خرافات أجدادنا ^___________________^

السلاااام عليكم ورحمه الله وبركاته

هاي بعض الخرافات الي يعتقدونها اجدادنا زمان اول

– بو بشير : وهو حشرة ضعيفة وطويلة ولها يناحات طوال، كانوا يعتقدون اذا شافوه انه يبشر عن ضيف قادم او عمل ناجح.

-بو النقيع:هو حشرة من فصيلة الخنافس ، كانوا يمسونها بإيدهم ويتمنون امنية اذا نقع بتحقق الامنية واذا ما نقعت ما بتحقق.

– الطيطار اذا انضرب وانقطع ذيله لازم ينحط على الذيل شي لانه يدعي على اهل البيت .
منو فخاطره طيطار مقلي ولا مشوي على الطرقة الافريقيه اممممم ياحلات طعمه ^ـ*

-هاي حق اهل البحر بس اذا بتاكل السمجه لازم نقطع الذيل قبل ما تاكلها

– تعالوا الشعراء هاي لكم : يقولون اللي ياكل لسان الذبيحه يستوي شاعر.

– الماي مب ينشرب حزة الغروب ،لانه يمرض

– يوم تبا تنام لاتحط الماس عند راسك لانه يفف نظر العين حطوها تحت المخده.

– كانوا يقولون رقاد العصر يقصر العمر >> علما بان الرسول عليه الصلاة والسلام – اوصى بالقليلوله.

–
النعال( عزكم الله ) مب زين اتكون مجلوبه لانه يدعي على اهل البيت او تستوي مشاكل وضرابه ووتكفيخ ويقولون حرام اتم الجهه السفليه من النعال مجابله السما لان فيها الله (انزين والوصخ المكود ع الارض … ما يجابل السما).

– كانوا يدخنون بالشب والخطف لانه يطر الحسد.

– كانوا يقولون اذا رفت العين اليمين خير واذا رفت عين اليسار شر .

– اذا كفك اليمين حكك يعني بتعطي حد فلوس واذا اليسار بتبقض فلوي ( الكل حد يتمنى اليسار تحجه).

-اذا خشمك حكك يعني يتسلم على شخص ياي من بعيد .

-اذا الاذن صاحت يعني يطريك بالخير او الشر .

-اذا كان شخص طالع وناديته او قلتله لا تطلع (يعني تنعبه – تزقره بلهجتنا ) مب زين لانه يمكن يستويله شي

– الياهل لازم يحطون في منزه سكين وملح وقران ،عشان يحفظه الله بالقران والكسين والملح عن الين( للحين انحط لليهال ).

– الياهل يوم يطلع من الاربعين لازم يسبونه على ريول ابوه او اي حد ثاني عشان يطلع على الي مسبحنه عليه .