السلام عليكم شباب كيف حالكم
يا جماعة افكر في فكرة جهنمية ماظني خاطره في بال أحد
بما اني تعبت وعيزت وانا ادور نيسان 97 بحالة الوكالة’ فكرت اني اكلم المصنع اللي في اليابان واطلب منهم يصنعولي نيسان 97 يديد وبمواصفات خاصة,, بس ماعرف شو الطريقة وكم المبلغ وهل بيطيعون الوكالة يصنعون موديل 97 ؟؟؟ ياريت يا شباب تعطوني آرائكم وأفكاركم وتساعدوني بكل جدية في هالموضوع,, في انتظاركم
شئ نيسان وكالة موديل 97 ,,,,,,, مطلوب 65000 الف شايفنه عند واحد ف الدوام تباه بشوفلك اياه
الطريقه الوحيده اذا تبا اتخاطب الشركة …
طرش لهم ايميل وحدد لهم شو تبا بالظبط
وعقب بيردون عليك اذا يرومون يسوون ولا لا
وهالشي ما راح ياخذ من وقتك 10 دقايق
والسموحه ع القصور
السلام عليكم
يا ريت تخبرني نيسان ايش اللي تريدها
في اوروبا ممكن تلاقي سيارات موديلات قديمة بحالة الوكالة
وشكرا
السلام عليكم
الغالي اذا انت خاطرك فالنيسان عندي لك حل وان شاء الله مايكلفك وايد
خذلك نيسان لو بديه تعبان بس يكون شاصيه زين
وروح معرض السيارات الوارد في دبي وبتحصل عندهم نياسين وارد سكان يمين من الموديل الجديم من 91 الى 96 أنا بروحي شايفنهن وخذلك واحد وروح كراج وخله يركب الهيكل مال النيسان الوارد على النيسان الجديم وبيطلعلك الموتر وكالة والموتر يتسجل لانه لامغير سكانه ولا شي اللهم ان الهيكل غير وهذا رأيي والشي راجع لك والكراج يوم يبدل هيكل لهيكل مابياخذ عنك فوق ال4 الاف درهم
وعيش حياتك ……..
(((عفوا لصاحب الموضوع)))
أخوي الدبلوماسي كراجك متخصص ف شو وهل تشتغل ف سوالف نياسين وتضابيط وياريت تقولي ويييين مكانك ف العين والسموحـــــــــــــــــــــــــــــــــــــــــــ ـــــــــه…