السلام عليكم ورحمه الله وبركاته
اليوم سرت الوكاله
عشان اشوف متى بتوصل السياره الي طالبنها من شهر
قالولي بتريا بعد من شهر لين شهرين…
المهم انا موب مستعيل….
انا حجزتها ين كانت سعرها 121 رقم واحد
سعرها ارتفع الحينه الى 123…. من بعد تاريخ -17-3
اي حجز جديد على الاف جي بيكون سعرها 123
و خبرني الي في الوكاله
السعر بيزيد مره جديده
بيوصلنها الى 125 خلال شهر
الي يبا يحجز,,,, يلحق عمره و يحجز من الحينه قبل الزياده الى 125
حبيت اخبركم.. و افيدكم…(( وسامحوني اذا معلوماتي خاطئه )))
تحياتي لكم
كلامك صحيح 100%
وازيد عليك شوي
الوكيل يوم بيحصل الناس يشترون سيارته من المعارض بزياده 100 الف بس عسب يكشخون
ليش ماتبونه يزيد من الف لين 10 الاف على السعر الأصلي؟!!
يعني اللي بياخذ اللكزس 570 اب 380 الف
اكيد مابيمانع لو كان سعرها 340 الف
كلامك صحيح
هههههههه
هلا حبوب
2000 درهم… طبعا…. كله تقردين لل ف كنديشين….
الاريون ما اسوقها دوم.. .. عندي نيسان 91 … كارفنه كرف….
بو احمد..
الله يزيدك من الخير و يبارك في حلالك
ولا تستعيل,, بتوصل الزياده .. بتوصل الزياده في يوم من الايام عشره وفوق
الزيادة هاي طبقها الفطيم على جميع السيارات وما يخصه اذا سيارة نزلت بشكل جديد والا سيارة صار لها نفس الموديل من 3 سنوات.. و السعر يتطبق حتى لو حاجز !
نحن حاجزين لكزس 570 السنة اللي طافت… بتوصل خلال شهر انشاء الله، خبرونا انها 325 وصارت 330 قبل اسبوع
وحاجزين استيشن 6 سلندر، قبل كانت 180 والحين صارت 184 اتوقع
وسالت عن اللكزس جي اس 430، كانت 217 صارت 220 الف
وحد عندنا شاري ال اس 460 لارج، كانت 317
والحين واحد من الشباب يبا ياخذ، قالوله 323 الف
هذا كله بسبب سعر صرف الدرهم المرتبط بالدولار والي يالس ينقص يوم عن يوم
اخر مرة سالت الصرافة قالي، تبا يورو اب 5.9 درهم !! وهو قبل سنة كان اب 5.1 واذا كثر 5.2
الله المستعان