السلام عليكم ورحمه الله وبركاته
اخواني شخباركم عساكم بخير
اخوكم حاجز من شهر سته وتوني مستلم موتري من اسبوع من وكاله فطيم
الموتر جي اكس ار ثمان سلندر…تعرفون الواحد فرحان بالموتر
قلت خلني بمرن الموتر بظهر برا العين بسير صوب الذيد وهذيك المناطق
مناك اغير جو وامرن الموتر وانا كنت ماسك الخط لي صوب المدام
حطو ماشاءالله خطين لكن جيت بنتقل من مسار الى مسار
حسيت شي تقفل بالموتر يت ابا الف الدركسون الا الدركسون مقفل
بصراحه تروعت وسميت والحمدلله ماكنت مسرع بحدود 100 امشي
خفيت وقفت الموتر بنص الخط وبنتدت السياره وشغلتها ابا احرك الدركسون
ماشي فايده بنتدت السياره وشغلت البطاريه وماشي فايده نزلت مثلث الخطر
واتصلت بسياره شحن وتريتها وسرت الوكاله قالو هذا مال امان و ما امان
يعني بالله عليكم لو تقفل علي وياي عايله وخط واحد ومسرع شو بيكون مصيرنا
بينفعنا الامان وما الامان والسيفتي بصراحه جوابهم مادش راسي والموتر استلمته
ثاني يوم المساء وجربت الموتر تعدل وحبيت اخبركم تنتبهون لو اني مسرع
جان ماكتبت لكم والسرعه مامنها الا الهلاك
أنا من مزيد وعندي فتك ومرتاح بس اقولك ياخوي
ليش تسكت ع الموضوع ليش ماترفع عليهم دعوه ألحين لوصارلك شئ
بيفيدوك هم
شوه امان وما امان
سياره تمشي واتقفل فالخط اتخيل انك متجاوز من اليسار ويايه سياره
مابتقدر تاخذ يمين شوه هاذا
حياة الناس مب لعبه هاذا كله من الحجوزات المصنع يصنع سرعه سرعه
يبغي ايغطي الطلبات والضحيا هالزبون
………..
مالك الا المكتب الاقليمي
اشتكي لهم
واذا صح انه نظام امان فما أقول الا يافشيلة وكالة تويوتا بهالنظام
لاحول ولاقوة الابالله
والحمدلله عسلامه اخوي
جزاك الله خير على التوضيح اخوي وعلى توصيل المعلومه ,, و الله يعين الي عنده ها الموتر بيشك في عمره على الخط و ما بيسرع فوق 80 وهذا شي طيب ,,, و عساه في ميزان حسناتك
غريبة شو اللي قفل السكان ؟؟؟؟؟
انا اللي اعرفة السكان ماينقفل الا اذا المفتاح كان برع
هذيلا شكلهم يجربون فص السلف في روسنا
سو لهم حشرة لاتسكت عن حقك