خذني من ايدين التعب لين القاك

()()()()()()()()()

جدّفيني ليـن احضـان الجسـر
وانطريني تحت اكتاف الجريـد

قلبي المنهـك وانفـاس الاسـر
ما تقيّـد جيّـة الرجـل العنيـد

أوعدك و آواعدك عسر ويسـر
وهي على حطّة ادينك لا جديـد

كل كلمه منْـك تكسرنـي كسـر
موب حلوه كلمتـك انتـا بعيـد

الاماني ريش واحلامـي نسـر
والحظوظ اتعيش بقفاص الحديـد

الخساره ما تفيـد اللـي خسـر
لكـن انّـي بالخسـاره استفيـد

تذكري بس التقينا قلـت : سـر
قلت : احبك وانثنى غصنك رغيد

اعذريني كانـت الهجـره قسـر
شيّ ماهو في إدينـي كـمّ يكيـد

وعد ارجع واحضنك فوق الجسر
مثل حبّات المطر ترجـع اكيـد