دشيت المنتدى التجاري وشفت وايد مواضيع عن الشاحنات وما ادراك ما الشاحنات
ماشاء الله الشباب وايد متحمسين عالشاحنات
يا جماعة الخير ترا سالفة الشاحنات سالفة اتشيب بشعر الراس صدقوني يا جماعة والمثل يقول اسال خبير ولا تسال دكتور
انا راح اعطيكم صور من اشكال المعاناة اليومية الي ممكن تعانيها او يوم عمل افتراضي :
اول ما تاخذ السيارة ( اذا كانت مستعملة ) وتبغي تسجلها ويرفضها المرور بحجة ان فيها مشاكل ومحتاجة تصليح.
صلحت العيوب ويكلفك مبلغ وقدره 5000 درهم
السواق يتصل فيك الساعة 12 في الليل ويخبرك انه مبنشر ويباك اتييله
السواق يتصل فيك الساعة 1 الظهر زاخينه المرور بسبب انه مشى في وقت المنع او تجاوز اشارة داعم جسر متضارب ويا حد او الحمولة طاحت عالرصيف او على سيارة
السواق يتصل فيك ويصارخ فيك بسبب انه تاخر في التحميل او التنزيل ويحملك انت المسؤولية ويبا تعويض
السواق ماعيبه الشغل عندك وخلاص ما يبا
واذا خذتها قرض طبعا لازم تدفع الاقساط وراتب الموظف يعني لازم تكون شغال وعندك عقود
السيارة اختربت ووقفت في نصف الطريق وطبعا يبالك اتسير وتاخذ مهندس وتوديه لمكان السيارة ممكن يكون على بعد ساعتين او ممكن انته تكون في دبي وهو في بوظبي وطبعا انته المسؤول ولازم تصلح سيارة العطلانه والسايق مايتصرف بروحه.
المهم يا جماعة الخير الاشياء المذكورة بالاعلى اشياء روتينية من عمل الشاحنات وفي غيرها اشيا وايدة الشرح يطول
وصدقوني الشغلة مب بهالسهولة للي يبا ياخذ الموضوع على شكل هواية او يقول باخذلي شاحنة او ثنتين
والنصيحة بجمل
كلامك ابداااااااااااا ما يشجع
بس بالنسبة لي
اشوف الموضوع يستاهل التعب لان ربحه عاااالي
لان ما شي شي ببلاش هالايام والفلوس ما تجي وانت قاعد ريول على ريول
على العموم انا بعتبر كلامك لنا كــــــ تنبيه
فعلا
هذه بزنس دخله ممتاز بس بالمقابل مشاكله كثيره
انا اشوف انها تعتمد على البداية
يعني اذا بتبداها على سيارة خراب موديل 1900 وحطبة .. سلم عالكوس
عالاقل 2000 وطالع
يا شباب لو سمحتو اعطوني ارقام شركات تبي تستأجر شاحنات او اسماء بعض الشركات
ياخوي كل الاشياء الي ذكرتها
هاي الشركه تتحملها مش راعي الشاحنه
انا بشتري الشاحنه وباجرها على الشركه ..بموجب عقد بيني وبينهم
يعني انا مابعور راسي انا علي استلم فلوسي اول الشهر ..
مشكور على التوضيح
لكن هالزمن ما اي شي ونته يالس مرتاح لازم تتعب
وفي عقود داخل الشركات مب شرط في النقل
الخارجي .. يعني شي ناس شغالين في مشاريع
او داخل المينا .. وبالتوفيق انشالله للجميع