السلام عليكم ورحمة الله وبركاته
لكل من لديه الخبره الكافية والشافية ل اشعال الفحم
أبي اعرف شو الطريقة الصحيحة لاشعال الفحم ( تورية الضو بالفحم ) 
لأن كانت عندنا حفلة شواء وشويت أمس والاكل عليه العوض كان محترق من برا ومب مستوي وايد من داخل … أي إن اللهب حرق الاكل بدون طياب
يعني تعرفون لما النار اتكون شابه تحرق … ولما اتهدي تنطفي
ما عرفت اوازنها
وعندي مشكلة ان الفحم ما يجمر بسرعة .. اتم اهوي عليه ساعة وأكثر وبعده راقد 
ما ادري هو من الفحم
ولا من قلة الخبرة 
افيدونا …
ان شاء الله بييييب الصور في اسرع وقت
اوكي
توقيد الفحم
بتلقين سائل ينباع عدال الفحم خاص لإشعال فحم الشوي
رشيه على الفحم و ولعيه لين يبدأ الفحم يتحول يمر ومثل ماقال أخوي اللي قبل، اشعليه قبل الشوي بوقت بسيط
عسب يتم اطول فترة ممكنة، واذا عندج مروحة من المراوح الجديمة مال اهل أول بتنفعج يوم تهبين الهوا ع الفحم
وجذي راح يكون الشوي 100%
مصمم اماراتي
شكراً مصمم عالاهتمام
بدور في كارفور …
نحن خلصنا من النقطة الاولى وهي انتقاء الفحم المناسب للشواء
النقطة الثانية : كيف هي بداية توقيد الفحم ؟ ^^
السلام عليكم …
إذا بتولعين الفحم قبل الحفل بساعه يكون أحسن … بعدين تحبين الشوي مستوي زياده قربي شبك الباربكيو على الفحم وإذا عادي فالنص.
.. السموحه ..
اذا انتي من بوظبي
سيري السوق الايراني في الميناء و أسألي عن احسن نوع فحم حق الشوي
أو في كارفور قسم الشوي و الطاولات حق الرحلات، بتلقين فحم خاص بالشوي وانا جربته وكان أوكي