بسم الله الرحمن الرحيم
في موضوع شاغل بالي من الصيف وأنا أفكر فيه وكنت أحاول أستعد له بس للأسف مافي أي نوع من الإستعداد ممكن أنه يفيد في هالنوع من المواضيع.
بوظبي وما أدراك ما بوظبي في 2009
19 thoughts on “خلاص الموضوع أصبح لا يطــــــــــــــــــاااق”
Comments are closed.
أنا بدا ضغطي يرتفع خلاص وأحس أن هالموضوع يسبب أمراض لناس وايد …
دلني انته بس على الشارع اللي يقول هل من مزيد وازقر المطافي وراي
لأنـــي بحــرقــه حــراااااااااق
انته بتخليني أقولك عن خط سيري اليوم … (أحس دمي بدا يفور)
جوف انا شو سويت …
أنا من سكان مدينة خليفة أ وأداوم داخل بوظبي عالكرنيش
1- لين طلعت من مدينة خليفة أ 4-6 دقايق
2- أول ما قبظت خط مصفح لقيت حادث فويهي تقريبا 6 سيايير ( اللهم ألطف بهم) طبعا غير الزحمة الموجودة أصلا
3- تميت أتجاوز من اليمين وادخل في هالسيد واطلع من هالسيد ومعرض عمري للخطر بس عشان اطلع من الضغط النفسي هاز
4 خلصت من هالزحمة وانا بعدني ما تخطيت حدود خليفة أ وبديت أمشي ما بين 60-80 كم/س طبعا تعرف السبب وهو ان شارع مصفح فاظي فاظي جدا !!!!
5- أول ما طفت مستشفى زايد العسكري شفت الشارع بدا يووقف … قلت لا يحوووووووشك .. وآخذ أقصى اليمين ومشيييت لين دخلت فتحة المشرف ومنها طلعت ليييييييين شيشة المشرف طبعا بعد حولي 687638 مطبة هوائية زلزالية
6- طلعت من عند الشيشة وقلت طبعا مستحيل أدخل شارع الخليج العربي وكأن ماشي مستوي!! وكملت من صوب مشرف الدبابات وين الحرس الأميري
7- طبعا ماقدرت أوقف عالأشاره لأن ماشاءالله هالشارع بعد مسكر ليييييييييين عند اول مطبة وابعد بعد
8- دخلت من صوب الفلل وطلعت من الصوب الثاني طبعا مب انا بس معاي سكان بوظبي كلهم في سياييرهم طبعا يحاولون يختصرون لأني مب انا الذكي الوحيد الموجود هههه
9- المهم وبعدها طلعت على الإشارة اللي فيها نافورة عند الاتحاد النسائي وتميت فيها أتريا الدور على شان أمر لين فتحت الإشارة ل (خااامس مرة) ولفيت يسار على اساس اروح الدواوير اللي عند قصر المشرف
10 – طبعا الكل يعرف ان هالدواوير فيهن أشاير ما تفتح اللا الصبح فقط للحلوين .. رحت ودخلت مع الناس الحلوين اللي يختصرون من باركنج حديقة قصر المشرف ….
طبعا أنا تعبت ومب قادر أكمل .. وادري انكم مليتو من كثر الزحمة والاختصارات والقصص المثيرة .. مابا أكمل لكم الطريق لأنه كلللللللللله نفس الحالة ومافي مكان أقدر أقول اني تميت فالشارع شرات ما كنت اتريا في السنين اللي طافت
قهر!!
هههه، ركب ليتات زينون، وشغل الفل ليت من تطلع من بيتكم لين توصل الدوام
خلاص باخذك وياي في الموتر وبخبرك شو تسوي عشان الشارع يقولك هل من مزيد
بس صدق خصوصا في رمضان أنا كانت أعصابي تتعب من الزحمة لدرجة اني خذيت إجازة
الله يحيييك ويبقيك
هيه والله ياخي مااااااااااااعرف هذيلا شوو يسون في بوظبي … ولو لاحظت تراهم اللا من قريب بدو يهجمون على بوظبي !!!
ماعرف ياخي متى “بيرحمونا”
وينحط عليهم مب سالك ب 50 .. ينحط ب 500 عشان تشوف بوظبي شرات 1985 هههههههههه
موضوع في محله لان زحمة أبوظي هالسنة لا تطاق وترفع الضغط يعني زيادة في عدد السيارات
عن العام بشكل غير معقول , الحين توقف قبل الاشارة اكثر من اربع مرات حتى الدوارات نقس الشي
تحياتي……….