خبير في البناء و غش بعض المقاولين
——————————————————————————–
السلام عليكم ورحمة الله و بركاته
تحية طيبة لجميع الزوار و الأعضاء و كذلك المشرفين
حبيت أني أفيد اخواني بش حيث انه كثرت الأيام هاي غش بعض المقاولين وما أقول كلهم و انا من اللي كانوا يبنون بيت صغيروني لكن المقاول و الاستشاري غشوني عدل
و كنت أتمنى اني أحصل واحد أدفع له مبلغ رمزي بس يشيكلي و يراقب البناء و يعطيني تقرير مفصل أسبوعيا . لكن للأسف ما حصلت حد .
الحينه أنا ياي أبا أفيد أي واحد يبا حد يشيكله على البناء يعني أييك لين البيت أسبوعيا أو في الأسبوع مرتين و يعطيك تقرير مفصل عن حالة البناء و يقدم لك المشورة .
لذلك أنا حصلت واحد ممتاز و شريف و أمين ( أهم شيء الأمانة) و ممكن يقوم بهاي المهمة لذلك أي واحد يبا يرسل لي طلبه على و بأرسله رقم الريال و اسمه .
هذا فقط للي يبنون في حدود دبي لأن الريال عليه طلب وايد و يمكن ما يقدر يطلع برع دبي .
تحياتي أخوكم المذهل
والله فكرة حلوة وااايد
والله ايوفقك فيها
اذا المقاول والاستشاري غشاشين الله يعين المالك
مرحبا
زين اللي ماوثق حتى فالاستشاري كيف بيحط ثقته فهالريال , زين انا شو دراني يمكن يتفق ويا المقاول مع احترامي للريال طبعا لكن كل شي وارد تستوي خسارتي اكثر واكثر ,,,, الحل الوحيد هو , حاول في فترة اختيار الاستشاري يكون حد من الشباب او من الاهل او معرفة لابأس فيها ,وبهالحالة خل ضغطك في التنفيذ على الاستشاري وحاول تدخل في تفاصيل الامور في بعض الاحيان , احضر اجتماعاتهم الاسبوعية ولمدة ساعة او نص ساعة واستمع فقط ولا تحاول تعطي اي اوامر او افكار لانه بعدين بتأخذ ضدك ,, الزيارات المفاجئة للموقع وانتقاد الشغل في حالة وجود اي ملاحظات , وبالاخير حاول لاتعقد اي شي ولاتأخر دفعات المقاول في حالة عدم وجود اي ملاحظات ,,,,,,, نصيحة لوجه الله لاتيبون اي حد يتابع الاستشاري والمقاول لانه المشاكل بتزيد اكثر واكثر او يتفق مع المقاول .
22 قراءة و لا رد واحد