثير
وانا احبها بعد
اول مرة احس ان امى اقرب لى من انفاسى قلبى عليها يوم الممرضة تنغز بساعدها تدور الوريد حتى تحط ابرة المحلول والله احسها بتنغزها فى روحى تقولى مالك يابنتى انا مش عارفة الابرة فيك ولا فيها
انا تعودت من صغرى اعتبر امى صديقتى وزميلتى وكل شى
تصدقون الحين وانا بنت جامعة اقولها خاطرى انام بحضينك تقلى استحى انتى كبرتى
امل راسى بين ذراعها واقول انسينى خلنى ارد طفلة
امى انسانة متدينة والحمد لله تحفظ كتاب الله يوم سمعت المديرة تتكلم عن عيد الام وقلت بجمع مصروفى وبشترى لها هدية اشتريت لها هدية
قالت وش هذى قلت هدية عيد الام ضحكت وقالت بقبلها بس على شرط قلت لايكون اروح بيت جدى اجيب من عندهم عنقود عنب ضحكت وقالت لا بقبلها منك بكرة
قلت لها ليه بكرة قالت سر
ما اخفى عليكم نمت وانا اناظر متى يطلع الصبح قلبى ياكلنى وش هالسر
المهم طلع الصبح و رحت معها السوق واشترت لى سلسلة ذهب وقالت تقبلى هديتى اقبل هديتك عاد انا ماصدقت قلت قبلت
قلت تعرفى ليه اخرت الهدية لليوم
قلت لا من ما اعرف
قالت لان عيد الام حرام وانا ما ربيتك الا على الدين لكنى ما حبيت اكسر بخاطرك وانكد عليكفرحتكك
بالله عليكم مين عنده ام مثل امى ولا ينقهر لو تقول الآه
ربى يشفيها ام سليمان
حرام عليك ,, والله عيني دمعت وقلبي عورني عليكم ,,,كلكم انت والوالدة ويدك
بصراحة ونعم البنت والام والدتك ,,, والله يرزقها بركم دوم ودهر ويجمعكم جنات الفردوس
وابي اطلب منك طلب انك تبوس راسها بنيابة عني
ههههههه
بس كفاية ,,, ما ابي اكبر وايد
الله يعطيك العافية أخوي
اسعدني مرورك